ឃាត់ខ្លួនជនសង្ស័យ១៥នាក់ និងវត្ថុតាងបញ្ជូនទៅតុលាការ
ខេត្តសៀមរាប ៖ កម្លាំងការិយាល័យបទល្មើសគ្រឿងញៀ.ន នៃកងរាជអាវុធហត្ថខេត្ត បានសហការណ៍ជាមួយកម្លាំងមូលដ្ឋាន ចុះប្រតិបត្តិការបង្ក្រាបករណី រក្សាទុកដឹកជញ្ជូន
ខេត្តសៀមរាប ៖ កម្លាំងការិយាល័យបទល្មើសគ្រឿងញៀ.ន នៃកងរាជអាវុធហត្ថខេត្ត បានសហការណ៍ជាមួយកម្លាំងមូលដ្ឋាន ចុះប្រតិបត្តិការបង្ក្រាបករណី រក្សាទុកដឹកជញ្ជូន
ខេត្តសៀមរាប ៖ កម្លាំងការិយាល័យបទល្មើសគ្រឿងញៀន នៃកងរាជអាវុធហត្ថខេត្ត បានសហការណ៍ជាមួយកម្លាំងមូលដ្ឋាន ចុះប្រតិបត្តិការបង្ក្រាបករណី រក្សាទុកដឹកជញ្ជូន ឬជួញដូរ និងប្រើប្រាស់ដោយខុសច្បាប់នូវសារធាតុញៀន នៅក្នុងភូមិសាស្ត្រ ស្រុកពួក និងក្នុងក្រុងសៀមរាបរហូតឈាន ដល់ធ្វើការឃាត់ខ្លួន បានជនសង្ស័យ ប្រុស ស្រី ជាបន្តបន្ទាប់ចំនួន១៥នាក់ រួចយកមកធ្វើការសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅមណ្ឌលកែប្រែចំនួន៣នាក់ និង១២នាក់ បញ្ជូនទៅតុលាការខេត្តផងដែរ។ ក្នុងប្រតិបត្តិការបង្ក្រាបគ្រឿងញៀននេះធ្វើឡើងរយពេល១ថ្ងៃ គឺថ្ងៃទី២៥ ខែមេសាឆ្នាំ២០១៧ នៅកន្លែងផ្សេងគ្នា ក្នុងភូមិសាស្ត្រ ស្រុកពួក និងក្នុងក្រុងសៀមរាប។
តាមប្រភពពីកងរាជអាវុធហត្ថខេត្តបានប្រាប់នៅព្រឹកថ្ងៃទី២៨ ខែមេសា ឆ្នាំ២០១៧នេះថា មុនឈានដល់ធ្វើការឃាត់ខ្លួនបានជនសង្ស័យប្រុសស្រី ចំនួន១៥នាក់ និងវត្ថុតាងនោះ ដោយមានការសហការណ៍គ្នាបានល្អ ជាមួយពលរដ្ឋ និងកម្លាំងមូលដ្ឋាន ទើបកម្លាំងជំនាញឈានដល់ឃាត់ខ្លួនបានភ្លាមៗជាបន្តបន្ទាប់ រួចយកមកធ្វើការសួរនាំនៅការរិយាល័យជំនាញផងដែរ។
ប្រភពបានបន្តថា ក្រោយពីបានធ្វើការឃាត់ខ្លួនជនសង្ស័យប្រុសស្រី ខាងលើ កម្លាំងជំនាញបានធ្វើការដកហូតបានវត្ថុតាងរួមមាន ម្សៅគ្រើម ប្រភេទម៉ាទឹកកកសថ្លា ចំនួន ២៧កញ្ចប់ ស្មើនឹងទម្ងន់ ៩,៧៣ក្រាម ,ទូរស័ព្ទ០៨គ្រឿង និងឧបករណ៍ប្រើប្រាស់សារធាតុញៀនមួយចំនួនធំ។ បច្ចុប្បន្នជនសង្ស័យប្រុសស្រី១៥នាក់ ក្នុងនោះជនសង្ស័យ០៣នាក់ ប្រុស បញ្ជូនទៅមណ្ឌលស្តានីតិសម្បទា ស្នងការនគរបាលខេត្តសៀមរាប។ ចំណែកជនសង្ស័យប្រុស ស្រី១២នាក់ និងវត្ថុតាង ត្រូវបានកម្លាំងការិយាល័យជំនាញ កងរាជអាវុធហត្ថខេត្ត បានរៀបចំកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការបន្តទៅតាមនីតិវិធីច្បាប់៕
ចែករំលែកព័តមាននេះ