ទស្សនាវដ្តី«People»បានផ្សាយដោយយោងតាមប្រភពជំនិតរបស់លោកប្រេត ភីតថា តារាឯកហូលីវូដរូបនេះចាប់ផ្តើមបង្ហាញមុខក្នុងសង្គម និងដើរកម្សាន្តដោយមានមិត្តភក្តិជាអ្នកបបួល ក្រោយពីសម្ងំនៅក្នុងផ្ទះអស់រយៈពេលជាច្រើនខែ តាំងពីចែកផ្លូវជាមួយនាងអេនចេលីណា ជោលី តារាហូលីវូដកាលពីខែកញ្ញា២០១៦មក ។
ទស្សនាវដ្តីដដែលបញ្ជាក់ថា ប្រេត ភីតបានដើរកម្សាន្តនៅក្រៅផ្ទះ ប៉ុន្តែមិនមែនជាការដើរកម្សាន្តជាមួយគូស្នេហ៍ទេ ។ ការបង្ហាញខ្លួនជាសាធារណៈរបស់តារាឯករូបនេះមានន័យថា មិត្តភក្តិមិនចង់ឱ្យគេអង្គុយស្រងេះស្រងោចតែម្នាក់ឯងនៅក្នុងផ្ទះ និងជាផ្នែកមួយធ្វើឱ្យគេមានទឹកមុខស្រស់ស្រាយ ។
ក្រោយពីលែងលះគ្នាអស់រយៈពេលជាច្រើនខែមក បច្ចុប្បន្នលោកប្រេត ភីត និងនាងអេនចេលីណា ជោលីរំសាយភាពតានតឹង ។ ចំណែកនាងSienna Millerតារាឯកអាយុ៣៥ឆ្នាំ ដែលមានដំណឹងថាកំពុងដើរកម្សាន្តជាមួយប្រេត ភីត បានបដិសេធដំណឹងនោះថាគឺជារឿងមិនអាចយកជាការបានទេ ៕
ចែករំលែកព័តមាននេះ