ដឹកមាន់ពីវៀតណាមចង់លោតឆត្រចូលស្រុកខ្មែរចុងក្រោយមានអី…
ខេត្តសៀមរាប ៖ កម្លាំងការិយាល័យបទល្មើសសេដ្ឋកិច្ចនៃកងរាជអាវុធហត្ថខេត្តសៀមរាប
ខេត្តសៀមរាប ៖ កម្លាំងការិយាល័យបទល្មើសសេដ្ឋកិច្ចនៃកងរាជអាវុធហត្ថខេត្តសៀមរាប
ខេត្តសៀមរាប ៖ កម្លាំងការិយាល័យបទល្មើសសេដ្ឋកិច្ចនៃកងរាជអាវុធហត្ថខេត្តសៀមរាប បានសហការជាមួយកម្លាំងកងរាជអាវុធហត្ថមូលដ្ឋានចុះប្រតិបតិ្តការបង្ក្រាបករណីរថយន្តដឹកសត្វមាន់ចំនួន២គ្រឿងបំរុងលោតឆត្រពីប្រទេសវៀតណាមចូលមកកម្ពុជា ប្រគល់ឱ្យមន្ត្រីនៃមន្ទីរកសិកម្មខេត្តសៀមរាបដើម្បីចាត់ការទៅតាមនីតិវិធី ។
ប្រតិបត្តិការបង្ក្រាបបទល្មើសនេះបានធ្វើឡើងនៅវេលាម៉ោង៩ព្រឹក ថ្ងៃទី២៨ ខែមេសា ឆ្នាំ២០១៧ ស្ថិតនៅចំណុចតាមផ្លូវជាតិលេខ៦ ក្នុងភូមិស្ទឹង ឃុំប្រាសាទបាគង ស្រុកប្រាសាទបាគង ខេត្តសៀមរាប ។
តាមប្រភពពីមន្ត្រីកងរាជអាវុធហត្ថខេត្តសៀមរាបបានប្រាប់ឱ្យដឹងនៅព្រឹកថ្ងៃទី៣០ ខែមេសាឆ្នាំ២០១៧ នេះថាដោយមានការសហការគ្នាបានល្អពីកម្លាំងមូលដ្ឋានទើបកម្លាំងជំនាញបានចុះប្រតិបត្តិការបង្ក្រាបករណីរថយន្តកូរ៉េដឹកសត្វមាន់ចំនួន២គ្រឿងពីប្រទេសវៀតណាមដោយគ្មានលិខិតអនុញ្ញាតិរួចធ្វើការប្រគល់ឱ្យមន្ត្រីជំនាញកសិកម្មខេត្តសៀមរាបដើម្បីចាត់ការបន្តទៅតាមផ្លូវច្បាប់ ។
ប្រភពបានបន្តថា វត្ថុតាងដែលដកហូតប្រគល់ឱ្យមន្ត្រីកសិកម្មនោះមាន រថយន្តចំនួន២គ្រឿងម៉ាកHyundai ពាក់ផ្លាកលេខ ភ្នំពេញ2W-7281 និងកំពង់ចាម 3A-3294 សត្វមាន់សរុបចំនួន3.392ក្បាល ។ បច្ចុប្បន្នវត្ថុតាងរួមនឹងអ្នកបើកបរត្រូវបានកម្លាំងកងរាជអាវុធហត្ថខេត្តបានធ្វើការប្រគល់ជូនមន្ត្រីនៃមន្ទីរកសិកម្មខេត្តសៀមរាបដើម្បីចាត់ការបន្តទៅតាមនីតិវិធីច្បាប់ ៕
ចែករំលែកព័តមាននេះ