Metor កាលពីពេលថ្មីៗកន្លងមកបានបង្ហាញវីដេអូឃ្លីបពីហេតុការណ៍ដ៏រន្ធត់មួយដែលបុគ្គលិកពន្លត់អគ្គិភ័យចូលរាំងស្កាត់នារីម្នាក់ ស្ថិតក្នុងឈុតជាកូនសិស្សឡើងអង្គុយលើបង្កាន់ដៃអគារខ្ពស់ត្រៀមលោតធ្វើអត្ដឃាត ។
បុគ្គលិកពន្លត់អគ្គិភ័យម្នាក់ផ្សងនឹងគ្រោះថ្នាក់ដោយចងខ្សែសំយុងខ្លួនចុះមកជាន់របស់នារីប៉ងធ្វើអត្ដឃាតដោយមិនឱ្យនាងដឹងខ្លួន ។ ស្របពេលនោះគេបានលោតធាក់ដោយជើងទាំង២លើដងខ្លួនស្ដ្រីនោះ បណ្ដោយឱ្យធ្លាក់ទៅក្នុងអគារវិញ ។
វីដេអូឃ្លីបនោះ ថតដោយអ្នកស្រុកម្នាក់ដែលស្នាក់នៅអគារទល់មុខអគារកកើតហេតុហើយបង្ហោះតាមហ្វេសប៊ុកជូនមហាជនទស្សនា ។
វីដេអូឃ្លីបផ្សាយជាភាសាកូរ៉េ និងបានបង្ហោះកាលពីថ្ងៃទី២២ ខែមេសា ឆ្នាំ២០១៧ តែមិនមានការបញ្ជាក់ថា នៅប្រទេសណាទេ ៕
ចែករំលែកព័តមាននេះ