មានកត្តាជាច្រើនដែលរារាំងដល់ការបំពេញការងារប្រចាំថ្ងៃ តើអ្នកមានវិធីសាស្ត្រចាត់ការវាដូចម្តេចខ្លះ ?
១-ការប្រជុំ ៖
ការប្រជុំអាចធ្វើឲ្យខាតពេលវេលា បើសិនជាគ្រប់គ្រងវាមិនបានល្អ ។ អ្នកចូលរួមប្រជុំមិនបានធ្វើកិច្ចការ
មានកត្តាជាច្រើនដែលរារាំងដល់ការបំពេញការងារប្រចាំថ្ងៃ តើអ្នកមានវិធីសាស្ត្រចាត់ការវាដូចម្តេចខ្លះ ?
១-ការប្រជុំ ៖
ការប្រជុំអាចធ្វើឲ្យខាតពេលវេលា បើសិនជាគ្រប់គ្រងវាមិនបានល្អ ។ អ្នកចូលរួមប្រជុំមិនបានធ្វើកិច្ចការ មិនចាប់អារម្មណ៍ការប្រជុំ ឬមានការជជែកក្រៅប្រធានបទ បែកអូរហូរ
ស្ទឹង ដែលធ្វើឲ្យការប្រជុំអូសបន្លាយពេល មិនបានសរុបលទ្ធផល ហើយថែមទាំងខាតពេលវេលាធ្វើការដទៃទៀត ដែលមិនទាន់រួចរាល់ផងដែរ ។
ដំណោះស្រាយ ៖ កំណត់របៀបវារៈប្រជុំយ៉ាងច្បាស់លាស់តាំងពីពេលចាប់ផ្តើម និងបញ្ចប់ការប្រជុំឲ្យត្រូវពេលវេលា ។ វាធ្វើឲ្យការប្រជុំមានកំណត់ និងវត្ថុបំណងច្បាស់លាស់ ហើយសំដៅឆ្ពោះតែបុគ្គលចាំបាច់ប៉ុណ្ណោះ ។
២-អីុម៉ែល ៖
ពេលកំពុងបំពេញការងារ អ្នកអាចត្រូវកាត់ចង្វាក់ដោយសារការផ្តល់ព័ត៌មានពីការផ្ញើអុីម៉ែលចូលនៅមុខកុំព្យូទ័រ ឬសំឡេងប្រាប់ពីទូរស័ព្ទដៃជានិច្ច ។
ដំណោះស្រាយ ៖ បិទការផ្តល់ដំណឹងអីុម៉ែល ហើយកំណត់ពេលមើលអុីម៉ែល ដូចជា ពេលព្រឹក ឬពេលថ្ងៃប៉ុណ្ណោះ ។ ក្រៅពីពេលវេលាខាងលើនេះ អ្នកនឹងបានតាំងចិត្តធ្វើការងារដោយគ្មានការរំខាន ។
៣-ទូរស័ព្ទ ៖
បញ្ហាទូរស័ព្ទរោទ៍ គឺជារឿងមួយទៀតដែលគេចមិនផុត ។ នៅពេលទូរស័ព្ទរោទ៍ខ្លាំង អ្នកដឹងថា មានមនុស្សត្រូវការជជែកជាមួយ ដូច្នេះ អ្នកត្រូវបានកាត់ចង្វាក់ធ្វើការងារដើម្បីមកទទួលទូរស័ព្ទនោះ ។
ដំណោះស្រាយ ៖ អាចទៅរួចដោយលំបាកក្នុងការយកទូរស័ព្ទចេញ ។ អ្នកអាចជ្រើសរើសស្នើឲ្យមិត្តភក្តិរួមការងារជួយទទួលទូរស័ព្ទជំនួស ក្នុងករណីចាំបាច់ត្រូវបង្កើនល្បឿនការងារឲ្យរួចរាល់ ឬបើធ្វើមិនបានទេ គួរតែផ្តល់ដំណឹងដល់មនុស្សទូរស័ព្ទមកថា យើងជាប់ការងារ ហើយនឹងតេត្រឡប់ទៅវិញពេលក្រោយ ។
៤-បណ្តាញសង្គម ៖
