ខេត្តបាត់ដំបង ៖ បុរសម្នាក់ដែលមានមុខរបរឆក់ត្រីល្មើសច្បាប់ ទំនងឆក់ខុសបច្ចេកទេស បែរជាឆក់ខ្លួនឯងស្លា.ប់ កាលពីវេលាម៉ោង១២ថ្ងៃត្រង់ថ្ងៃទី១០ វិច្ឆិកា នៅតំបន់ទន្លេសាប ស្ថិតក្នុងភូមិព្រែកទាល់ ឃុំកោះជីវាំង…
ខេត្តបាត់ដំបង ៖ បុរសម្នាក់ដែលមានមុខរបរឆក់ត្រីល្មើសច្បាប់ ទំនងឆក់ខុសបច្ចេកទេស បែរជាឆក់ខ្លួនឯងស្លា.ប់ កាលពីវេលាម៉ោង១២ថ្ងៃត្រង់ថ្ងៃទី១០ វិច្ឆិកា នៅតំបន់ទន្លេសាប ស្ថិតក្នុងភូមិព្រែកទាល់ ឃុំកោះជីវាំង ស្រុកឯកភ្នំ ។ បុរសនោះឈ្មោះ សែម សុភ័ក្រ អាយុ៣៧ឆ្នាំ រស់នៅក្នុងភូមិ ឃុំខាងលើ ។ គាត់បានស្លា.ប់ដោយសារឧបករណ៏ឆក់ត្រីរបស់ខ្លួនឆក់ពេលគាត់កំពុងដើរឆក់ត្រីម្នាក់ឯង ។ នេះបើតាមការអះអាងរបស់ភរិយាគាត់ ដែលសមត្ថកិច្ចបានស្រង់សំដី ។
លោក ម៉ៃ ធី នាយប៉ុស្ដ៏រដ្ឋបាលឃុំកោះជីវាំង បានប្រាប់ថា ឈ្មោះ សែម សុភ័ក្រ បានស្លា.ប់នៅកន្លែងឆក់ត្រី ហើយត្រូវក្រុមគ្រួសារគាត់ដឹកមកផ្ទះវិញ ទើបរាយការណ៍ប្រាប់សមត្ថកិច្ចឲ្យដឹង ។ លោកថា បើតាមការបំភ្លឺពីភរិយាគាត់ ជនរងគ្រោះបានទៅឆក់ត្រីម្នាក់ឯង ស្រាប់តែឆក់ខ្លួនឯងស្លា.ប់។ បើតាមការពិនិត្យ«អាំងវិចទ័រ»ឆក់ត្រីរបស់គាត់មានស្នាមផ្ទុះឆេះរោលខ្មៅ ទើបឆ្លងចរន្តខណៈត្រូវទឹកផង ទើបឆក់ខ្លួនឯងបែបនេះ។
បើតាមសេចក្ដីរាយការណ៍បានឲ្យដឹងថា បទល្មើស«ឆក់»ត្រីនេះ បាននិងកំពុងកើតមានពាសពេញតំបន់ទន្លេសាប ។ ជនល្មើសបានប្រើប្រាស់ទូក ឬកាណូតស្មាច់ជាមធ្យោបាយសម្រាប់ជិះឆក់ត្រីនៅតាមតំបន់នានា ។ មិនតែប៉ុណ្ណោះ បើតាមប្រភពព័ត៌មាន ជនល្មើសខ្លះបានប្រើប្រាស់ឧបករណ៍ខ្នាតធំបំពាក់លើទូកឆក់តែម្ដង ។ បច្ចុប្បន្ន បទល្មើសដែលជនទុច្ចរិតកំពុងប្រព្រឹត្តខ្លាំងបំផុតនៅតំបន់ទន្លេសាប គឺការប្រើឧបករណ៍ឆក់ និងស្បៃមុងក្រឡាញឹក (បរណរ៉ាវ) ។
ចែករំលែកព័តមាននេះ