យោងតាម YONHAP ថា កងទ័ពអាេមរិកនៅកូរ៉េខាងត្បូងបានធ្វើប្រតិបត្តិការបញ្ជូនប្រព័ន្ធការពារប្រឆាំងមីស៊ីលអាេមរិក THAAD នាយប់ថ្ងៃទី២៥ មក២៦ មេសា មកកាន់ទីលានវាយកូនគោលមួយនៅ
យោងតាម YONHAP ថា កងទ័ពអាេមរិកនៅកូរ៉េខាងត្បូងបានធ្វើប្រតិបត្តិការបញ្ជូនប្រព័ន្ធការពារប្រឆាំងមីស៊ីលអាេមរិក THAAD នាយប់ថ្ងៃទី២៥ មក២៦ មេសា មកកាន់ទីលានវាយកូនគោលមួយនៅ SEONGJU ជាទីក្រុងមួយនៅខេត្ត GYEONGSANG ខាងជើង ។
ការដាក់ពង្រាយប្រព័ន្ធមីស៊ីល THAAD ធ្វើឡើងដោយតក់ក្រហល់៦ថ្ងៃ ក្រោយការយល់ព្រមរបស់រដ្ឋាភិបាលកូរ៉េខាងត្បូងផ្តល់ទីលានមួយមានទំហំ៣០០.០០០ម៉ែត្រក្រឡា ហើយប្រជាជនប្រមាណជា២០០នាក់នៃទីក្រុងនេះបានលើកគ្នាធ្វើបាតុកម្មហែតាមដងផ្លូវទៅកាន់ទីលានវាយកូនគោលនេះ ដើម្បីតវ៉ាប្រឆាំងការបញ្ជូនដោយតក់ត្រហល់គ្រឿងឧបករណ៍ THAAD មកកាន់ទីនោះដោយពុំប្រាប់ឱ្យដឹងមុន ។
អាជ្ញាធរយោធាអាមេរិកបានបញ្ជូនគ្រឿងឧបករណ៍ THAAD ដែលដឹកតាមយន្តហោះមកដល់កូរ៉េខាងត្បូងរួចហើយ រួចរក្សាទុកនៅតាមមូលដ្ឋានយោធាអាមេរិកទាំងឡាយ ។ នាយប់ថ្ងៃទី២៥ មក២៦ មេសា គ្រឿងឧបករណ៍ទាំងនេះបានបញ្ជូនមករបៀបជាប្រតិបត្តិការយោធាមួយ ។
អាជ្ញាធរយោធាអាមេរិកបានជ្រើសរើសកាលបរិច្ឆេទនៃការដាក់ពង្រាយប្រព័ន្ធមីស៊ីល THAAD ឱ្យបានមុនការបោះឆ្នោតប្រធានាធិបតីកូរ៉េខាងត្បូងនាថ្ងៃទី៩ ឧសភា ខាងមុខនេះ ខណៈមានភាពតានតឹងកាន់តែខ្លាំងនៅឧបទ្វីបកូរ៉េមកពីយថាភាពនៃការសាកល្បងនុយក្លេអ៊ែរថ្មី និងលទ្ធភាពបាញ់មីស៊ីលបាលីស្ទិករបស់ក្រុងព្យុងយ៉ាង ៕
ចែករំលែកព័តមាននេះ