ខេត្តសៀមរាប ៖ សេចក្តីរាយការណ៍ឱ្យដឹងថា គិតចាប់ពីល្ងាចថ្ងៃទី២៨ រហូតដល់ឈានចូលថ្ងៃទី២៩ មេសា ភ្លៀងលាយឡំនិងខ្យល់កន្រ្ទាក់ បានគ្របដណ្តប់មកលើខេត្តសៀមរាបទាំងមូល ។ ក្នុងនោះ រន្ទះក៏បានឆក់ជីវិតមនុស្ស និងរបួស ព្រមទាំងបាញ់លើសត្វគោងាប់អស់ជាច្រើនក្បាលទៀត ។
ជាក់ស្តែង នៅភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប ខណៈម្ចាស់បណ្តើរគោដល់ពាក់កណ្តាលផ្លូវ ពេលមេឃកំពុងភ្លៀងនោះ ស្រាប់តែរន្ទះមកបាញ់ទាំងមនុស្សទាំងគោតែម្តង ។
ចំណែកស្រុកចំនួន៤ គឺស្រុកសូទ្រនិគម មានខ្យល់កន្រ្ទាក់ ធ្វើឱ្យរលំផ្ទះចំនួន៥ខ្នង និងរបួសមនុស្សចំនួន៣នាក់ ។ ស្រុកជីក្រែង រន្ទះបាញ់ពលរដ្ឋម្នាក់ ។ ស្រុកវ៉ារិន រន្ទះបាញ់គោងាប់ចំនួន១០ក្បាល និងស្រុកបន្ទាយស្រី រន្ទះបាញ់ស្ត្រីម្នាក់ស្លាប់ ។
ចែករំលែកព័តមាននេះ