វង្ស ណយ ចេញមុខឡាយវីដេអូដៀ.លគ្រូបង្វឹក សួង បញ្ញា និងស្នើឯកឧត្តម តែម ម៉ឺន បកស្រាយរឿងអនុញ្ញាតឱ្យបើកក្លិបប្រដាល់
- ភ្នំពេញ
រាជធានីភ្នំពេញ ៖ អតីអ្នកប្រដាល់ល្បីឈ្មោះ វង្ស ណយ បានចេញមុខឡាយវីដេអូដៀ.លលោក សួង
រាជធានីភ្នំពេញ ៖ អតីអ្នកប្រដាល់ល្បីឈ្មោះ វង្ស ណយ បានចេញមុខឡាយវីដេអូដៀ.លលោក សួង បញ្ញា គ្រូបង្វឹកក្លិបអភិរក្សគុនខ្មែរថា មានសតិមិនគ្រប់ និងបានស្នើដល់ឯកឧត្ដម តែម ម៉ឺន ប្រធានសហព័ន្ធគុនខ្មែរ បកស្រាយហេតុអ្វីបានជាអនុញ្ញាតឱ្យមនុស្សធន់នេះបើកក្លិបប្រដាល់បាន។
ជុំវិញការចេញមុខឡាយវីដេអូបែបនេះ បន្ទាប់ពីលោក សួង បញ្ញា បញ្ចេញទស្សនៈ ជុំវិញរឿង វង្ស ណយ បង្កហិង្សាលើផ្លូវសាធារណៈ ដោយលោកបានគិតថា វាជាទង្វើមិនល្អ ដែលវាអាចជះឥទ្ធិពលមិនល្អដល់អ្នកប្រដាល់ស្រករក្រោយ ឬក្មេងៗជាដើម ។ ក្នុងវីដេអូនោះត្រូវបានគេមើលឃើញថា វង្ស ណយ បានប៉ះទង្គិចគ្នាជាមួយបុរសជិះម៉ូតូធំម្នាក់នៅលើផ្លូវវេងស្រេង រហូតមានការវាយតប់គ្នានៅលើផ្លូវ ហើយរឿងនោះដែរ ក៏ត្រូវបានគេសង្ស័យថា ជារូបភាពវីដេអូសម្ដែង។
ទោះយ៉ាងណា ក្រោយការបញ្ចេញទស្សនៈរបស់លោក សួង បញ្ញា មិនបានប៉ុន្មានផង ពេលនេះអតីតអ្នកលេងកែងបានចេញមុខឡាយនិយាយថា « ខ្ញុំបាទ វង្ស ណយ សូមគោរពសួរទៅកាន់ឯកឧត្ដម តែម ម៉ឺន ជាប្រធានសហព័ន្ធកីឡាគុនខ្មែរថា ខ្ញុំបាទ វង្ស ណយ មានចម្ងល់ចង់សួរទៅកាន់លោកថា តើហេតុផលយ៉ាងណាទើបលោកឲ្យលោក សួង បញ្ញា បើកក្លិបប្រដាល់ និងជាគ្រូនៅក្លិបអភិរក្សគុនខ្មែរ ។ ខ្ញុំឃើញវីដេអូកន្លងទៅលោកតែងតែមានអាកប្បកិរិយាមិនល្អ សម្ដីដូចជាអសីលធម៌ មើលទៅដូចជាសតិមិនគ្រប់តែម្ដង។
គាត់តែងនិយាយមើ.លងា.យកីឡាកររៀមច្បង ដូចជាខ្ញុំបាទផ្ទាល់ សូមលោកមេត្តាបកស្រាយឲ្យខ្ញុំបាទផ្ទាល់ និង Fan Fan អ្នកស្រលាញ់ខ្មែរ តើលោកគិតយ៉ាងម៉េចទើបអនុញ្ញាតឲ្យមនុស្សបែបនេះមកធ្វើការ សូមលោកមេត្តាបកស្រាយ»។
ជាមួយគ្នានោះលោក សួង បញ្ញា បានប្រាប់អ្នកសារព័ត៌មានភ្លាមៗថា «អត់អីទេបង! គេធ្វើអីធ្វើទៅ។ ខ្ញុំអត់ខឹងគុំគួនអ្នកណាទេ ។ និយាយទៅជាការបញ្ចេញមតិរបស់ខ្ញុំទេ អានិយាយលើកមុនហ្នឹង វាអត់មានចែងថាខុសច្បាប់អីផង ព្រោះការបញ្ចេញមតិរបស់ខ្ញុំក្នុងចេតនាល្អ ។ ខ្ញុំអត់ខ្លាចទេបាទ ពួកហ្នឹងចង់ធ្វើអីក៏ខ្ញុំអត់ខ្លាចទេបាទ ខ្ញុំដឹងប្រវត្តិពួកហ្នឹងច្បាស់ គេធ្វើអីក៏ខ្ញុំដឹងដែរបង»។
ជុំវិញរឿងក្តៅនេះ មិនដឹងថា ឯកឧត្ដម តែម ម៉ឺន ចេញមុខនិយាយ ឬអត់នោះទេ ហើយបញ្ហាវិវាទពាក្យសម្តីរវាង វង្ស ណយ និង លោក សួង បញ្ហា នេះក៏មិនទាន់ដឹងថា វាវិវឌ្ឍទៅជាយ៉ាងណាទៀតនោះទេ ព្រោះភាគីលោក សួង បញ្ញានិយាយថា លោកនិយាយក្នុងន័យអប់រំល្អ ប៉ុន្តែភាគី វង្ស ណយ ហាក់កើតទុក្ខមិនសុខចិត្ត និងយល់ថា ការនិយាយរបស់គ្រូប្រដាល់ខាងលើហាក់ប៉ះពាល់កេរ្តិ៍ឈ្មោះខ្លួនទៅវិញ ៕
ចែករំលែកព័តមាននេះ