ខេត្តកំពត ៖ បុរសម្នាក់កំពុងតែអង្គុយក្នុងរោងបាយជ្រកភ្លៀង ស្រាប់តែរន្ទះមកបាញ់ចំ បណ្តាលឱ្យស្លាប់ភ្លាមៗ បង្កការភ្ញាក់ផ្អើល កាលពីវេលាម៉ោង០៣ និង៣០នាទីរសៀលថ្ងៃទី២៥ មេសា ខណៈកំពុងតែធ្លាក់ភ្លៀងនោះ ។
ប្រភពឱ្យដឹងថា ជនរងគ្រោះដែលស្លាប់ឈ្មោះអ៊ុក ឆែប អាយុ៥៦ឆ្នាំ មានទីលំនៅក្នុងភូមិត្រពាំងមន្ត្រី ឃុំសំរោងក្រោម ស្រុកបន្ទាយមាស ខេត្តកំពត ។
ប្រភពបន្តថា មុនពេលកើតហេតុ មេឃធ្លាក់ភ្លៀងយ៉ាងខ្លាំង ដោយជនរងគ្រោះឃើញបែបនេះ ក៏ចូលទៅជ្រកក្នុងរោងបាយ ។ មួយសន្ទុះ ក៏មានផ្លេកបន្ទោរព្រាកៗ ហើយមានរន្ទះមកបាញ់ផាំងចំជនរងគ្រោះដេកដួលស្លាប់តែម្តង ។ ពេលនោះ ក្រុមគ្រួសារបានផ្អើលរត់ទៅមើល ដើម្បីជួយសង្គ្រោះ តែគាត់បានស្លាប់ទៅហើយ ក្រោមសំឡេងស្រែកយំយ៉ាងទ្រហឹង ។
ចែករំលែកព័តមាននេះ