ក្រុមបាល់បោះជិះរទេះជនពិការនារីកម្ពុជាបង្ហាញតម្រុយដណ្ដើមបានមេដាយមាស ក្រោយឈ្នះឥណ្ឌា និងនេប៉ាល់
- ភ្នំពេញ
រាជធានីភ្នំពេញ ៖ ក្រុមបាល់បោះជិះរទេះជនពិការនារីកម្ពុជាកំពុងបង្ហាញតម្រុយដណ្ដើមបាន
រាជធានីភ្នំពេញ ៖ ក្រុមបាល់បោះជិះរទេះជនពិការនារីកម្ពុជាកំពុងបង្ហាញតម្រុយដណ្ដើមបាន
រាជធានីភ្នំពេញ ៖ ក្រុមបាល់បោះជិះរទេះជនពិការនារីកម្ពុជាកំពុងបង្ហាញតម្រុយដណ្ដើមបាន
មេដាយមាស បន្ទាប់ពីឈ្នះក្រុមម្ចាស់ផ្ទះឥណ្ឌា និងក្រុមនេប៉ាល់ក្នុងព្រឹត្តិការណ៍ប្រកួត ICRC International Wheelchair Basketball Tournament លើកទី៣ នៅប្រទេសឥណ្ឌា ។ ក្រុមបាល់បោះជិះរទេះជនពិការនារីកម្ពុជា បានយកឈ្នះឥណ្ឌាក្នុងពិន្ទុ៥៨ទល់១៤ និងបន្តយកឈ្នះក្រុមនេប៉ាល់ ក្នុងលទ្ធផល ៥៦ទល់២២។
លោក ម៉ៅ សុខជា គ្រូបង្វឹកបានឱ្យដឹងថា បន្ទាប់ពីឆ្លងកាត់២ប្រកួតក្រុមកីឡាការិនីកម្ពុជាធ្វើបានល្អឈរលេខ១ក្នុងពូលនៅដំណាក់កាលទី១ ប៉ុន្តែក្រុមទាំង៣ បន្តប្រកួតគ្នា២ប្រកួតទៀត ដើម្បីស្វែងរកក្រុមឈរលេខ១ និងលេខ២ និងត្រូវប្រកួតផ្តាច់ព្រ័ត្រដណ្តើមពាន។
គួរបញ្ជាក់ថា សហព័ន្ធកីឡាបាល់បោះជិះរទេះជនពិការកម្ពុជា បានបញ្ជូនតែក្រុមនារីចូលរួមប៉ុណ្ណោះតបតាមការអញ្ជើញរបស់ប្រទេសឥណ្ឌាជាម្ចាស់ផ្ទះ ជាមួយបណ្តាប្រទេសជាច្រើនទៀត ចូលរួមសរុប៨ប្រទេស ដែលមានដូចជា ប្រទេសនេប៉ាល់ បង់ក្លាដែស កម្ពុជា លីប៊ី អាហ្វហ្គានីស្ថាន ស៊ីរី ហ្គាណា និងឥណ្ឌា ។ ដោយឡែក ក្រុមនារីមានតែ៣ប្រទេសចូលរួម គឺកម្ពុជា នេប៉ាល់ និងម្ចាស់ផ្ទះឥណ្ឌា។
លោក ម៉ៅ សុខជា បញ្ជាក់ថា ក្រុមកីឡាការិនីបាល់បោះជិះរទេះនារីកម្ពុជា នឹងឈ្នះពានកម្រិតអន្តរជាតិនេះ ដើម្បីជាការប្រកួតបង្កើនសមត្ថភាពនិងកម្តៅសាច់ដុំក្នុងដំណើរឆ្ពោះទៅធ្វើជាម្ចាស់ផ្ទះអាស៊ានប៉ារ៉ាហ្គេមលើកទី១២ឆ្នាំ២០២៣ប្រកបដោយភាពជឿជាក់ ក្នុងនាមជាក្រុមការពារមេដាយមាសផងដែរ ។ ក្រៅពីការប្រកួតកម្រិតអន្តរជាតិនៅឥណ្ឌា កីឡាករ កីឡាការិនីបាល់បោះជនពិការកម្ពុជា គ្រោងប្រកួតជម្រុះជាមួយប្រទេសហ្វីលីពីន និងឡាវ ដើម្បីយកសិទ្ធិចូលរួមការប្រកួតអាស៊ីប៉ារ៉ាហ្គេម នៅប្រទេសចិន ឆ្នាំ២០២៣ ខាងមុខ។
សម្រាប់ព្រឹត្តិការណ៍អាស៊ានប៉ារ៉ាហ្គេមលើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ គណៈកម្មាធិការជាតិប៉ារ៉ាឡាំពិកកម្ពុជា (CAMAPGOC) បានត្រៀម១២ប្រភេទកីឡា ដាក់ឲ្យប្រកួតប្រជែង៕
ចែករំលែកព័តមាននេះ