ភ្ញាក់ផ្អើលឆោឡោទាំងព្រឹកក្រោយពីប្រទះឃើញ…(មានវីដេអូ)
រាជធានីភ្នំពេញ ៖ នាវេលាព្រឹកថ្ងៃទី៤ ខែឧសភា ឆ្នាំ២០១៧ នៅមុននេះបន្តិចមានការផ្អើលឆោឡោ
រាជធានីភ្នំពេញ ៖ នាវេលាព្រឹកថ្ងៃទី៤ ខែឧសភា ឆ្នាំ២០១៧ នៅមុននេះបន្តិចមានការផ្អើលឆោឡោមួយបានកើតឡើងក្រោយពីមានហេតុការណ៍ប្រទះឃើញសពមួយត្រូវបានគេដុតឆេះខ្ទេចមើលមិនយល់ ។
បើតាមប្រភពពីភ្នាក់ងារព័ត៌មានរបស់កោះសន្តិភាពបានឱ្យដឹងថា ហេតុការណ៍ដែលគេប្រទះឃើញសពដែលត្រូវបានគេដុតនេះគឺស្ថិតក្នុងភូមិអង្គ សង្កាត់ប្រទះឡាង ខណ្ឌដង្កោ ។ តាមសេចក្តីរាយការណ៍បានឱ្យដឹងទៀតថា សពខាងលើមានឈ្មោះ ណូន សំណាង ហៅតូ អាយុ៣៨ឆ្នាំ មានប្រពន្ធឈ្មោះ ម៉ៃ និងមានកូន៣នាក់ក្នុងបន្ទុក ។ ជនរងគ្រោះមានទីលំនៅក្នុងភូមិស្លែងគង់ ឃុំដើមឬស ស្រុកកណ្តាលស្ទឹង ខេត្តកណ្តាល ។
ហេតុការណ៍នេះត្រូវបានគេប្រទះឃើញសពនៅលើទួលគុម្ពឬស្សីដែលស្ថិតក្នុងទីតាំងខាងលើ ហើយនៅជុំវិញបរិវេណនោះផងដែរក៏ឃើញមានរថយន្តមួយគ្រឿងម៉ាក Hyundai ពាក់ស្លាកលេខ ភ្នំពេញ 3D-8343 ដែលជារថយន្តរបស់ជនរងគ្រោះខាងលើដែលជារថយន្តដឹងក្រណាត់ និងមានធុងសាំងមួយនៅក្បែរនោះផងដែរ ដែលមុនពេលកើតហេតុជនរងគ្រោះបានបើករថយន្តដើម្បីធ្វើការដឹកក្រណាត់ដាក់ឱ្យគេតាំងពីម៉ោង៦ព្រឹកដោយមានប្រពន្ធមកជាមួយ ប៉ុន្តែដោយឡែកប្រពន្ធបានត្រលប់ទៅផ្ទះមុនដើម្បីចូលរួមពិធីហេជំនួន ។ តាមសេចក្តីសន្និដ្ឋានចំពោះករណីខាងលើនេះ គឺអាចជាអំពើរឃាតកម្មរួចយកសពទៅដុតកម្ទេចចោល ៕
ចែករំលែកព័តមាននេះ