អគ្គរាជទូតកម្ពុជា6រូបទើបតែងតាំងថ្មី
រាជធានីភ្នំពេញ ៖ សម្តេច ហេង សំរិន ប្រធានរដ្ឋសភាផ្តាំផ្ញើឯកអគ្គរាជទូតកម្ពុជាទើបតែងតាំងប្រចាំប្រទេសនានាធ្វើការគិតពីផលប្រយោជន៍ប្រទេសជាតិជាធំ
រាជធានីភ្នំពេញ ៖ សម្តេច ហេង សំរិន ប្រធានរដ្ឋសភាផ្តាំផ្ញើឯកអគ្គរាជទូតកម្ពុជាទើបតែងតាំងប្រចាំប្រទេសនានាធ្វើការគិតពីផលប្រយោជន៍ប្រទេសជាតិជាធំ
រាជធានីភ្នំពេញ ៖ សម្តេច ហេង សំរិន ប្រធានរដ្ឋសភាផ្តាំផ្ញើឯកអគ្គរាជទូតកម្ពុជាទើបតែងតាំងប្រចាំប្រទេសនានាធ្វើការគិតពីផលប្រយោជន៍ប្រទេសជាតិជាធំ ។ ក្នុងជំនួបពិភាក្សាជាមួយឯកអគ្គរដ្ឋទូត រាជទូតថ្មីនាព្រឹកថ្ងៃទី២៧ ខែមេសា ឆ្នាំ២០១៧ នៅវិមានរដ្ឋសភាថា «ចាប់ពីពេលនេះតទៅ លោកលោកស្រី គឺជាឥស្សរជនជាន់ខ្ពស់ តំណាងឱ្យព្រះរាជាណាចក្រកម្ពុជា នៅបរទេស ដូច្នេះហើយតួនាទីរបស់ លោក លោកស្រី ទាំងអស់មានសារសំខាន់ណាស់ សម្រាប់ប្រទេសជាតិរបស់យើង ទាំងវិស័យនយោបាយការបរទេស និងកិច្ចសហប្រតិបត្តិការអន្តរជាតិ វិស័យពាណិជ្ជកម្ម វិនិយោគ ទេសចរណ៍ និងវប្បធម៌ ជាដើម» ។
ឯកអគ្គរាជទូតថ្មីប្រទេសកម្ពុជាដែលទើបតែងតាំងទៅបំពេញបេសកកម្មការទូតនៅប្រទេសចំនួន៦បានចូលជម្រាបលានិងទទួលអនុសាសន៍ពីសម្តេចប្រធានរដ្ឋសភា នៅវិមានរដ្ឋសភា ។
សម្តេចបានលើកឡើងបន្តថា នៅក្នុងបេសកកម្មការទូតនេះលោក លោកស្រី គប្បី គិតពីផលប្រយោជន៍ជាតិជាធំ ការពារផលប្រយោជន៍របស់ជាតិនិងប្រជាពលរដ្ឋខ្មែរជាធំ។ ត្រូវស្វែងយល់ពីសុខទុក្ខពលករខ្មែរដែលរស់នៅ និងប្រកបអាជីវកម្ម ឬធ្វើការងារនៅប្រទេសដែលឯកឧត្តម លោកជំទាវ ទទួលជាតំណាង ទោះបីស្ថិតក្នុងកាលៈទេសៈបែបណាក៏ដោយ។
សូមជម្រាបថា ឯកអគ្គរាជទូតដែលចូលជូបសម្តេច ហេង សំរិន មានលោកស្រី សឿង រដ្ឋចាវី ជាឯកអគ្គរាជទូតប្រចាំចក្រភពអង់គ្លេស លោក ហោ ណាំបូរ៉ា ឯកអគ្គរាជទូតប្រចាំប្រទេសឥណ្ឌូនេស៊ី លោកស្រី ទូច សុផារត្ន ឯកអគ្គរាជទូតប្រចាំប្រទេសអាល្លឺម៉ង់ លោក ចេង ម៉ានិត ឯកអគ្គរាជទូតប្រចាំប្រទេសឡាវ លោក ស៊ិន ប៊ុនធឿន ឯកអគ្គរាជទូតប្រចាំសាធារណរដ្ឋប្រជាមានិតប្រជាធិបតេយ្យកូរ៉េ និងលោក ងួន សុខវេង ឯកអគ្គរាជទូតប្រចាំប្រទេសសឹង្ហបុរី ៕
ចែករំលែកព័តមាននេះ