រ៉ូលីន បានសម្តែងការហាក់រង្គាលចិត្ត និងបានគេចវេសពីឆ្លើយតបណាមួយចំពោះសំណួរចំនួន២ ដែលតែងតែត្រូវបានដេញដោលសួរជាបន្តបន្ទាប់ពីមហាជន ខណៈពេលដែលសំណួរទាំងនេះ បានធ្វើអោយ
រាជធានីភ្នំពេញ ៖ រ៉ូលីន បានសម្តែងការហាក់រង្គាលចិត្ត និងបានគេចវេសពីឆ្លើយតបណាមួយចំពោះសំណួរចំនួន២ ដែលតែងតែត្រូវបានដេញដោលសួរជាបន្តបន្ទាប់ពីមហាជន ខណៈពេលដែលសំណួរទាំងនេះ បានធ្វើអោយប៉ះពាល់ដល់អារម្មណ៍ខ្លួនយ៉ាងខ្លាំង។
សំណួរ២ ដែល រ៉ូលីន ត្រូវបានទស្សនិកជនសួរស្ទើរមិនដាច់នោះគឺ ៖ ទី១- តើលោកជាស្រីឬប្រុស? និងទី២- តើអនាគតទៅយកប្តីឬប្រពន្ធ? ដែលសំណួរដ៏ចាក់ដោតទាំងនេះ កំពុងតែតាមកៀកខ្លួនលោកជានិច្ច។
យ៉ាងណា រង្គាស់នឹងសំណួរខាងលើនេះខ្លាំងពេក រ៉ូលីន ក៏បានចេញមុខស្នើសុំមហាជនអោយបញ្ឈប់ការសួរសំណួរបែបនេះមកលើរូបលោកទៀត ត្បិតលោកគិតថា លោកសុំសិទ្ធិមិនឆ្លើយតបសំណួរទាំងនេះ បើទោះបីជាលោកជាមនុស្សមហាជនក៏ដោយ។
តារាចម្រៀងអ្នកស្រឡាញ់ភេទដូចគ្នា រ៉ូលីន ក៏បានលើកឡើងនៅលើបណ្តាញសង្គមថា «រាល់ថ្ងៃនេះ ធុញហ្នឹងសំណួរគេសួរថា ប្រុសឬក៏ស្រី អនាគតទៅយកប្តីឬប្រពន្ធ ឥឡូវធ្លាយដល់ជាតិក្រោយទៀត!»។
លោកបញ្ជាក់ថា «ខ្ញុំសូមសួរមួយពេលដែលសួរអោយខ្ញុំឆ្លើយហើយ តើសេរីសួស្តីជ័យមង្គលកើតមានដល់អស់លោកអ្នកមែន? វាមិនចាំបាច់អី ត្រូវដឹងថា គេយកប្តី ឬប្រពន្ធ ស្រលាញ់ប្រុសឬក៏ស្រីទេ ទោះបីខ្ញុំជាមនុស្សមហាជន ក៏ខ្ញុំមិនចាំបាច់អីត្រូវឆ្លើយនឹងសំណួរអស់ហ្នឹងដែរ! ខ្ញុំសុំមែនតាស បើទំនេររកអីធ្វើអោយមានប្រយោជន៍ទៅ កុំសួរសំណួរនាំអោយរំខានអារម្មណ៍គេអញ្ចឹង!»។
ជាការកត់សម្គាល់ ពាក់ព័ន្ធនឹងសំណួរខាងលើនេះដែរ កន្លងមក រ៉ូលីន ធ្លាប់បានលើកឡើងថា អនាគតលោកនឹងយកប្រពន្ធ ដើម្បីបន្តវង្សត្រកូល។ លោកបញ្ជាក់ថា លោកមានគម្រោងចង់រៀបការ ប៉ុន្តែលោកគិតថា អាពាហ៍ពិពាហ៍ដែលកើតឡើងទាល់តែអារម្មណ៍ត្រូវចិត្តយើង ទើបទៅរួច។ លោកថា តែបើនិស្ស័យរុញឲ្យពេញចិត្តនារីណា បាក់ចិត្តបាក់អារម្មណ៍ លោកនឹងសម្រេចចិត្តតែម្តង។ លោកបន្តថា បើយើងបណ្តោយឲ្យជីវិតនៅម្នាក់ឯងក៏ពិបាក តែបើមានគ្នីគ្នាក៏ល្អសម្រាប់ថែគ្នា។
យ៉ាងណារហូតមកទល់នាពេលនេះ លោក រ៉ូលីន នៅតែមិនទាន់ច្បាស់ទាំងស្រុងនៅឡើយ ពេលអារម្មណ៍ក្នុងចិត្តពិបាកអាកាត់ ខណៈពេលដែលតារារូបនេះ ក៏មិនទាន់បង្ហាញមុខគូអនាគតរបស់លោកថា ជាស្រី ឬក៏ប្រុសនោះដែរ៕
ចែករំលែកព័តមាននេះ