ប្រទេសរុស្ស៊ីនាពេលថ្មីៗនេះ បំពាក់ដោយរថក្រោះរ៉ូបូប្រយុទ្ធធុនធ្ងន់មានកាណុងមួយ កាំភ្លើងយន្តមួយ និងកាំភ្លើងបាញ់គ្រាប់បែកមួយ ។ រ៉ូបូនេះធ្វើការសាកល្បងចាប់តាំងពីរដូវក្តៅឆ្នាំ២០១៦មក ។ វីដេអូថ្មីមួយអំពីសម្ភារសឹកនេះមានប្រជាប្រិយបំផុតតាមអីុនធើរណេត ។
រថក្រោះរ៉ូបូប្រយុទ្ធនេះមានឈ្មោះថា VIKHR ដោយតាមវីដេអូគេឃើញរថក្រោះទូរបញ្ជាទម្ងន់១៤,៥តោន នោះរត់លើកូនភ្នំមួយ កាត់ទឹក ហើយបាញ់ទីតាំងដែលសន្មត់ ហើយធ្វើចលនា ។
រថក្រោះរ៉ូបូ VIKHR អាចបំពាក់កាណុងទំហំ៣០មីល្លីម៉ែត្រ និង៥៧មីល្លីម៉ែត្រ កាំភ្លើងយន្តទំហំ៧,៦៧មីល្លីម៉ែត្រ និងមីស៊ីលប្រឆាំងរថក្រោះ KORNET-M ៦គ្រាប់ ។ វាក៏អាចបំពាក់កាំភ្លើងបាញ់គ្រាប់បែកស្វ័យប្រវត្តិ AGS-17 មីស៊ីលការពារអាកាស IGLA និង VERBA ព្រមទាំងអាវុធប្រភេទផ្សេងៗទៀត ។ រថក្រោះរ៉ូបូនោះផលិតសម្រាប់កងទ័ពជើងគោក ជើងអាកាស កងម៉ារីន និងកងកម្លាំងយុទ្ធសាស្ត្រ ៕
ចែករំលែកព័តមាននេះ