នាវាចារកម្មរុស្ស៊ីលិចនៅដែនទឹក
នាវាចារកម្មមួយគ្រឿងរបស់កងទ័ពរុស្ស៊ីបានលិចកាលពីថ្ងៃទី២៧ មេសា ក្នុងដែនទឹកតួកគីនៃសមុទ្រខ្មៅ ក្រោយពីបុកនាវាមួយគ្រឿងដែលដឹកសត្វពាហនៈ ក៏ប៉ុន្តែក្រុមនាវិកអាចត្រូវជួយសង្គ្រោះ ។
នាវាចារកម្មមួយគ្រឿងរបស់កងទ័ពរុស្ស៊ីបានលិចកាលពីថ្ងៃទី២៧ មេសា ក្នុងដែនទឹកតួកគីនៃសមុទ្រខ្មៅ ក្រោយពីបុកនាវាមួយគ្រឿងដែលដឹកសត្វពាហនៈ ក៏ប៉ុន្តែក្រុមនាវិកអាចត្រូវជួយសង្គ្រោះ ។
នាវារុស្ស៊ីមានឈ្មោះថា LIMAN និងនាវាដឹកសត្វពាហនៈឈ្មោះ YOUZARSIF H ដោតទង់ជាតិតួហ្គោ បានបុកគ្នាត្រង់ច្រកចូលច្រកសមុទ្រ BOSPHORE ប្រហែលមកពីគ្រោះថ្នាក់ចៃដន្យក្នុងតំបន់មួយគ្របដណ្តប់ដោយអ័ព្ទយ៉ាងក្រាស់ ។ សមាជិកក្រុមនាវិកទាំង៧៨នាក់របស់នាវា LIMAN បានត្រូវជួយសង្គ្រោះដោយកងឆ្មាំឆ្នេរសមុត្រតួកគី ជាមួយជំនួយរបស់នាវាដឹកសត្វ ។ នេះជាការគូសបញ្ជាក់របស់ក្រសួងដឹកជញ្ជូនតួកគី លោក AHMET ARSLAN ទៅកាន់ទូរទស្សន៍ A HABER ។ ការបុកគ្នានេះកើតមានក្នុងដែនទឹកនៃទីក្រុងជាប់មាត់សមុទ្រតួកគី KILYOS ដែលហៅផងដែរថា ក្រុង KUMKOY ស្ថិតក្បែរច្រកចូលច្រកសមុទ្រ BOSPHORE ដែលតាមច្រកនេះក្នុងមួយខែៗមាននាវារុស្ស៊ីឆ្លងកាត់ជាច្រើនសិប ដែលចូលរួមក្នុងប្រតិបត្តិការយោធានៅស៊ីរី។
កាលពីខែកុម្ភៈប្រភពយោធានានាធ្លាប់គូសបញ្ជាក់ថា នាវា LIMAN អាចតាមដានមើលសមយុទ្ធជើងទឹករបស់អូតង់នៅសមុទ្រខ្មៅ ។
នាយករដ្ឋមន្ត្រីតួកគី លោក BINALI YILDIRIM បានសម្តែងការសោកស្តាយជូនសមភាគីរុស្ស៊ី លោកឌីមីទ្រី ម៉េដវេដេវ ពេលជួបសន្ទនាគ្នាតាមទូរស័ព្ទចំពោះឧប្បត្តិហេតុនេះ ៕
ចែករំលែកព័តមាននេះ