បណ្តាញសង្គមដូចជា Facebook, Twitter ឬ Instagram អាចទាញចំណាប់អារម្មណ៍របស់អ្នកឲ្យបែរចេញពីការងារដោយងាយ ដោយសារទទួលការផ្តល់ដំណឹងថា មានមនុស្ស Comment ឬ Like រូបរបស់អ្នក ។
ដំណោះស្រាយ ៖ នៅពេលដឹងថា ដល់ពេលបំពេញការងារ គឺត្រូវតាំងចិត្តធ្វើការ ។ ដូច្នេះ មុននឹងធ្វើការ នៅពេលថ្ងៃត្រង់ ឬបន្ទាប់ពីសម្រាកពីការងារ អ្នកអាចលេងបណ្តាញសង្គមបានយ៉ាងពេញលេញ និងកុំបើកវាមើលនៅម៉ោងការងារទៀត ឬមិនដូច្នោះទេ អាចបិទសំឡេងរោទ៍ផ្តល់ដំណឹងក្នុងទូរស័ព្ទដៃ ខណៈពេលធ្វើការ ។
៥-ស្មាតហ្វូន ៖
ខណៈស្មាតហ្វូន គឺជាមណ្ឌលរួមសម្រាប់កិច្ចការផ្សេងៗ ទាំងប្រើក្នុងការទទួលទូរស័ព្ទ ឆែកអីុម៉ែល លេងបណ្តាញសង្គម រួមទាំងលេងហ្គេម ដូច្នេះ វាជាផ្លូវដែលទាក់ទាញចំណាប់អារម្មណ៍របស់អ្នកឲ្យងាកចេញពីការងារដោយងាយ ។
ដំណោះស្រាយ ៖ បិទសំឡេង បិទការញ័ររបស់ទូរស័ព្ទដៃ ដើម្បីកាត់បន្ថយការរំខានពីការរោទ៍ផ្តល់ដំណឹង app អីុម៉ែល និងហ្គេមទាំងអស់ ។
៦-មិត្តរួមការងារ ៖
មិត្តរួមការងារអាចចូលមករកអ្នកបានគ្រប់ពេលវេលា ទាក់ទងនឹងរឿងការងារ ឬជជែករឿងរ៉ាវទូទៅដោយផ្ទាល់មាត់ ដែលធ្វើឲ្យអ្នកចង់ស្តាប់ ។
ដំណោះស្រាយ ៖ ជារឿងពិបាកដែលនឹងបិទផ្លាក «ហាមរំខាន» ឬកំណត់ពេលដែលអ្នកមិនត្រូវការការរំខាន ដើម្បីឲ្យអ្នកដទៃបានជ្រាប។ វិធីល្អ គួរប្រាប់មិត្តភក្តិយ៉ាងសុភាពថា យើងត្រូវធ្វើការឲ្យរួចរាល់សិន និងមិនអាចជជែកពេលនេះឡើយ ។
៧-ខ្វល់ខ្វាយ ៖
មិនថារឿងការងារ សម្ព័ន្ធភាព មាសប្រាក់ ឬរឿងផ្សេងទៀត ដែលកំពុងរំខានចិត្តរបស់អ្នក រមែងជាឧបសគ្គក្នុងបំពេញធ្វើការ ។
ដំណោះស្រាយ ៖ គុណវិបត្តិរបស់ភាពខ្វល់ខ្វាយ គឺវាកើតឡើងមកហើយពិបាកនឹងកម្ចាត់ចេញពីខួរក្បាលណាស់ ។ អ្វីគួរធ្វើ គឺតាំងសតិ ហើយដាក់វាទៅម្តុំសិន កុំចាត់ទុកវាជារឿងសំខាន់ ហើយព្យាយាមគិតតែរឿងការងារប៉ុណ្ណោះ ។
ពាក្យណែនាំចុងក្រោយ គឺកុំចាត់តារាងការងារចង្អៀតរហូតដល់រឹតខ្លួនខ្លាំងពេក ឬអ្នករីករាយហើយទើបប្រញាប់បង្កើនល្បឿនការងារ បណ្តាលឲ្យតឹងខួរក្បាល និងអ្វីផ្សេងៗនៅក្បែរខ្លួន ក្លាយជាឧបសគ្គដល់ការងារ ៕
ចែករំលែកព័តមាននេះ