អតីតជាកញ្ញាឯកលំដាប់រងទី១ កញ្ញាឯកដ៏អស្ចារ្យនៃកម្ពុជា ឆ្នាំ២០២១ (Miss Grand Cambodia 2021) អ៊ិន លក្ខិណា បានបង្ហាញមហិច្ឆតារបស់ខ្លួន ដោយចង់ក្លាយជាស្ត្រីម្នាក់តំណាងអោយប្រទេសកម្ពុជា ទៅប្រកួតប្រជែងនៅលើឆាកអន្តរជាតិ បើទោះបីជានាង
រាជធានីភ្នំពេញ ៖ អតីតជាកញ្ញាឯកលំដាប់រងទី១ កញ្ញាឯកដ៏អស្ចារ្យនៃកម្ពុជា ឆ្នាំ២០២១ (Miss Grand Cambodia 2021) អ៊ិន លក្ខិណា បានបង្ហាញមហិច្ឆតារបស់ខ្លួន ដោយចង់ក្លាយជាស្ត្រីម្នាក់តំណាងអោយប្រទេសកម្ពុជា ទៅប្រកួតប្រជែងនៅលើឆាកអន្តរជាតិ បើទោះបីជានាងធ្លាប់រងការប្រមា.ថ និងមិនអោយតម្លៃចំពោះគោលដៅរបស់នាងនាពេលនេះក៏ដោយ។
តារាកូនកាត់វ័យប្រមាណ២០ឆ្នាំរូបនេះ បានលើកឡើងថា នាងនឹងមិនបញ្ឈប់ក្តីស្រមៃរបស់ខ្លួនឡើយ ដរាបណានាងនៅមិនទាន់បានធ្វើវាអោយអស់ពីសមត្ថភាព ហើយនាងក៏មិនចុះចាញ់ និងអស់សង្ឃឹមនូវពាក្យដែលបានរិះគន់មកលើរូបនាងនោះដែរ។
ស្រីស្អាត អ៊ិន លក្ខិណា បានអះអាងថា ដរាបណាខ្ញុំ មិនទាន់បានជោគជ័យទេ គឺខ្ញុំមិបញ្ឈប់ក្ដីស្រមៃខ្លួនឡើយ ខ្ញុំធ្លាប់មានក្ដីស្រមៃថា ខ្ញុំចង់ក្លាយជាស្ដ្រីម្នាក់ដែលតំណាងអោយប្រទេសជាតិខ្លួន អាចនិយាយបានថា វាជាក្ដីស្រមៃដ៏ធំមួយសម្រាប់ខ្ញុំ»។ នាងថា «មានមតិមួយចំនួនបាននិយាយមកកាន់ខ្ញុំថា វាមិនសាកសមនឹងអ្នកទេ ឬជាក្ដីស្រមៃមួយដែលមិនអាចទៅរួច ប៉ុន្ដែអ្នកត្រូវតែស្រមៃថា វាអាចទៅរួច មិនថាអ្នកដទៃបោះសម្ដីមកលើអ្នកយ៉ាងណាក៏ដោយ ប្រសិនបើមានអ្វីដែលអ្នកចង់ធ្វើ កុំខ្វល់ពីសម្ដីដែលអ្នកដទៃគិតអី គ្រាន់តែអ្នកមានទំនុកចិត្តលើខ្លួនឯងទៅវានឹងប្រសើរ បើអ្នកជោគជ័យ ឬមិនជោគជ័យ យ៉ាងហោចណាស់ ក៏អ្នកមិនស្ដាយក្រោយចំពោះគ្រប់យ៉ាងដែលអ្នកបានឆ្លងកាត់ដែរ»។
នាងបន្ថែមថា «វាប្រសើរជាងអ្នកមិនបានធ្វើ រួចចាំស្ដាយក្រោយតាមក្រោយ ប្រសិនបើអ្នកមានបំណងនឹងបោះចោលក្ដីសុបិន្ដរបស់ខ្លួនឯង ព្រោះតែគិតថា វាមិនសាកសម ហើយឈោងមិនដល់ សូមអ្នកទាំងអស់គ្នាគិតឡើងវិញ ទោះយឺតយ៉ាវយ៉ាងណា ក៏នៅតែទៅមុខ1%សម្រាប់ខ្ញុំ គឺវាមានតម្លៃបំផុត ទោះដឹងលទ្ធផលបែបណា ក៏ខំប្រឹង ព្រោះខ្ញុំបានតាំងចិត្តថា មកទីនេះ ដើម្បីប្រទេសជាតិខ្ញុំ»។
ជាការកត់សម្គាល់ ម្ចាស់ជ័យលាភីគ្រងមកុដ Miss Supranational Cambodia ២០២១ គឺកញ្ញា អ៊ិន លក្ខិណា បានក្លាយជាស្ត្រីដំបូងគេ ដែលតំណាងឲ្យកម្ពុជា ក្នុងការចេញទៅប្រកួត Miss Supranational ២០២១ លើឆាកអន្តរជាតិនាឆ្នាំ២០២២នេះ នៅប្រទេសប៉ូឡូញ។ ប៉ុន្តែរហូតមកទល់នាពេលនេះ នាងនៅមិនទាន់បានចាកចេញទៅប្រកួតនៅកម្មវិធីខាងលើនេះនៅឡើយទេ ដែលកន្លងមក បញ្ហានេះត្រូវបាននាងលើកឡើងថា ដោយសាររអាក់រអួលរឿង VISA ដោយសារប្រទេសកម្ពុជា មិនមាន VISA ទៅប្រទេសប៉ូឡូញនេះឡើយ ដោយតម្រូវឲ្យនាងទៅកាន់ប្រទេសថៃជាមុនសិន។ យ៉ាងណា ដំណឹងពីការទៅចូលរួមប្រកួតកម្មវិធីខាងលើពី អ៊ិន លក្ខិណា នាពេលនេះ បានបន្តស្ងប់ស្ងាត់រហូតមកដល់នាពេលនេះ ដោយមិនដឹងមូលហេតុច្បាស់លាស់ឡើយ៕
ចែករំលែកព័តមាននេះ