រាជធានីភ្នំពេញ ៖ មិនថា មានមូលហេតុអ្វីក៏ដោយ វាជារឿងសំខាន់ដែលឪពុកម្តាយធ្វើអ្វីមួយដែលពួកគេអាចធ្វើបាន ដើម្បីពង្រឹងទំនាក់ទំនងល្អរវាងបងប្អូនបង្កើត ហើយត្រូវប្រាកដថា ជម្លោះណាមួយមិនធ្វើឱ្យខូចទំនាក់ទំនងរបស់ពួកគេ ។ ខាងក្រោមនេះជាអ្វីដែលឪពុកម្តាយអាចធ្វើបាន…
រាជធានីភ្នំពេញ ៖ មិនថា មានមូលហេតុអ្វីក៏ដោយ វាជារឿងសំខាន់ដែលឪពុកម្តាយធ្វើអ្វីមួយដែលពួកគេអាចធ្វើបាន ដើម្បីពង្រឹងទំនាក់ទំនងល្អរវាងបងប្អូនបង្កើត ហើយត្រូវប្រាកដថា ជម្លោះណាមួយមិនធ្វើឱ្យខូចទំនាក់ទំនងរបស់ពួកគេ ។ ខាងក្រោមនេះជាអ្វីដែលឪពុកម្តាយអាចធ្វើបាន ដើម្បីគ្រប់គ្រងការវាយគ្នាក្នុងចំណោមបងប្អូនបង្កើត ៖
១. ឱ្យកុមារចេះដោះស្រាយជម្លោះក្នុងលក្ខណៈវិជ្ជមាន ៖ កុមារដែលបានបង្រៀនពីរបៀបដើម្បីគ្រប់គ្រងការខ្វែងគំនិតគ្នាក្នុងលក្ខណៈស្ថាបនា នឹងស្ថិតក្នុងគំនិតល្អប្រសើរជាងការដោះស្រាយជម្លោះ និងឈានទៅការវាយគ្នា ។ កុមារដែលធំឡើងរៀនពីរបៀបការពារ និងដោះស្រាយជម្លោះជាមួយបងប្អូនបង្កើតនឹងមានភាពល្អប្រសើរក្នុងការចរចា និងធ្វើការសម្របសម្រួលក្នុងទំនាក់ទំនងនាពេលអនាគត ទាំងនៅកន្លែងធ្វើការ និងនៅផ្ទះ ។ ការរៀនពីរបៀបដោះស្រាយវិវាទជាមួយបងប្អូនប្រុសស្រីរបស់ពួកគេ នឹងជួយកុមារឱ្យធំធាត់ទៅជាមនុស្សពេញវ័យដែលមានជំនាញក្នុងការដោះស្រាយភាពខុសគ្នា និងគ្រប់គ្រងទំនាក់ទំនងជាមួយអ្នកដទៃកាន់តែប្រសើរ ។
២. យកភាពសុខដុមរមនារបស់បងប្អូនជាសំខាន់សម្រាប់គ្រួសារទាំងមូល ៖ ពន្យល់កូនរបស់អ្នកថា គ្រួសាររបស់អ្នក គឺដូចជាក្រុមមួយ ។ មនុស្សគ្រប់គ្នា មាន ម៉ាក់ ប៉ា និងកូនៗ ត្រូវតែធ្វើការជាមួយគ្នាដើម្បីឱ្យមានផ្ទះសន្តិភាព និងមានសេចក្តីស្រឡាញ់ ។ ការឈ្លោះប្រកែកគ្នារវាងសមាជិកគ្រួសារអាចប៉ះពាល់ដល់ក្រុម ឬគ្រួសារទាំងមូល ។
៣. ចូលទៅជួយ ៖ ឪពុកម្តាយខ្លះជឿថា វាជាការល្អបំផុតក្នុងការអនុញ្ញាតឱ្យកូនដោះស្រាយជម្លោះដោយខ្លួនឯង ។ នោះអាចជាការពិតក្នុងកម្រិតជាក់លាក់មួយ ដរាបណាកុមារមានឧបករណ៍ដើម្បីគ្រប់គ្រងការខ្វែងគំនិតគ្នាតាមរបៀបស្ថាបនា វិជ្ជមាន និងសន្តិភាព ។ ប៉ុន្តែប្រសិនបើការឈ្លោះប្រកែកគ្នាកាន់តែក្តៅគគុក ឬមានការឈ្លានពានដោយពាក្យសំដី ឬវាយគ្នា សូមអន្តរាគមន៍ភ្លាមៗ ។ យើងមិនអាចទទួលយកបានរូបភាពបែបនេះនៅក្នុងផ្ទះរបស់យើងឡើយ ។
