រាជធានីភ្នំពេញ ៖ ទោះបីជាសមាជិកសភាចំនួនពីររូបស្ថិតនៅក្នុងដៃ តុលាការភ្នំពេញក្តីមេបក្សលោកកឹម សុខា បានឲ្យដឹងថាលោកនឹងទៅទស្សនៈកិច្ចសហរដ្ឋអាមេរិកនៅសប្តាហ៍ក្រោយប៉ុន្តែមិនទាន់កំណត់ថ្ងៃច្បាស់លាស់នោះទេ ។
ការធ្វើទស្សនកិច្ចរបស់លោក កឹម សុខា នេះបន្ទាប់ពីលោកបានអាក់ខានចេញទៅសហរដ្ឋអាមេរិកអស់រយៈពេលជាច្រើនខែមកហើយ ដើម្បីដោះស្រាយស្ថានការណ៍នយោបាយនៅក្នុងប្រទេស ។ ពិសេសនោះរៀបចំក្បាលម៉ាស៊ីនដឹកនាំក្រោយពីលោក សម រង្ស៊ី បានលាលែងពីតួនាទីប្រធានគណបក្សកាលពីថ្ងៃទី១១ខែកុម្ភៈផងដែរ ។
យោងតាមហ្វេសប៊ុកដែលបានផ្សព្វផ្សាយនៅថ្ងៃទី២៦ ខែមេសា កន្លងមកលោក កឹម សុខា បានសសេរកាលពីរសៀលថ្ងៃ២៥ ខែមេសា ឆ្នាំ២០១៧ ខ្ញុំបានជួបពិភាក្សាការងារជាមួយលោក ប៉ាទ្រិក មើហ្វី(W. Patrick Murphy) ជាឧបការីរងក្រសួងការបរទេសសហរដ្ឋអាមេរិកទទួលបន្ទុកកិច្ចការអាស៊ីប៉ាស៊ីភិកនៅក្នុងស្ថានទូតសហរដ្ឋអាមេរិកប្រចាំនៅកម្ពុជា ។
លោកបញ្ជាក់ថា «ក្នុងជំនួបនោះខ្ញុំបានលើកឡើងអំពីស្ថានភាពនយោបាយមុនការបោះឆ្នោត និងអំពីដំណើរការនៃការបោះឆ្នោត ។ រីឯលោកឧបការីរងបានលើកឡើងអំពី ជំហររបស់សហរដ្ឋអាមេរិកចំពោះប្រទេសកម្ពុជាដែរ ។ ក្នុងជំនួបនោះដែរក៏យើងបានជជែកគ្នាអំពីដំណើរទស្សនកិច្ចរបស់ខ្ញុំទៅសហរដ្ឋអាមេរិកនៅសប្ដាហ៍ក្រោយ ។ ក្នុងដំណើរទស្សនកិច្ចនេះខ្ញុំនឹងមានជំនួបជាមួយមន្ត្រីសំខាន់ៗនៃរដ្ឋបាលលោកប្រធានាធិបតី ដូណាល់ ត្រាំ និងសមាជិករដ្ឋសភា ព្រឹទ្ធសភា សហរដ្ឋអាមេរិកផងដែរ» ។
ចំពោះដំណើរទស្សនៈរបស់មេបក្សប្រឆាំងនេះបន្ទាប់ពីលោកត្រឡប់ពីទស្សនកិច្ចនៅប្រទេសអូស្ត្រាលីមួយរយៈពេលកន្លងមក ។ សម្រាប់ដំណើរទស្សនៈកិច្ចនេះដែរត្រូវបានគេមិនទាន់ដឹងថាលោក កឹម សុខា និងជួបជាមួយលោកសមរង្ស៊ីឬយ៉ាងណានោះទេ ។ ប៉ុន្តែបើតាមមន្ត្រីម្នាក់របស់គណបក្សសង្គ្រោះជាតិបានឲ្យដឹងលោក កឹម សុខា អាចជួបជាមួយលោក សម រង្ស៊ី ភាគច្រើន ។ ជាងនេះការធ្វើទស្សនកិច្ចនេះស្របពេលដែលអ្នកតំណាងរាស្ត្ររបស់លោកជំនួនពីររូបកំពុងជាប់ដីការតុលាការពាក់ព័ន្ធ និងការបន្លំខ្លួនចូលក្នុងពន្ធនាគារ ។ អ្នកតំណាងរាស្ត្រពីររូបមាន លោក ឡុង រី និងលោកស្រី មូរ សុខហួរ ៕
ចែករំលែកព័តមាននេះ