រាជធានីភ្នំពេញ ៖ ការិយាល័យជម្រុញកិច្ចការប្រជុំ និងរៀបចំពិព័រណ៌របស់អង្គការសាធារណៈ ឬ TCEB រួមជាមួយ Cambodia Association of Travel Agents (Cata) មានរៀបចំកម្មវិធី Roadshow ដើម្បីបង្កើតសាខា និងភាពរឹងមាំដល់អ្នកជំនួញខាងវិស័យឧស្សាហកម្ម MICE នៅក្នុងប្រទេស CLMVT ពង្រីកកិច្ចសហប្រតិបត្តិការណ៍ ឈានឆ្ពោះទៅកាន់ GMS នាពេលអនាគត ។
បើលោកណុប ផះរ៉ាត់ មេថាវីគុលឆៃ នាយកការិយាល័យជម្រុញកិច្ចការប្រជុំ និងរៀបចំពិព័រណ៌បានថ្លែង កាលពីថ្ងៃទី២៧ មេសា នៅសណ្ឋាគារ ហ៊ីម៉ាវ៉ារី-ភ្នំពេញ ថា ការរៀបចំនេះ ជាការតភ្ជាប់សាខានៃអ្នកជំនួញខាងវិស័យឧស្សាហកម្មMICEថៃ និងកម្ពុជា ថែមទាំងជាការបង្កើតឡើងនូវទំនាក់ទំនង និងការត្រៀមខ្លួនជាស្រេច សម្រាប់ឧស្សាហកម្ម MICE ក្នុងតំបន់ភូមិភាគCLMVT ក្នុងនោះមានកម្ពុជា ឡាវ ម៉យ៉ាន់ម៉ា វៀតណាម ថៃ ក្នុងការពង្រីកកិច្ចសហប្រតិបត្តិការណ៍ ឆ្ពោះទៅកាន់អនុភូមិភាគតំបន់ទន្លេមេគង្គ(Greater Merkong Subergion)ក្នុងឆ្នាំ២០១៨។
គួរបញ្ជាក់ថា ព្រះរាជាណាចក្រកម្ពុជាមានកំណើនសេដ្ឋកិច្ចយ៉ាងស្ថិតស្ថេរ ដោយក្នុងឆ្នាំ២០១៦ Growth Domestic Product (GDP)របស់កម្ពុជា ដល់ទៅ6.9% បានធ្វើឲ្យកម្ពុជាជាប្រទេសមួយទៀត ក្នុងបណ្តាប្រទេសCLMVT ដែលមានសក្តានុពលភាពយ៉ាងខ្លាំង ក្នុងការជម្រុញឧស្សាហកម្ម MICE មានភាពរឹងមាំដែលប្រទេសថៃ និងកម្ពុជាមានកិច្ចសហការក្នុងការអភិវឌ្ឍឧស្សាហកម្មMICE ជារៀងរហូត ដោយមានការដោះដូរទិន្នន័យខាងទីផ្សារ សម្រាប់អតិថិជន TCEB និង CATA ដើម្បីឲ្យមានកិច្ចដំណើរការជាមួយគ្នានៃក្រុមហ៊ុន ឬស្ថាប័នផ្សេងៗទៀត ដែលត្រូវការរៀបចំសិក្ខាសាលា និងដំណើរទេសចរណ៍ ដើម្បីជារង្វាន់ ។
ចែករំលែកព័តមាននេះ