ខេត្ដព្រះវិហារ ៖ ជនរងគ្រោះឈ្មោះ ជួន សម្បិត្ត អាយុ៥០ឆ្នាំ ជាបុរសពោះម៉ាយពិការភ្នែកទាំងពីរ ថែមទាំងមានសតិមិនល្អ មានទីលំនៅក្នុងភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ បានបញ្ចប់ជីវិតខ្លួនឯងដោយ
ខេត្ដព្រះវិហារ ៖ ជនរងគ្រោះឈ្មោះ ជួន សម្បិត្ត អាយុ៥០ឆ្នាំ ជាបុរសពោះម៉ាយពិការភ្នែកទាំងពីរ ថែមទាំងមានសតិមិនល្អ មានទីលំនៅក្នុងភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ បានបញ្ចប់ជីវិតខ្លួនឯងដោយចង.កនឹងខ្សែអង្រឹងភ្ជាប់ទៅរនូតផ្ទះដោយមិនដឹងមូលហេតុ ហេតុការណ៍នេះបង្កការភ្ញាក់ផ្អើលទាំងព្រឹកព្រលឹមនាថ្ងៃទី២៧ ខែមេសា ឆ្នាំ២០១៧ ក្នុងភូមិត្រពាំងសង្កែខាងលិច ស្ថិតក្នុងឃុំកន្ទួត ស្រុកជាំក្សាន្ត ។
តាមការបញ្ជាក់ឲ្យដឹងពីលោក ហេង ប៊ុនទ្រី មេភូមិត្រពាំងសង្កែខាងលិច បានឲ្យដឹងថា ជនរងគ្រោះជាបុរសពោះម៉ាយពិការភ្នែកទាំង២ មិនតែប៉ុណ្ណោះថែមទាំងមានជំងឺសរសៃប្រសាទប្រចាំកាយ និងមានកូនក្នុងបន្ទុកចំនួន៤នាក់ ស្រី២នាក់ ប្រុស២នាក់ ។ លោកបន្តថា ដោយសារជនរងគ្រោះនឹកកូនៗទាំង៤នាក់ ដែលមកធ្វើការ និងស្នាក់នៅភូមិ-ឃុំកើតហេតុខាងលើ គាត់ក៏មកលេងកូនបានតែ៩ថ្ងៃ ស្រាប់តែចង.កសម្លាប់ខ្លួនដោយមិនដឹងមូលហេតុ ។
បើតាមកូនប្រុសបង្កើតបាននិយាយថា នៅមុនពេលកើតហេតុរយៈពេល២ទៅ៣ថ្ងៃ ឪពុកខ្លួនបានហូតខ្សែចេញពីអង្រឹង យកមកទុកនៅនឹងខ្លួនរបស់គាត់ដោយមិនដឹងថា គាត់យកទៅធ្វើអ្វីនោះទេ ហើយនៅយប់ថ្ងៃកើតហេតុ រូបគេក៏មិនបានសម្រាកនៅផ្ទះជាមួយឪពុកដែរ ដោយមានប្អូនៗចំនួន៣នាក់នៅសម្រាកជាមួយនឹងឪពុក ។ លុះព្រឹកឡើងប្អូនៗបានទូរស័ព្វមកប្រាប់ថា ឪពុកស្លាប់ហើយ ដោយចង.កនឹងខ្សែអង្រឹង ។
តាមការធ្វើកោសល្យវិច័យរបស់ជំនាញនគរបាលឲ្យដឹងថា ករណីនេះជាការធ្វើអត្តឃាតដោយចងកខ្លួនឯង ពុំមែនជាករណីឃាតកម្មអ្វីនោះទេ ។ បន្ទាប់ពីធ្វើកោសល្យវិច័យរួច ក្រុមគ្រួសារក៏បានដឹកសពជនរងគ្រោះយកទៅធ្វើបុណ្យតាមប្រពៃណីនៅស្រុកកំណើត ៕
ចែករំលែកព័តមាននេះ