តារាចម្រៀង១រូបទទួលបានរង្វាន់ ១០០លានដុល្លារពីលោក Jeff Bezos
អាមេរិក ៖ តារាចម្រៀងស្រុកស្រែក និងជាសប្បុរសជនអាមេរិកគឺលោកស្រី Dolly Parton ទទួលបាន
អាមេរិក ៖ តារាចម្រៀងស្រុកស្រែក និងជាសប្បុរសជនអាមេរិកគឺលោកស្រី Dolly Parton ទទួលបាន
អាមេរិក ៖ តារាចម្រៀងស្រុកស្រែ និងជាសប្បុរសជនអាមេរិក គឺលោកស្រី Dolly Parton ទទួលបានប្រាក់រង្វាន់ ១០០លានដុល្លារពីលោក Jeff Bezos។
លោក Jeff Bezos ដែលជាស្ថាបនិកក្រុមហ៊ុន Amazon បានប្រកាសពីការផ្តល់ប្រាក់រង្វាន់នេះជាមួយនឹងដៃគូរបស់លោកឈ្មោះ Lauren Sanchez។
លោកស្រី Sanchez បានចាត់ទុកតារាចម្រៀងអាមេរិក Dolly Parton រូបនេះថាជាស្ត្រីដែលបានផ្តល់ និងដឹកនាំដោយបេះដូង និងក្តីមេត្តាក្នុងគ្រប់ផ្នែកនៃការងាររបស់គាត់។
រង្វាន់ ១០០លានដុល្លារនោះត្រូវបានផ្តល់តាមរយៈកម្មវិធីពានរង្វាន់ Bezos Courage & Civility ដែលត្រូវបានបង្កើតឡើងដើម្បីទទួលស្គាល់មេដឹកនាំណាដែលស្វែងរកដំណោះស្រាយដោយភាពក្លាហាន និងគួរឱ្យគោរព។
សូមបញ្ជាក់ថា ពានរង្វាន់ Bezos Courage & Civility ចាប់ផ្តើមនៅក្នុងឆ្នាំ ២០០១ ដោយរង្វាន់បានទៅលើសកម្មជនឈ្មោះ Van Jones និងមេចុងភៅ និងជាសប្បរសជន Jose Andres ដែលបានបង្កើតកម្មវិធីផ្ទះបាយពិភពលោក (World Central Kitchen) ដែលកម្មវិធីនេះបានផ្តល់អាហារដល់តំបន់រងគ្រោះមហន្តរាយនៅជុំវិញពិភពលោក។
លោកស្រី Dolly Parton ជាតារាចម្រៀង អ្នកនិពន្ធ តារាសម្បែង អ្នកជំនួញ និងជាសប្បុរសជនដ៏ល្បីឈ្មោះ ដែលត្រូវបានដាក់បញ្ជូលនៅក្នុងសារៈមន្ទីរ Rock & Roll Hall of Fame កាលពីដើមខែវិច្ឆិកានេះ៕ (យោងតាមប្រភព៖ BBC)
ចែករំលែកព័តមាននេះ