ជនបរទេសបើកអាជីវកម្មលើកស្លាកយីហោជាអក្សរចិន សង្ស័យអត់ច្បាប់
ខេត្តស្វាយរៀង ៖ មហាជនបានរិះគន់យ៉ាងខ្លាំងៗថា ជនបរទេសបានបើកមជ្ឈមណ្ឌលផ្សារ និងផ្ទះសំណាក់លើកស្លាកយីហោជាអក្សរចិន ដែលមានន័យថា ផ្សារម៉ុកបាយ
ខេត្តស្វាយរៀង ៖ មហាជនបានរិះគន់យ៉ាងខ្លាំងៗថា ជនបរទេសបានបើកមជ្ឈមណ្ឌលផ្សារ និងផ្ទះសំណាក់លើកស្លាកយីហោជាអក្សរចិន ដែលមានន័យថា ផ្សារម៉ុកបាយ សង្ស័យថា គ្មានច្បាប់អនុញ្ញាត ហើយអាជ្ញាធរក៏មិនអើពើបណ្តោយឲ្យជនបរទេសដាក់ស្លាកយីហោ ជាអក្សរចិននៅតាមបណ្តោយផ្លូវជាតិលេខ១ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ដែលមានភ្ញៀវជាតិ និងអន្តរជាតិធ្វើដំណើរឆ្លងកាត់ ឃើញផ្សារម៉ុកបាយ ជាអក្សរចិននៅជិតច្រកទ្វារព្រំដែនអន្តរជាតិបាវិត ដែលជារដ្ឋបាលក្រុងបាវិត។ បើតាមមន្ត្រីនគរបាលម្នាក់សុំមិនបញ្ចេញឈ្មោះបានឲ្យដឹងថា នៅថ្ងៃទី១ ឧសភា២០១៧ វេលាម៉ោង៨ព្រឹកមានជនបរទេសលើកស្លាកយីហោ មជ្ឈមណ្ឌលផ្សារ និងផ្ទះសំណាក់ ជាអក្សរចិន មានន័យថា ម៉ុកបាយ ដោយពុំឃើញមានអាជ្ញាធរ មានសមត្ថកិច្ចណា អើពើឡើយ ជាពិសេសមជ្ឈមណ្ឌល ផ្សារ និងផ្ទះសំណាក់របស់ជនបរទេសនេះ គឺនៅជាប់ផ្លូវជាតិលេខ១ ជិតច្រកទ្វារព្រំដែនអន្តរជាតិបាវិត មិនគួរអនុញ្ញាតឲ្យជនបរទេស លើកស្លាកយីហោ ជាភាសារបរទេសឡើយ គឺត្រូវតែដាក់ស្លាកយីហោជាអក្សរជាតិខ្មែរ នៅពីលើអក្សរបរទេសនៅពីក្រោមទើបត្រឹមត្រូវ។
ក៏ប៉ុន្តែអ្វីដែលមានការព្រួយបារម្មណ៍នោះសមត្ថកិច្ចបង្ហើបឲ្យដឹងថា មជ្ឈមណ្ឌល ផ្សារ និងផ្ទះសំណាក់ជនបរទេសនេះសង្សយ័ថាអត់មានច្បាប់។ បើតាមបុគ្គលិកសាងសង់អគារមជ្ឈមណ្ឌលផ្សារ និងផ្ទះសំណាក់ ម៉ុកបាយនេះឲ្យដឹងថា អគារនេះ មានបន្ទប់ទំហំ៤ម៉ែត្របួនជ្រុង ខាងក្រោមធ្វើជាតូបលក់ដូរ និងមានបន្ទប់ ទឹកបង្គន់អនាមយ័ និងកន្លែងចម្អិនអាហារ ឡៅតឿខាងលើធ្វើជាបន្ទប់ដេករស់នៅ ដោយជួលក្នុងមួយខែតម្លៃ២ពាន់ដុល្លារ និងមានបន្ទប់លក់ផ្តាច់ តាមអតិថិជនត្រូវការ ក៏ប៉ុន្តែការលក់ផ្តាច់នេះមិនដឹងថាលក់តម្លៃប៉ុន្មាននោះទេ។ ហើយក៏ពុំដឹងថាក្នុងមជ្ឈមណ្ឌលម៉ុកបាយនេះមានប៉ុន្មានបន្ទប់ដែរ គ្រាន់តែដឹងថាទី១-គឺកាស៊ីណូម៉ុកបាយ ប៉ែកខាងក្រោយ ផ្ទះសំណាក់ ,មណ្ឌលកម្សាន្ត និងស្ប៉ា ទី២-បែកខាងលិចជាកន្លែងលើកស្លាកយីហោថ្មីជាអក្សរចិននេះ គឺផ្សារ និងផ្ទះសំណាក់សម្រាប់ជួល និងលក់ផ្តាច់ ហើយបច្ចុប្បន្ន សាងសង់ពុំទាន់ហើយរួចរាល់ផង(គឺផ្ទះជួរជុំវិញសង់រួចហើយអគារកណ្តាលសង់ហើយ៧០ភាគរយ)មានជនបរទេសមកកក់យកអស់ហើយ និងមានជនបរទេស ចូលរស់នៅបណ្តើៗជាច្រើននាក់ ភាគច្រើនជាជនជាតិចិន ទើបមានការព្រួយបារម្ភ ហើយបានផ្តល់ព័ត៌មានដល់អ្នកកាសែតឲ្យជួយចុះផ្សាយដើម្បីឲ្យថ្នាក់ជាតិបានដឹង និងពិនិត្យក្រែងមានជនអន្តោប្រវេសន៍ខុសច្បាប់មកស្នាក់នៅខុសច្បាប់។
