ខេត្តក្រចេះ ៖ នគរបាលបានប្រើប្រាស់រថយន្តជាច្រើនគ្រឿងជួយបា.ញ់សង្គ្រោះទប់ស្កាត់អគ្គីភ័យដែលបង្កឡើងដោយការផ្ទុះកំប៉ុងហ្គាសឆេះរាលដាលលើរោងសិប្បកម្មកែច្នៃឈើមួយកន្លែងនៅក្បែរនឹងទីបញ្ជាការអាវុធហត្ថខេត្ត ។
ខេត្តក្រចេះ ៖ នគរបាលបានប្រើប្រាស់រថយន្តជាច្រើនគ្រឿងជួយបាញ់សង្គ្រោះទប់ស្កាត់អគ្គីភ័យដែលបង្កឡើងដោយការផ្ទុះកំប៉ុងហ្គាសឆេះរាលដាលលើរោងសិប្បកម្មកែច្នៃឈើមួយកន្លែងនៅក្បែរនឹងទីបញ្ជាការអាវុធហត្ថខេត្ត ។
គ្រោះអគ្គីភ័យបានឆេះឡើងសន្ឋោសន្ឋៅបង្កឲ្យមានការភ្ញាក់ផ្អើលដល់ពលរដ្ឋជាម្ចាស់ផ្ទះធំៗនៅទីប្រជុំជនក្បែរនោះកាលពីវេលាម៉ោង១១ ថ្ងៃទី៣០ ខែមេសា ឆ្នាំ២០១៧ លើរោង សិប្បកម្មកែច្នៃឈើធំមួយកន្លែងនៅភូមិស្រែស្តៅ សង្កាត់អូរឬស្សី ក្រុងក្រចេះ ។ យ៉ាងណាជាមួយនឹងគ្រោះអគ្គីភ័យនេះក្រៅពីបានឆេះលេបត្របាក់រោងសិប្បកម្មកែច្នៃឈើ ធ្វើអំពីឈើប្រក់ស័ង្កសីមានទំហំ៧គុណនឹង២០មែត្រ បណ្តាលឲ្យខូចខាតទាំងស្រុងនោះគឺមិនមានការឆេះរាលដាលដល់លំនៅឋានឈើ ឬថ្មតូចធំនៅក្បែរនោះទៀតនោះទេ ។
នគរបាលឲ្យដឹងថា ម្ចាស់រោងសិប្បកម្មរងគ្រោះនេះឈ្មោះ ហេង ស្រុង អាយុ៣៨ឆ្នាំ ហើយក្នុងហេតុការណ៍នោះក៏មិនមានអ្នករងគ្រោះថ្នាក់នោះដែរដោយគ្រាន់តែមានរោងសិប្បកម្មកែច្នៃឈើ និងសម្ភារប្រើប្រាស់ជាច្រើនត្រូវបានខូចខាតទាំងស្រុង ។ ស្នងការរងទទួលបន្ទុកអគ្គីភ័យ និងអាវុធជាតិផ្ទុះលោកឧត្តមសេនីយ៍ត្រី ច្រឹង ផល្លី បានបញ្ជាក់ថា នគរបាលបានប្រើប្រាស់រថយន្តពន្លត់អគ្គីភ័យរបស់ស្នងការដ្ឋាន និងប្រើប្រាស់ទឹកជាង៣០ឡាន ដើម្បីបាញ់ពន្លត់ទប់ស្កាត់គ្រោះអគ្គីភ័យនេះ ៕
ចែករំលែកព័តមាននេះ