ស្ត្រីជនជាតិចិនម្នាក់ និងបុរសវៀតណាមម្នាក់ ត្រូវចាប់បញ្ជូនទៅសាលាដំបូង
រាជធានីភ្នំពេញ ៖ គណៈកម្មាធិការកណ្តាល ប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់ដល់សុខភាព ក្រសួងមហាផ្ទៃ កាលពីព្រឹកថ្ងៃទី២ ឧសភា ២០១៧នេះ
រាជធានីភ្នំពេញ ៖ គណៈកម្មាធិការកណ្តាល ប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់ដល់សុខភាព ក្រសួងមហាផ្ទៃ កាលពីព្រឹកថ្ងៃទី២ ឧសភា ២០១៧នេះ បានបញ្ជូនជនជាតិចិនម្នាក់ និងវៀតណាមម្នាក់ទៅកាន់សាលាដំបូងរាជធានីភ្នំពេញ ថាបានជាប់ពាក់ពន្ធបទល្មើសនាំគ្រឿងសម្អាងចូលមកលក់នៅទីផ្សារក្នុងព្រះរាជាណាចក្រកម្ពុជាដោយគ្មានច្បាប់អនុញ្ញាត។ ជនជាប់សង្ស័យម្នាក់ឈ្មោះ ចិន សុខា ភេទប្រុស អាយុ៥២ឆ្នាំ ជាជនជាតិវៀតណាម រស់នៅរកស៊ីស្រុកខ្មែរ និងម្នាក់ឈ្មោះ CHEN JiNHUA ភេទស្រី អាយុ៤២ឆ្នាំ ជនជាតិចិន។
តាមសម្ដីសមត្ថកិច្វឲ្យដឹងថា ជនសង្ស័យទាំងពីរនាក់ត្រូវចាប់ខ្លួនកាលពីថ្ងៃទី២៩ មេសា ២០១៧ នៅរាជធានីភ្នំពេញ ដែលបាននាំផលិតផលជាគ្រឿងសម្អាង គ្រប់ប្រភេទពីប្រទេសជិតខាង មកលក់នៅលើទីផ្សារ នៃព្រះរាជាណាចក្រកម្ពុជា ដោយគ្មានច្បាប់អនុញ្ញាត (ពោលគឺផលិតផលជាច្រើនប្រភេទនោះ ជាផលិតផលពិតមិនក្លែងក្លាយទេ គ្រាន់តែមិនបានបង់ពន្ធនាំចូល) ហៅថាគេចពន្ធ។ សមត្ថកិច្ចបន្តថា ក្រោយពីឃាត់ខ្លួនជនសង្ស័យពីរនាក់ខាងលើនេះ ត្រូវបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី៕
ចែករំលែកព័តមាននេះ