សហរដ្ឋអាមេរិក ៖ ការធ្លាក់ចុះនៃតម្រូវការប្រេងឥន្ធនៈកំពុងតែបង្កក្ដីព្រួយបារម្ភថាទីផ្សារប្រេង នឹងមិនអាចរួចផុតពីភាពអន់ថយឡើយ ។
តម្រូវការប្រេងឥន្ធនៈនៅសហរដ្ឋអាមេរិកបានកើន
សហរដ្ឋអាមេរិក ៖ ការធ្លាក់ចុះនៃតម្រូវការប្រេងឥន្ធនៈកំពុងតែបង្កក្ដីព្រួយបារម្ភថាទីផ្សារប្រេង នឹងមិនអាចរួចផុតពីភាពអន់ថយឡើយ ។
តម្រូវការប្រេងឥន្ធនៈនៅសហរដ្ឋអាមេរិកបានកើនឡើងវិញតាំងពីខែមករា ប៉ុន្តែនៅតែបន្តទាបជាងកម្រិតក្នុងឆ្នាំ២០១៦ ។ ក្នុងពេលបច្ចុប្បន្ននេះ អ្នកវិភាគព្រួយបារម្ភថា ការប្រើប្រាស់ទាប នឹងបង្កឲ្យប្រេងឥន្ធនៈដែលស្តុកទុកកាន់តែច្រើនឡើងៗ ហើយចុងក្រោយធ្វើឲ្យការធ្លាក់ចុះនៃតម្រូវការ និងតម្លៃប្រេង ។
លោក Tom Kloza ប្រធានផ្នែកវិភាគថាមពលក្នុងក្រុមហ៊ុន Oil Price Information Service បាននិយាយថា ៖« ប្រសិនបើតម្លៃប្រេងឥន្ធនៈធ្លាក់ចុះ នោះវានឹងបង្កជាការប៉ះពាល់ដល់ទីផ្សារប្រេងឆៅទាំងស្រុង » ។
យោងទៅតាមលោកAndy Lipow ប្រធានក្រុមហ៊ុន Lipow Oil Associates បាននិយាយថា វាជាមុខសញ្ញាដ៏គួរឲ្យព្រួយបារម្ភមួយ អ្នកដំណើរការស្ថានីយប្រេងឥន្ធនៈទូទាំងប្រទេសបានរាយការណ៍មកក្នុងអំឡុងសន្និសីទកន្លងមកថា ការលក់របស់ពួកគេបានធ្លាក់ចុះពី១,៥ទៅ២%ក្នុងឆ្នាំនេះ ។
លោកព្រួយបារម្ភថា និន្នាការនេះនឹងបន្តសម្រាប់ការលក់ក្នុងឆ្នាំ២០១៧នេះ ។ តម្រូវការនឹងកើនឡើងក្នុងរដូវក្ដៅ ជារដូវដែលមនុស្សចូលចិត្តជិះយានយន្តធ្វើដំណើរកម្សាន្ដ ប៉ុន្តែលោកមើលឃើញថាប្រេងឥន្ធនៈដែលស្តុកទុកនោះ មានកម្រិតខ្ពស់ពេក ។
វាដាក់សម្ពាធលើក្រុមហ៊ុនកែច្នៃប្រេងហើយអាចបង្កឲ្យពួកគេកាត់បន្ថយសកម្មភាពកែច្នៃក្នុងចុងឆ្នាំនេះផងដែរ ធ្វើឲ្យប្រេងឆៅដែលស្តុកទុកមានកាន់តែច្រើនឡើង ។
តម្លៃប្រេងឆៅបានធ្លាក់ចុះប្រមាណ៨%ក្នុងឆ្នាំនេះ ព្រោះតែសហរដ្ឋអាមេរិកបានបង្កើនចំនួនផលិតកម្មដោយសារការលក់ទៅវិញមានការអន់ថយ និងមានការគិតថា អង្គការនៃប្រទេសនាំចេញប្រេង(OPEC) និងប្រទេសផលិតប្រេងផ្សេងទៀត នឹងបន្តកិច្ចព្រមព្រៀងកាត់បន្ថយផលិតកម្ម៦ខែទៅមុខបន្ត ។
លោក John Kilduff សហស្ថាបនិកនៃក្រុមហ៊ុន Again Capital ជឿជាក់ថា តម្លៃប្រេងអាចនឹងធ្លាក់ចុះបន្ថែមមកត្រឹម៤២ដុល្លារក្នុងមួយធុង ៕
ចែករំលែកព័តមាននេះ