4វិធីផ្លាស់ប្តូរឧបសគ្គឱ្យក្លាយជាឱកាស
Michael Jordan ជាកីឡាករBasketball មានកេរ្តិ៍ឈ្មោះល្បីល្បាញលំដាប់ពិភពលោក ។ កេរ្តិ៍ឈ្មោះ មិនមែនជារឿងដែលគាត់មានតាំងពីកំណើតទេ គឺពេលគាត់ឈានមកតស៊ូក្នុងអាជីពដែលគ្រប់គ្នាតែងសុបិនដល់នោះ
Michael Jordan ជាកីឡាករBasketball មានកេរ្តិ៍ឈ្មោះល្បីល្បាញលំដាប់ពិភពលោក ។ កេរ្តិ៍ឈ្មោះ មិនមែនជារឿងដែលគាត់មានតាំងពីកំណើតទេ គឺពេលគាត់ឈានមកតស៊ូក្នុងអាជីពដែលគ្រប់គ្នាតែងសុបិនដល់នោះ
Michael Jordan ជាកីឡាករBasketball មានកេរ្តិ៍ឈ្មោះល្បីល្បាញលំដាប់ពិភពលោក ។ កេរ្តិ៍ឈ្មោះ មិនមែនជារឿងដែលគាត់មានតាំងពីកំណើតទេ គឺពេលគាត់ឈានមកតស៊ូក្នុងអាជីពដែលគ្រប់គ្នាតែងសុបិនដល់នោះ សុទ្ធតែចេញមកពីឧបសគ្គមើលទៅនឹងគ្មានថ្ងៃបញ្ចប់ ។
ក្នុងសម័យមធ្យមសិក្សា ក្រុម Basketball របស់សាលារៀន បានបើកទទួលអ្នកលេង ពេលនោះ Jordan បានទៅស្ម័គ្រ ប៉ុន្តែគាត់មិនបានជាប់ទេ ។ គាត់អស់សង្ឃឹមយ៉ាងខ្លាំង និងស្បថជាមួយខ្លួនឯងថា នឹងក្លាយជាអ្នកលេង Basketball ដែលពូកែបំផុតឲ្យបាន ។
ក្នុងការជ្រើសរើសកីឡាករ និងការប្រកួតពេលក្រោយមកទៀត ជំនាញរបស់គាត់បានអភិវឌ្ឍយ៉ាងខ្លាំង និងក្លាយជាអ្នកលេងដែលពូកែបំផុតក្នុងក្រុមបានសម្រេច ។ បើសិនជាគាត់ព្រមចុះចាញ់តាំងពីថ្ងៃនោះមក យើងក៏គង់គ្មានអ្នកលេង Basketball ដែលមានឈ្មោះល្បីល្បាញលំដាប់ពិភពលោកក្នុងថ្ងៃនេះទេ ។
យើងគ្រប់គ្នាតែងមានឧបសគ្គក្នុងជីវិត ការយល់ព្រម និងឆ្លងកាត់ឧបសគ្គ គឺជាការកំណត់ភាពជោគជ័យ ។
១-មើលឧបសគ្គជាផ្លូវទៅរកគោលដៅ ៖
ចូរគិតថា គោលដៅរបស់អ្នកនោះអាចទៅបានជានិច្ច ។ តារាសម្តែងជនជាតិអាមេរិក Chris Burke ធ្លាប់និយាយថា ៖ «ខ្ញុំផ្តិតពាក្យទុកក្នុងខួរក្បាលថា ឧបសគ្គ គឺអ្វីដែលនឹងជួបប្រទះពេលអ្នកលះបង់គោលដៅ និងព្រមចុះចាញ់ តែវាមិនមែនជាខ្លួនខ្ញុំទេ » ។
នៅពេលខ្សែភ្នែករបស់អ្នកសម្លឹងទៅគោលដៅ ក៏កុំឲ្យឧបសគ្គត្រឹមតូចៗ មកធ្វើឲ្យអ្នកយល់ខុសឲ្យសោះ ។
២-ដាក់ផែនការ មិនមែនគ្រាន់តែសង្ឃឹម ៖
