ទីភ្នាក់ងារព័ត៌មានក្នុងស្រុករបស់បេឡារុសរាយការណ៍ថា ប្រទេសរុស្ស៊ីនឹងបង្កើតស្ថានីយថាមពលនុយក្លេអ៊ែរមួយសម្រាប់ប្រទេសបេឡារុស ដែលស្ថានីយនោះនឹងចំណាយអស់ប្រាក់៩,៤ពាន់លានដុល្លារអាមេរិក ។ កិច្ចព្រមព្រៀងនៃការបង្កើតថាមពលនុយក្លេអ៊ែរនោះត្រូវបានចុះហត្ថលេខាដោយនាយករដ្ឋមន្ត្រីរុស្ស៊ី លោកវ៉្លាឌីមៀ ពូទីន ក្នុងអំឡុងពេលលោកបំពេញទស្សនកិច្ចនៅក្នុងប្រទេសបេឡារុសកាលពីថ្ងៃទី១៥ មីនា កន្លងមក ។
ក្នុងអំឡុងពេលជួបសម្តែងការគួរសមជាមួយប្រធានាធិបតីបេឡារុស លោកអាឡិចសាន់ឌ័រ លូកាសេនកូ លោកពូទីន ថ្លែងថា សុវត្ថិភាពនៃរោងចក្រនុយក្លេអ៊ែពេលអនាគតរបស់បេឡារុសនឹងមានលក្ខណៈល្អប្រសើរជាងប្រទេសជប៉ុន ។
លោកពូទីន ថ្លែងទៀតថា គម្រោងដែលយើងកំពុងពិភាក្សា ហើយនឹងសម្រេចបានជាគម្រោងជំនាន់ក្រោយ ហើយមានកម្រិតការពារខ្ពស់ជាងរោងចក្រនុយក្លេអ៊ែររបស់ប្រទេស
ជប៉ុន ៕
ចែករំលែកព័តមាននេះ