ទាក់ទិនករណីនេះដែរលោក ចាន់ មុន្នី អនុប្រធានមន្ទីររៀបចំដែនដីនគររូបនីយកម្ម សំណង់និងសុរិយោដីខេត្ត ទទួលបន្ទុកបច្ចេកទេសសំណង់សុរិយោដីបានឲ្យដឹងថា បញ្ហាច្បាប់សាងសង់ផ្សារ និងផ្ទះសំណាក់ ម៉ុកបាយ របស់ក្រុមហ៊ុនឌីអូប៊ីន ជីអេហ្វ្ស អេ អ៊ិនជី មានច្បាប់អនុញ្ញាតរួចហើយ ដែលមានប្រធានក្រុមហ៊ុនឈ្មោះ យូ វ៉ឹងយុង ជាជនជាតិម៉ាឡេស៊ី និងជាប្រធានក្រុមហ៊ុនកាស៊ីណូម៉ុកបាយបានស្នើសុំឲ្យកូនប្រុសជាអ្នកគ្រប់គ្រង។ លោក ចាន់ មុន្នីបន្តទៀតថា បញ្ហាផ្សារ និងផ្ទះសំណាក់ម៉ុកបាយនេះ ក្រុមហ៊ុនបានសុំច្បាប់សាងសង់លើផ្ទៃដីទំហំ ៣,០០០ម៉ែត្រការ៉េ គឺសង់ជាស្តង់ មានអាគារ០៦ល្វែង ឬ០៦ជួរ ក្នុង១ជួរមាន១០ស្តង់ សរុប៦០ស្តង់ និងមានអាគារចំកណ្តាលមួយអាគារ ធ្វើជាស្បារ និងតូបលក់ដូរ។ ក្រុមការងារមន្ត្រីជំនាញបានចុះសិក្សាបោះបង្គោល ជាប្លង់ដឺមាស់ ឲ្យក្រុមហ៊ុនដំណើរការសាងសង់រួចហើយ ក៏ប៉ុន្តែមានការយឺតយ៉ាវ ដោយមន្ត្រីជំនាញកំពុងរៀបចំបទដ្ឋានបច្ចេកទេសឲ្យបានត្រឹមត្រូវ និងបង់សេវាចូលរដ្ឋ រួចរាល់។
ក៏ប៉ុន្តែក្រុមហ៊ុនបានស្នើសុំសាងសង់បណ្តើៗ គឺស្ថិតនៅក្នុងខ្សែភ្នែករបស់មន្ត្រីជំនាញពិនិត្យលើបច្ចេកទេសជាប្រចាំ។ បើតាមច្បាប់គតិយុត្តមានច្បាប់អនុញ្ញាតសាងសង់ទើបឲ្យសាងសង់ ក៏ប៉ុន្តែមន្ទីរសុរិយោដី ជួយសម្រួលដល់អ្នកវិនិយោគក្នុងការអភិវឌ្ឍន៍ក្នុងខេត្តទើបអនុញ្ញាតឲ្យដំណើការសាងសង់បណ្តើរ រត់ច្បាប់បណ្តើរ និងកំពុងកែតម្រូវឲ្យត្រូវតាមច្បាប់គតិយុត្តិ។ ហើយច្បាប់អនុញ្ញាត និងបញ្ជូនទៅឯកឧត្តមអភិបាលខេត្តពិនិត្យ និងសម្រេចនៅក្នុងសប្តាហ៍នេះ។ចំណែកក្រុមហ៊ុនលើកស្លាកយីហោ ជាអក្សរចិន គឺសូមឲ្យអាជ្ញាធរក្រុងបាវិតពិនិត្យ និងសម្របសម្រួលដាក់ជាអក្សរជាតិខ្មែរតាមគោលការច្បាប់ និងដាក់អក្សរបរទេសពីក្រោមវិញ។ រីឯបញ្ហាដីសាងសង់គឺជាកម្មសិទ្ធិរបស់ក្រុមហ៊ុនបានទិញដីពីប្រជាពលរដ្ឋខ្មែរស្របច្បាប់ ការជួលជាសិទ្ធិរបស់ម្ចាស់ទ្រព្យ ហើយប្រសិនមានលក់ផ្តាច់ទៅជនរបទេសនោះលោកមិនបានដឹងទេ លោកនឹងចាត់ឲ្យមន្ត្រីពិនិត្យលើកិច្ចសន្យា ជួលឬលក់ផ្តាច់នោះ។ ហើយបើមានការស្នាក់នៅជនបរទេសត្រូវសុំទៅសមត្ថកិច្ចនគបាល និងអាជ្ញាធរមូលដ្ឋានដើម្បីសុំស្នាក់នៅពីព្រោះពាក់ពន្ធ័ច្បាប់អន្តោប្រវេសន៍៕
ចែករំលែកព័តមាននេះ