រាជធានីភ្នំពេញ ៖ បុរសជនអនាថាម្នាក់មានជំងឺប្រចាំកាយខ្យល់គដេកស្លា.ប់នៅក្រោមដើមពោធិ៍វត្តជម្ពូវន្ត បង្កឲ្យមានការភ្ញាក់ផ្អើលកាលពីវេលាម៉ោង៦និង៣៥នាទីព្រលប់ ថ្ងៃទី២៧ ខែមេសា ឆ្នាំ២០១៧ ស្ថិតនៅ
រាជធានីភ្នំពេញ ៖ បុរសជនអនាថាម្នាក់មានជំងឺប្រចាំកាយខ្យល់គដេកស្លាប់នៅក្រោមដើមពោធិ៍វត្តជម្ពូវន្ត បង្កឲ្យមានការភ្ញាក់ផ្អើលកាលពីវេលាម៉ោង៦និង៣៥នាទីព្រលប់ ថ្ងៃទី២៧ ខែមេសា ឆ្នាំ២០១៧ ស្ថិតនៅមាត់ស្រះទឹកក្នុងវត្តជម្ពូវន្ត ក្នុងសង្កាត់ចោមចៅ ខណ្ឌពោធិ៍សែនជ័យ ។
ជនអនាថាដេកស្លាប់ត្រូវបានគេស្គាល់ថាឈ្មោះ គីម សាមេត ភេទប្រុស អាយុ៦០ឆ្នាំ ស្នាក់នៅភូមិអណ្តូង៦ សង្កាត់ទួលរការ ខណ្ឌព្រែកព្នៅ ។
បើតាមការរៀបរាប់ពីបុរសម្នាក់បានឱ្យដឹងថា នៅមុនពេលកើតហេតុព្រះសង្ឃមួយអង្គបាននិមន្តជុំវិញបរិវេណក្នុងវត្តជម្ពូវន្ត ពេលមកដល់មាត់ស្រះទឹកក៏ប្រទះឃើញជនអនាថាម្នាក់ដេកស្លាប់នៅក្រោមដើមពោធិ៍ទាំងរូបកាយស្គមស្គាំង ក្រោយពេលឃើញដូច្នេះព្រះសង្ឃបានឱ្យបុរសម្នាក់ជាគ្រូបង្រៀនមកជួយមើលគ្នាក្រែងលោនៅមានដង្ហើមបម្រុងនឹងទូរស័ព្ទហៅរថយន្តអង្គភាព៧១១ មកដឹកយកទៅសង្គ្រោះ ស្រាប់តែឃើញមានស្រមោចរោមទៅហើយ ទើបដឹងថា ស្លាប់បាត់ទៅហើយ ។
ព្រះសង្ឃគង់នៅក្នុងវត្តជម្ពូវន្តមានសង្ឃដីកាឲ្យដឹងថា នៅក្នុងវត្តមិនដែលមានជនអនាថាមកស្នាក់នៅទេ ហើយបុរសដែលដេកស្លាប់ខាងលើនេះក៏មិនដែលឃើញមុខដែរ ទើបតែប្រទះឃើញដេកស្លាប់បាត់ទៅហើយ ។
ក្រោយពេលមានការភ្ញាក់ផ្អើលព្រះសង្ឃបានរាយការណ៍ទៅសមត្ថកិច្ចចុះមកពិនិត្យឃើញថាបុរសខាងលើជាជនអនាថានៅជាប់នឹងខ្លួនមានប័ណ្ណពិនិត្យខុសភាពមួយសន្លឹក ។ បើតាមការពិនិត្យរបស់សមត្ថកិច្ចជំនាញបានឲ្យដឹងថា ស្លាប់ដោយសារជំងឺរ៉ាំរ៉ៃរហូតខ្យល់គស្លាប់ ។
សពត្រូវបានសមត្ថកិច្ចមូលដ្ឋានប្រគល់ឱ្យតាអាចារ្យរង់ចាំសាច់ញាតិមកយកទៅធ្វើបុណ្យតាមប្រពៃណី ប៉ុន្តែមិនទាន់អាចទាក់ទងសាច់ញាតិបាននៅឡើយទេ ។ នាឱកាសនោះលោកអ៊ឹម វណ្ណា ចៅសង្កាត់រងចោមចៅបានឧបត្ថម្ភថវិកាចំនួន២០ម៉ឺនរៀលសម្រាប់ថ្លៃបូជាសពផងដែរ ៕
ចែករំលែកព័តមាននេះ