ក្រុងចក្រ នឹងជួប រឿង សោភ័ណ្ឌ ម្តងទៀត ដើម្បីជម្រះបញ្ជីចាស់
- ភ្នំពេញ
រាជធានីភ្នំពេញ ៖ រឿង សោភ័ណ្ឌ នឹងអាចប៉ះ ក្រុងចក្រ ម្ដងទៀត ដើម្បីជម្រះមន្ទិល បន្ទាប់ពីប៉ះគ្នា
រាជធានីភ្នំពេញ ៖ រឿង សោភ័ណ្ឌ នឹងអាចប៉ះ ក្រុងចក្រ ម្ដងទៀត ដើម្បីជម្រះមន្ទិល បន្ទាប់ពីប៉ះគ្នា
រាជធានីភ្នំពេញ ៖ រឿង សោភ័ណ្ឌ នឹងអាចប៉ះ ក្រុងចក្រ ម្ដងទៀត ដើម្បីជម្រះមន្ទិល បន្ទាប់ពីប៉ះគ្នាកាលលើកទី១ នៅសង្វៀន TVK Fighter របស់ស្ថានីយទូរទស្សន៍ជាតិកម្ពុជា(ទទក) កាលពីពេលថ្មីៗ ដោយរូបគេឈ្នះទាំងមិនសប្បាយចិត្ត ។
សម្រាប់ជំនួបរបស់អ្នកទាំងពីរកាលពីពេលកន្លងទៅ ត្រូវបានគេមើលឃើញថា បញ្ចប់ទៅដោយភាពចម្រូងចម្រាស ពោលគឺកីឡាករ ថៃ ក្រុងចក្រ បានជ្រុលថែមជង្គង់ទៅលើកីឡាករ រឿង សោភ័ណ្ឌ បន្ទាប់ពីកីឡាករកម្ពុជាដួលអស់ជំហរ។
ការប្រកួតនោះ ត្រូវបានគេចាត់ទុកថា ក្រុងចក្រ ហាក់មានចេតនាថែមទៅលើកីឡាករ រឿង សោភ័ណ្ឌ ដោយវាយខុសពីលក្ខន្តិកៈ នៃការប្រកួត ហើយចៅក្រមបានសម្រេចឲ្យខាងកីឡាករដៃភ្លើងជើងរន្ទះ ជាអ្នកឈ្នះតែម្តង។
ទោះបីយ៉ាងណា ក្រោយការប្រកួតនោះបញ្ចប់ទៅ កីឡាករទាំងពីរគឺ រឿង សោភ័ណ្ឌ និងក្រុងចក្រ ហាក់មិនអស់ចិត្តដូចគ្នា ដោយខាងកីឡាករកម្ពុជាបាននិយាយថា «ខ្ញុំមិនចង់ឈ្នះដោយសារគេថាខ្ញុំស៊ីឡាកគេទេ អ៊ីចឹងខ្ញុំចង់ប៉ះម្ដងទៀតបែបវ៉ៃហ្គង់ចេញម្រាមចឹង ហើយវ៉ៃ៣ទឹកចឹងខ្ញុំស្វាគមន៍២៤ម៉ោង»។
ឆ្លើយតបនឹងសម្តី រឿង សោភ័ណ្ឌ ខាងភាគី ថៃ ក៏បានលើកឡើងដែរថា គេក៏មិនអស់ចិត្តជាមួយការប្រកួតនោះដែរ ហើយគេបានស្នើសុំប៉ះគ្នាម្ដងទៀត ដើម្បីជម្រះមន្ទិលផងដែរ ។ បន្ថែមលើសពីនេះ ខ្លាចាស់របស់ថៃ ក្រុងចក្រ ក៏បានបន្លុយពាក្យដែរថា «ខ្ញុំចង់ប៉ះ រឿង សោភ័ណ្ឌ ម្ដងទៀត តាមបែបអំបោះឆៅ ឬបែបណាក៏បាន»។
ជាការជម្រះបញ្ជីចាស់របស់កីឡាករទាំងពីរក៏ដូចជាការបំពេញបំណងរបស់អ្នកគាំទ្រផងនោះ
លោក ម៉ុល នី អ្នកផ្គូផ្គងគូប្រកួតរបស់ស្ថានីយទូរទស្សន៍ជាតិកម្ពុជា ទទក បាននិយាយប្រាប់អ្នកសារព័ត៌មានថា «គូនេះនឹងកើតឡើងម្ដងទៀតនៅខែមករា ព្រោះតែខែធ្នូនេះ រឿង សោភ័ណ្ឌ ជាប់មានភារកិច្ចទៅវាយនៅក្រៅស្រុក ដូច្នេះជំនួបប៉ះ ក្រុងចក្រ នឹងធ្វើឡើងនៅខែមករាវិញ តែវាយបែបហ្គង់ចេញម្រាមដដែល ព្រោះថាមិនអាចប្រកួតអំបោះឆៅបានទេ »។ លោកបន្តថា«អារឿងមិនអាចវាយអំបោះឆៅហ្នឹង ព្រោះកីឡាករជម្រើសជាតិ សហព័ន្ធគុនខ្មែរ គេមិនអនុញ្ញាតឲ្យវាយអំបោះឆៅទេ»។
សម្រាប់ការជំនួបនេះ គេនៅមិនទាន់ដឹងច្បាស់ថា នឹងប៉ះគ្នានៅថ្ងៃទីប៉ុន្មានឡើយ គ្រាន់តែអាចនិយាយបានថា នៅខែមករា កីឡាករជើងចាស់ទាំងពីររូបនេះនឹងប៉ះគ្នានៅស្ថានីយទូរទស្សន៍ជាតិ ទទក ដដែល ដើម្បីរកអ្នកឈ្នះដោយសមត្ថភាពពិតប្រាកដ ហើយក៏ឱ្យពួកគេ ក៏ដូចជាអ្នកគាំទ្រអស់ការសង្ស័យផងដែរ ៕
ចែករំលែកព័តមាននេះ