ព័ត៌មានប្លែកៗនៅលើពិភពលោក
១-ធនាគារពិភពលោកផ្ដល់ប្រាក់កម្ចី១០០លានដុល្លារដល់មីយ៉ាន់ម៉ា
ធនាគារពិភពលោកផ្ដល់ប្រាក់កម្ចី១០០លានដុល្លារក្នុងអត្រាការប្រាក់ទាបដល់មីយ៉ាន់ម៉ា ដើម្បីទ្រទ្រង់លើគម្រោងអភិវឌ្ឍន៍ប្រទេស ។
១-ធនាគារពិភពលោកផ្ដល់ប្រាក់កម្ចី១០០លានដុល្លារដល់មីយ៉ាន់ម៉ា
ធនាគារពិភពលោកផ្ដល់ប្រាក់កម្ចី១០០លានដុល្លារក្នុងអត្រាការប្រាក់ទាបដល់មីយ៉ាន់ម៉ា ដើម្បីទ្រទ្រង់លើគម្រោងអភិវឌ្ឍន៍ប្រទេស ។
១-ធនាគារពិភពលោកផ្ដល់ប្រាក់កម្ចី១០០លានដុល្លារដល់មីយ៉ាន់ម៉ា
ធនាគារពិភពលោកផ្ដល់ប្រាក់កម្ចី១០០លានដុល្លារក្នុងអត្រាការប្រាក់ទាបដល់មីយ៉ាន់ម៉ា ដើម្បីទ្រទ្រង់លើគម្រោងអភិវឌ្ឍន៍ប្រទេស ។
២-រដ្ឋមន្ដ្រីក្រសួងការពារជាតិអាហ្វហ្គានីស្ថានលាលែងពីតំណែង
រដ្ឋមន្ដ្រីក្រសួងការពារជាតិ និងមេបញ្ជាការទ័ពជើងគោកអាហ្វហ្គានីស្ថាន ប្រកាសលាលែងពីតំណែងក្រោយពីក្រុមតាលីបង់វាយប្រហារមូលដ្ឋានទ័ព បង្កឱ្យស្លាប់បាត់បង់ជីវិតជាច្រើននាក់ ។
៣-អាមេរិកដាក់ទណ្ឌកម្មមន្ដ្រីសុីរីចំនួន២៧១នាក់ពីបទប្រើអាវុធគីមីសម្លាប់ពលរដ្ឋ
ក្រសួងហិរញ្ញវត្ថុអាមេរិក ប្រកាសរឹបអូសទ្រព្យសម្បត្ដិនៅសហរដ្ឋអាមេរិករបស់មន្ដ្រីស៊ីរី ចំនួន២៧១នាក់ ព្រោះចោទថា មន្ដ្រីទាំងនេះផលិតអាវុធគីមីដែលរដ្ឋាភិបាលប្រើសម្លាប់ពលរដ្ឋ កាលពីថ្ងៃទី៤ ខែមេសា ឆ្នាំ២០១៧ ។
៤-នូវវែលសេឡង់ ហាមពលរដ្ឋមជ្ឈិមប្រទេសយកកុំព្យូទ័រយួរដៃឡើងយន្ដហោះ
លោកប៊ីល អីុងលិច នាយករដ្ឋមន្ដ្រីនូវែលសេឡង់ ឱ្យដឹងថា បច្ចុប្បន្នកំពុងពិចារណាពីសុវត្ថិភាពលើការហោះហើរ ដោយហាមអ្នកដំណើរយកកុំព្យូទ័រយួរដៃ និងឧបករណ៍អេឡិចត្រូនិកឡើងយន្ដហោះ ពិសេសគឺពលរដ្ឋមូស្ល៊ីមនៅមជ្ឈិមប្រទេស ។
៥-ក្រុមឧទ្ទាមម៉ៅសម្លាប់ប៉ូលិសឥណ្ឌា២៤នាក់
ប៉ូលិស២៤នាក់ស្លាប់ពីការប៉ះទង្គិចជាមួយក្រុមឧទ្ទាមម៉ៅ ដែលរារាំងការសាងសង់ផ្លូវក្នុងរដ្ឋឆាតទីសួ ភាគកណ្ដាលប្រទេសឥណ្ឌា ។
៦-យន្ដហោះរុស្ស៊ីឆាបលើដែនអាកាសអាមេរិក៤លើកក្នុងមួយសប្ដាហ៍
ក្រសួងការពារជាតិអាមេរិក ឱ្យដឹងថា អាចទប់ស្កាត់យន្ដហោះចម្បាំងរុស្ស៊ី ដែលហោះឆាបដែនអាកាសនៅបរិវេណរដ្ឋអាឡាស្កាចំនួន៤លើក កាលពីពេល ថ្មីៗកន្លងមក ។
៧-ជនភៀសខ្លួនស្លាប់ជាក្រុមក្នុងសមុទ្រ «Aegean»
នាវាដឹកជនភៀសខ្លួនចូលអឺរ៉ុបលិចកាលពីយប់ថ្ងៃទី២៣ ខែមេសា ឆ្នាំ២០១៧ ក្នុងសមុទ្រAegean ជាដែនទឹកផ្សារភ្ជាប់រវាងក្រិក និងតួកគីបង្កឱ្យមានអ្នកស្លាប់ចំនួន១៦នាក់ និងបាត់ខ្លួនជាច្រើននាក់ ។
៨-សួនកម្សាន្ដរុស្ស៊ីបង្ហាញលំនាំការវាយប្រហារទីតាំងសំខាន់របស់អាល្លឺម៉ង់
មនុស្សជិត២.០០០នាក់ បានចូលរួមធ្វើជាផ្នែកមួយនៃហេតុការណ៍ចម្លងពីហេតុការណ៍នៃកងទ័ពក្រហមវាយលុកទីតាំងសំខាន់របស់អាល្លឺម៉ង់ កាលពីឆ្នាំ១៩៤៥ ក្នុងសួនសម្សាន្ដមួយនៅជាយក្រុងមូស្គូ ។
៩-ក្រពើលេបត្របាក់ឆ្កែឆ្លាតនៅអូស្ដ្រាលី
ឆ្កែឆ្លាតមួយក្បាលឈ្មោះ «រ៉ាស្ទី» ត្រូវក្រពើលេបត្របាក់នៅអូស្ដ្រាលី ហើយបច្ចុប្បន្នកំពុងទទួលរងពីគ្រោះមហន្ដរាយទាំងមនុស្ស និងសត្វ អាជ្ញាធរគួរមានវិធានការណ៍កាត់បន្ថយចំនួនក្រពើទាំងនោះ ។
១០-ពិសោធវ៉ាក់សាំងជំងឺគ្រុនចាញ់នៅអាហ្វ្រិក
ប្រទេស៣នៅទ្វីបអាហ្វ្រិក រួមមាន ហ្គាណា កេនយ៉ា និងម៉ាឡាវី បានទទួលជម្រើសពីអង្គការសុខភាពពិភពលោក ឱ្យសាកល្បងវ៉ាក់សាំងប្រភេទថ្មីការពារជំងឺគ្រុនចាញ់ដោយចាក់ទៅលើកុមារប្រហែល៣៦០.០០០នាក់ ក្នុងអំឡុងពីឆ្នាំ២០១៨-២០២០ ៕
ចែករំលែកព័តមាននេះ