ឧបសគ្គកើតឡើងបានគ្រប់ពេលវេលា ការសង្ឃឹមថា ឧបសគ្គនឹងអស់ទៅ ហើយគ្រប់យ៉ាងនឹងដំណើរការទៅដោយរលូននោះ វាមិនមែនជារឿងត្រឹមត្រូវប៉ុន្មានទេ ។ អ្នកត្រូវបង្កើតគោលដៅដែលអាចធ្វើតាមបានពិតប្រាកដ ដើម្បីពុះពារឈានទៅជោគជ័យយ៉ាងច្បាស់លាស់ ។ ចូរប្រាកដចិត្តថា គោលដៅរបស់អ្នកមិនច្របូកច្របល់ពេក ដែលវាជាតម្រូវការពិតប្រាកដ ព្រមទាំងអាចវាស់លទ្ធផលបាន ហើយផ្តល់រង្វាន់ដល់ខ្លួនឯងពេលឈានមកដល់ចំណុចមួយ។ រឿងទាំងនេះរមែងជួយជំរុញអ្នកឲ្យឈានទៅរកគោលដៅបានយ៉ាងឆាប់រហ័ស ។
មានសៀវភៅជាច្រើនក្បាលនិយាយពីវិធីការកំណត់គោលដៅយ៉ាងឈ្លាសវៃ ដែលការកំណត់គោលដៅខាងលើនេះ គឺអាចវាស់វែងលទ្ធផលបាន ធ្វើឲ្យក្លាយជាការពិត និងមានពេលវេលាកំណត់ជាក់លាក់ ។ បើសិនជាគោលដៅរបស់អ្នកទៅតាមមាត្រដ្ឋាននេះ ក៏នឹងធ្វើវាងាយឡើង មានន័យថា អ្នកនឹងសម្លឹងទៅរកគោលដៅ ទោះជាជួបនឹងឧបសគ្គកណ្តាលផ្លូវក្តី ។
៣-ផ្តោតលើអ្វីដែលអាចធ្វើបាន ៖
នៅពេលដែល Jordan ត្រូវបានគេកាត់ចេញពីក្រុមសាលារៀន ដោយសារគាត់មានកម្ពស់ត្រឹមតែ១,៧៨ម៉ែត្រ គាត់ចង់ខ្ពស់ជាងនេះ ប៉ុន្តែគាត់ដឹងថា គាត់មិនអាចគ្រប់គ្រងវាបាន ដូច្នេះ ជំនួសអ្វីដែលគាត់ចំណាយកម្លាំង និងពេលវេលាជាមួយអ្វីដែលគ្រប់គ្រងមិនបាន គាត់បានផ្តោតលើការអភិវឌ្ឍជំនាញដែលអាចធ្វើបានច្រើនជាង ។
ជំនួសការគិតពីអ្វីដែលធ្វើមិនបាន អ្នកអាចគិតដល់អ្វីដែលអាចធ្វើបានវិញ ។ ចូរប្រើឧបសគ្គសម្រាប់ជាផ្លូវអភិវឌ្ឍន៍ និងរកវិធីទទួលយកវា ។ នៅពេលយើងដើរមកដល់កំផែងរារាំងផ្លូវ យើងអាចរកវិធីតោងផ្លោះឆ្លងកាត់វា ឬជីករន្ធដើម្បីទៅឲ្យបាន មិនមែនរវល់តែគិតថា ហេតុអ្វីត្រូវមកជួបនឹងសភាពបែបនេះ ដែលវាគ្មានអ្វីល្អប្រសើរឡើងទេ ។
៤-យើងមិនអាចគ្រប់គ្រងស្ថានការណ៍ តែអាចគ្រប់គ្រងឥរិយាបថបាន ៖
អ្នកត្រូវមានឥរិយាបថល្អ និងធ្វើគ្រប់យ៉ាងដើម្បីសម្រេចលទ្ធផលឲ្យបាន ។ ការបង្កើតភាពជឿជាក់ដល់ខ្លួនឯង និងភាពក្លាហានហ៊ានធ្វើអ្វីដែលអ្នកដទៃជំទាស់ វានឹងធ្វើឲ្យអ្នកអាចពុះពារគ្រប់ឧបសគ្គទៅបាន រួមទាំងអាចយកឈ្នះចិត្តខ្លួនឯងផងដែរ ។
ឧបសគ្គជារឿងចៀសវាងមិនបាន អ្នកទទួលបានជោគជ័យគ្រប់រូបតែងធ្លាប់ជួបនឹងឧបសគ្គផ្សេងៗ ។ ភាពជឿជាក់លើគោលដៅដែលកំណត់យ៉ាងឈ្លាសវៃ គឺមានផ្លូវសម្រាប់ដោះស្រាយបញ្ហាច្បាស់លាស់ និងមានឥរិយាបថសមស្រប តែងជួយឲ្យអ្នកអាចតាំងចិត្ត នឹងសម្រេចគោលដៅ ។
« ភាពបរាជ័យ គឺជាឱកាសដើម្បីចាប់ផ្តើមជាថ្មីម្តងទៀត ដោយសតិបញ្ញាច្រើនឡើង » ។ នេះបើតាមលោក Henry Ford ៕
ចែករំលែកព័តមាននេះ