សាលក្រមផ្តន្ទាទោសអាហ្វ្រិកដែលលេបថ្នាំញៀនក្នុងពោះ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី០២ ឧសភា បានប្រកាសផ្តន្ទាទោសជនជាតិអាហ្វ្រិកខាងត្បូងម្នាក់ដាក់គុកអស់១ជីវិត និងពិន័យប្រាក់ចូលជាថវិការដ្ឋចំនួន
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី០២ ឧសភា បានប្រកាសផ្តន្ទាទោសជនជាតិអាហ្វ្រិកខាងត្បូងម្នាក់ដាក់គុកអស់១ជីវិត និងពិន័យប្រាក់ចូលជាថវិការដ្ឋចំនួន៤លានរៀល ពាក់ព័ន្ធលេបថ្នាំញៀនក្នុងពោះចូលមកប្រទេសកម្ពុជា ។
ហើយកាលពីថ្ងៃទី១០ មេសា បានបើកសវនាការលើសំណុំរឿងជនជាតិអាហ្រិ្វកខាងត្បូងម្នាក់ ពាក់ព័ន្ធលេបថ្នាំញៀនក្នុងពោះចូលមកកម្ពុជា ។ ក្រោយពីបញ្ចប់សវនាការចៅក្រមជំនុំជម្រះបានលើកពេលប្រកាសសាលក្រមក្នុសំណុំរឿងនេះទៅថ្ងៃទី០២ ខែឧសភា ខាងមុខ ។
គួរបញ្ជាក់ផងដែរថា ជនជាប់ចោទឈ្មោះ BOTHA JACOBUS DAIE ភេទប្រុស អាយុ៣០ឆ្នាំ លិខិតឆ្លងដែនលេខ A05010854 ត្រូវបានអាជ្ញាធរកម្ពុជា ចាប់ខ្លួនកាលពីថ្ងៃទី២៣ កញ្ញា ឆ្នាំ២០១៦ នៅព្រលានយន្តហោះអន្តរជាតិភ្នំពេញ ។ ក្នុងពេលចាប់ខ្លួនសមត្ថកិច្ចបានរឹបអូសគ្រឿងញៀនកូកាអីុនចំនួន៤២ដុំ មានទម្ងន់សរុប៥៨៧,១០ក្រាម ដែលលេបចូលក្នុងពោះមកពីប្រទេសប្រេស៊ីល ។ ពេលចាប់ខ្លួនថ្ងៃទី២៣ កញ្ញា ២០១៦ សមត្ថកិច្ចបានឆែកឆេររកឃើញថ្នាំញៀន៨ដុំនៅរុំជាប់ខ្លួន ហើយសមត្ថកិច្ចបាននាំជនជាប់ចោទទៅស្គេននៅមន្ទីរពេទ្យ ស្រាប់តែឃើញគ្រឿងញៀនរហូតដល់៤២ដុំទៀត ហើយថ្នាំញៀនដែលចាប់យកជាប្រភេទ កូកាអីុន ដែលមានតម្លៃប្រហាក់ប្រហែល១៥ម៉ឺនដុល្លារក្នុងមួយគីឡូក្រាម ៕
ចែករំលែកព័តមាននេះ