យោងតាម YONHAP ថា មន្ត្រីផ្លូវការម្នាក់និយាយថា សហរដ្ឋអាមេរិកគ្រោងស្នើ ដើម្បីធ្វើឱ្យកូរ៉េខាងជើងកាន់តែឯកោថែមទៀត បិទបណ្តាទីតាំងការទូតប្រទេសនេះគ្រប់ទីកន្លែងលើពិភពលោកក្នុងឱកាសនៃកិច្ចប្រជុំ
យោងតាម YONHAP ថា មន្ត្រីផ្លូវការម្នាក់និយាយថា សហរដ្ឋអាមេរិកគ្រោងស្នើ ដើម្បីធ្វើឱ្យកូរ៉េខាងជើងកាន់តែឯកោថែមទៀត បិទបណ្តាទីតាំងការទូតប្រទេសនេះគ្រប់ទីកន្លែងលើពិភពលោកក្នុងឱកាសនៃកិច្ចប្រជុំពិសេសរបស់ក្រុមប្រឹក្សាសន្តិសុខ អ.ស.ប ដែលត្រូវធ្វើនាថ្ងៃទី២៨ មេសា ។
រដ្ឋមន្ត្រីការបរទេសអាេមរិក លោក REX TILLERSON ជាអ្នកដឹកនាំកិច្ចប្រជុំពិសេសថ្នាក់រដ្ឋមន្ត្រីរបស់ក្រុមប្រឹក្សាសន្តិសុខដើម្បីពិភាក្សាពីសំណុំរឿងនុយក្លេអ៊ែរកូរ៉េខាងជើងក្នុងក្របខណ្ឌនៃការខិតខំប្រឹងប្រែងសំដៅពង្រឹងការជួយទ្រទ្រង់អន្តរជាតិ បង្កើនការគាបសង្កត់លើកូរ៉េខាងជើង ព្រោះតែកម្មវិធីនុយក្លេអ៊ែរ និងបាលីស្ទិករបស់ប្រទេសនេះ ។
ក្នុងសន្និសីទសារព័ត៌មានមួយកាលពីថ្ងៃទី២៦ មេសា អ្នកនាំពាក្យក្រសួងការបរទេសអាមេរិកលោក MARK TONER ថ្លែងថា មានការជ្រើសរើសជាច្រើន ប៉ុន្តែការជ្រើសរើសមួយគឺទណ្ឌកម្ម ។ មានមធ្យោបាយគាបសង្កត់នានាធ្វើឱ្យកូរ៉េខាងជើងនៅឯកោ ហើយការធ្វើឱ្យឯកោខាងការទូតជាមធ្យោបាយមួយទៀត ។
ម្យ៉ាងវិញទៀត សហរដ្ឋអាមេរិកមានគម្រោងដាក់ពង្រាយអាវុធយុទ្ធសាស្ត្រនៅកូរ៉េខាងត្បូងជាអចិន្ត្រៃយ៍ ដើម្បីតស៊ូប្រឆាំងការគំរាមកំហែងរបស់កូរ៉េខាងជើងក្នុងក្របខណ្ឌនៃកិច្ចព្រមព្រៀងមួយជាមួយបណ្តាសម្ព័ន្ធមិត្ត ។ នេះជាការអះអាងកាលពីថ្ងៃទី២៨ មេសា របស់ក្រសួងការពារជាតិកូរ៉េខាងត្បូង ។ ក្រសួងនេះនិយាយថា ការដាក់ពង្រាយប្រព័ន្ធការពារប្រឆាំងមីស៊ីល THAAD របស់អាមេរិកនៅកូរ៉េខាងត្បូងជាមធ្យោបាយការពារប្រឆាំងកូរ៉េខាងជើង និងជាវិធានការដើម្បីធានាសន្តិសុខរបស់ប្រជាជនកូរ៉េខាងត្បូង ហើយការពារកងកម្លាំងសម្ព័ន្ធមិត្ត ។ ក្រសួងនេះក៏និយាយដែរថា តំណាងរបស់ប្រទេសទាំង២បានព្រមព្រៀងគ្នាថា ការសងសឹករបស់ចិនប្រឆាំងការដាក់ពង្រាយមីស៊ីល THAAD ពុំសមស្រប និងពុំសមហេតុផលរួចត្រូវបញ្ឈប់ជាបន្ទាន់ ៕
ចែករំលែកព័តមាននេះ