ជាមួយនឹងកម្តៅនៃរដូវក្តៅ យើងទាំងអស់គ្នាប្រហែលជាព្រួយបារម្ភអំពីជំងឺគ្រុនក្តៅខ្លាំង ដោយសារការប៉ះពាល់ទៅនឹងកម្តៅខ្លាំង ។ ការដឹងអំពីរោគសញ្ញា សំខាន់ៗនៃជំងឺនេះអាចជួយអ្នកក្នុងការដោះស្រាយជាមួយនឹងបញ្ហានេះ និងអាចការពារអ្នកពីផលវិបាក ផ្សេងៗផងដែរ ។
ខាងក្រោមនេះគឺជារោគសញ្ញាចម្បងទាំង ៥ នៃជំងឺគ្រុនក្តៅខ្លាំងដោយសារការនៅក្រោមកម្តៅថ្ងៃយូរដែលអ្នកគួរតែចាប់អារម្មណ៍ ។
១-សីតុណ្ហភាពក្នុងរាងកាយឡើងខ្ពស់
រោគសញ្ញាចម្បងនៃជំងឺគ្រុនក្តៅខ្លាំង ដោយសារការនៅក្រោមកម្តៅថ្ងៃយូរ គឺការកើនឡើងសីតុណ្ហភាពក្នុងរាងកាយ ភ្លាមៗ ដោយមិនមានការបែកញើស ។ ដូច្នេះប្រសិនបើរាងកាយរបស់អ្នកកើនសីតុណ្ហភាពខ្ពស់ខ្លាំង សូមសម្រាកនៅផ្ទះ។
២-ស្បែកក្រហម និងស្ងួត
កាំរស្មីដ៏អាក្រក់នៃព្រះអាទិត្យអាចបណ្តាលឱ្យអ្នកខ្វះជាតិទឹកខ្លាំង ដែលបណ្ដាលឱ្យស្បែក ឡើងក្តៅ និងស្ងួត។ ប្រសិនបើស្បែករបស់អ្នកឆាប់ប្រតិកម្ម នោះវានឹងធ្វើឲ្យស្បែកឡើងក្រហម និងរលាក ។
៣-ប្រស្រីភ្នែករួមតូច
ទោះបីជាភ្នែករបស់អ្នកអាចស៊ូទ្រាំនឹងកម្តៅដ៏លើសលុបនេះ តែមនុស្សមួយចំនួនអាចមានបញ្ហាប្រស្រីភ្នែករួមតូចដោយសារការខ្វះជាតិទឹកធ្ងន់ និងកង្វះថាមពលដោយសារតែជំងឺគ្រុនក្តៅខ្លាំងព្រោះតែការនៅក្រោមកម្តៅថ្ងៃយូរពេក ។ ក្នុងករណីធ្ងន់ វាអាចនាំឱ្យមានការឈឺចាប់ខ្លាំងនៅក្នុងភ្នែក ។
៤-ចង្អោរ និងក្អួត
ក្នុងករណីខ្លះ ជំងឺគ្រុនក្តៅខ្លាំងដោយសារការនៅក្រោមកម្តៅថ្ងៃយូរ ក៏អាចបណ្តាលឲ្យអ្នកចង្អោរ និងក្អួតដោយតែការមិនរំលាយអាហារ គួបផ្សំជាមួយនឹងការបាត់បង់ជាតិទឹកដ៏ច្រើនពីរាងកាយ។ ប្រសិនបើអ្នកជួបប្រទះបញ្ហានេះញឹកញាប់ និងធ្ងន់ វាប្រហែលជាដល់ពេលវេលាត្រូវទៅពិគ្រោះជាមួយគ្រូពេទ្យហើយ ។
៥-ឈឺក្បាល និងវិលមុខ
ដោយសារអាកាសធាតុក្តៅ ហើយសើមមានឥទ្ធិពលនៅលើសុខភាពរបស់អ្នក វាជារឿងធម្មតាក្នុងការមានបញ្ហាឈឺក្បាល។ លើសពីនេះ វាអាចនាំឱ្យមានការវិលមុខដោយសារការអស់កម្លាំង និងការបាត់បង់ជាតិអេឡិចត្រូលីត និងទឹកច្រើនហួសហេតុពេក ៕
ចែករំលែកព័តមាននេះ