DJI Goggles ដែលត្រូវបានគេសាកល្បងក្នុងព្រឹត្តិការណ៍Mavic Pro កាលពីឆ្នាំមុននោះ ត្រូវគេដាក់បង្ហាញជាផ្លូវការ នឹងមានវត្តមាននៅក្នុងទីផ្សារនៅចុងខែឧសភាខាងមុខ ។
វាជាផលិតផលបច្ចេកវិទ្យាដែលអាចបញ្ជា drone ច្រើនប្រភេទដូចជាMavic Pro Drone Phantom 4 Drone និងផលិតផលDrone ដទៃទៀត ។ ចំណុចពិសេសរបស់វា គឺនៅពេល អ្នកបានភ្ជាប់DJI GogglesជាមួយDrone រួចមក កាមេរ៉ារបស់Drone នឹងភ្ជាប់ជាមួយភ្នែករបស់ម៉ាស៊ីនDJI Goggles នោះមានន័យថា នៅពេលយើងពាក់វា អ្វីដែលDrone ថតបានដោយសារកាមេរ៉ានោះនឹងលេចឡើងនៅក្នុងDJI Goggles ឬអាចនិយាយបានថា អ្នកលែងបញ្ជាDrone តាមរយៈអេក្រង់បញ្ជារទៀតហើយ តែភ្នែករបស់អ្នកផ្ទាល់បានមើលឃើញពីអ្វីដែលDrone ផ្តិតយកបាន ។ លើសពីនេះទៅទៀត ប្រសិនបើក្បាលរបស់អ្នកងាកទៅរកមើលអ្វីDrone នឹងធ្វើតាមចលនាក្បាលរបស់អ្នក ហើយវាអាចផ្តិតយករូបភាព៣៦០ដឺក្រេបាន ។
និយាយរួមអ្នកដែលធ្លាប់លេងហ្គេមតាមរយៈVR នឹងទទួលបានអារម្មណ៍ដូចគ្នានឹង ពាក់DJI Gogglesដែរ តែអ្វីដែលខុសគ្នាត្រង់ថា មួយជាទេសភាព ឬទីកន្លែងដែលគេបាន កែច្នៃបង្កើតឡើង តែចំពោះDJI Goggles វាជាទេសភាពប្រាកដដែលមាននៅលើផែនដី ។
DJI Goggles មានកាសត្រចៀក មានរន្ធសម្រាប់ដាក់អង្គចងចាំ មានរន្ធUSB មានរន្ធHDMI មានថ្មដែលអាចប្រើប្រាស់បាន៦ម៉ោងជាមួយនឹងកម្លាំងថ្ម៩៤៤០mAh និង គំរូសម្រាប់មើលចំនួនពីរគឺ៧២០p resolution មួយទៀត១០៨០p resolution មានResolution សម្រាប់ភ្នែកទំហំ១៩២០គុណ១០៨០ និងមានកម្មវិធីSmart Flightទៀតផង ៕
ចែករំលែកព័តមាននេះ