៤. ស្តាប់ភាគីនីមួយៗ ៖ អនុញ្ញាតឱ្យកុមារម្នាក់ៗមានអារម្មណ៍ថា ពួកគេកំពុងត្រូវបានគេស្តាប់ដោយគ្មានការវិនិច្ឆ័យ ឬការរំខាន ។ ជារឿយៗ កុមារមានអារម្មណ៍ធូរស្រាលច្រើនបន្ទាប់ពីប្រាប់ម្តាយ ឬប៉ាអំពីបញ្ហា ជាពិសេសនៅពេលដែលពួកគេមានអារម្មណ៍ថា ពួកគេអាចប្រាប់ពីជំហររបស់ពួកគេ ហើយវានឹងត្រូវបានស្តាប់ដោយយុត្តិធម៌ ។
៥. គោរពច្បាប់ដែលមិនអាចចរចារបាន ៖ នេះមានន័យថា គ្មានការជេរ និងមិនមានការវាយប្រហារ ឬការឈ្លានពានលើរូបរាងកាយផ្សេងទៀតឡើយ ។ ម្យ៉ាងទៀត លើកទឹកចិត្តកូនរបស់អ្នកឱ្យស្តាប់រឿងរបស់ភាគីម្ខាងទៀត ហើយផ្តល់ការគោរពដល់ពួកគេដែលពួកគេចង់បានសម្រាប់ខ្លួនពួកគេ ។
៦. លើកទឹកចិត្តកុមារឱ្យយល់ពីបញ្ហា ៖ ប្រាប់កូនរបស់អ្នកឱ្យផ្តោតលើអ្វីដែលពួកគេខកចិត្ត ជាជាងលើបងប្អូនបង្កើតរបស់ពួកគេ ។ ជាឧទាហរណ៍ ប្រសិនបើកូនរបស់អ្នកតូចចិត្តដែលបងប្អូនបង្កើតរបស់ពួកគេចូលចិត្តជ្រើសរើសហ្គេមណាដែលពួកគេនឹងលេង នោះពួកគេគួរតែបញ្ជាក់ពីបញ្ហាជាជាងនិយាយអ្វីមួយដូចជា «អ្នកមិនយុត្តិធម៌ទេ» ដោយមានភាពជាក់លាក់អំពីបញ្ហា (ការនិយាយស្មើៗគ្នាក្នុងការជ្រើសរើសហ្គេម) ជាជាងផ្តោតលើអាកប្បកិរិយារបស់បងប្អូនបង្កើត ។
៧. សុំឱ្យកុមារណែនាំដំណោះស្រាយមួយចំនួន ៖ ឱ្យកូនរបស់អ្នកមករកសេណារីយ៉ូ ឬដំណោះស្រាយមួយចំនួនដែលនឹងមានភាពយុត្តិធម៌សម្រាប់ភាគីទាំងពីរ ។ លើកទឹកចិត្តពួកគេឱ្យដាក់ខ្លួននៅក្នុងចិត្តរបស់អ្នកដទៃមុនពេលផ្តល់យោបល់ ។
៨. គំរូអាកប្បកិរិយាល្អក្នុងការដោះស្រាយបញ្ហា ៖ កុមារមើល និងរៀនពីឪពុកម្តាយ អំពីវិធីដោះស្រាយជម្លោះពីវិធីដែលយើងដោះស្រាយបញ្ហាជាមួយប្តីប្រពន្ធ មិត្តភក្តិ និងគ្រួសាររបស់យើង ។ ប្រសិនបើយើងចេះគោរព និងស្រឡាញ់គ្នាក្នុងពេលមានការខ្វែងគំនិតគ្នា កូនៗរបស់យើងនឹងរៀន និងទទួលយកជំនាញដោះស្រាយជម្លោះទាំងនោះដោយខ្លួនឯង ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សម្រាប់វគ្គសិក្សាថ្មី កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសិស្សធំ កម្មវិធីភាសាចិន ចូលរៀនថ្ងៃទី ១ ខែវិច្ឆិកា ឆ្មាំ ២០២២ ។ ចំណែកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅសាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