រាជធានីភ្នំពេញ ៖ បុរសញៀនថ្នាំម្នាក់ត្រូវបានកម្លាំងនគរបាលប៉ុស្តិ៍ទន្លេបាសាក់ចាប់ឃាត់ខ្លូនយកទៅកាន់មណ្ឌលកែប្រែ ដើម្បីធ្វើការបន្សាប ក្រោយពីរូបគេតែងតែរករឿងអុកឡុក និងវាយបំផ្លិចបំផ្លាញទ្រព្យសម្បត្តិក្នុង
រាជធានីភ្នំពេញ ៖ បុរសញៀនថ្នាំម្នាក់ត្រូវបានកម្លាំងនគរបាលប៉ុស្តិ៍ទន្លេបាសាក់ចាប់ឃាត់ខ្លូនយកទៅកាន់មណ្ឌលកែប្រែ ដើម្បីធ្វើការបន្សាប ក្រោយពីរូបគេតែងតែរករឿងអុកឡុក និងវាយបំផ្លិចបំផ្លាញទ្រព្យសម្បត្តិក្នុងផ្ទះអស់ជាច្រើននាពេលកន្លងមកនៅពេកបែកថ្នាំម្តងៗនោះ ដោយទ្រាំនឹងទង្វើនេះមិនបាន ទើបម្តាយរត់មកប្តឹងឱ្យចាប់ខ្លួនតែម្តង។ ការចាប់ឃាត់ខ្លួនជនជៀនថ្នាំនេះដែរ បានធ្វើឡើងកាលពីវេលាម៉ោង១០ព្រឹក ថ្ងៃទី២៦ ខែមេសា ឆ្នាំ២០១៧ នៅចំណុចផ្ទះលេខ ៨៥ Z27 (ខាងក្រោយវត្តថាន់) ផ្លូវព្រះសុធារស ក្នុងសង្កាត់ទន្លេបាសាក់ ខណ្ឌចំការមន។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសញៀនថ្នាំដែលឃាត់ខ្លួននេះឈ្មោះ សុខ តារារតនៈ អាយុ២៦ឆ្នាំ មុខរបរជាបុគ្គលិកចំណតរថយន្តផ្សារអ៊ីអន ស្នាក់នៅផ្ទះលេខ ៨៥ Z27 ផ្លូវព្រះសុធារស ក្នុងសង្កាត់ទន្លេបាសាក់ ខណ្ឌចំការមន។ ក្រោយពីទទួលបាននូវពាក្យបណ្តឹងរបស់ម្តាយរបស់បុរសខាងលើថា រូបគេតែងតែធ្វើការរករឿងអុកឡុក វាយកម្ទេចទ្រព្យសម្បត្តិក្នុងផ្ទះអស់ជាច្រើន មិនតែប៉ុណ្ណោះក៏ស្រែកឡូឡារំខានទៅដល់ការរស់នៅរបស់ប្រជាពលរដ្ឋនៅក្បែរខាងនោះ។ តាមប្រភពដដែលបានប្រាប់បន្តទៀតថា ដោយសារតែបុរសម្នាក់ខាងលើជាមនុស្សប្រើគ្រឿងញៀនអស់រយៈពេលជាយូរណាស់មកហើយនោះ ទើបធ្វើឱ្យញៀន និងបែកថ្នាំជាញឹកញាប់ផងដែរ ទើបម្តាយរបស់គេទ្រាំលែងបានក៏ធ្វើការប្តឹងកម្លាំងនគរបាលប៉ុស្តិ៍ទន្លេបាសាក់ឱ្យចាប់ឃាត់ខ្លួនតែម្តង។
ក្រោយពីឃាត់ខ្លួនបុរសញៀនម្នាក់ខាងលើរួចហើយ ក៏បញ្ជូនមកកសាងសំណុំឯកសារ និង បញ្ជូនទៅកាន់មណ្ឌលកែប្រែ «ឱកាសខ្ញុំ» ធ្វើការបន្សាបថ្នាំនាពេលនេះតែម្តង ដើម្បីឱ្យរូបគេបានជាសះស្បើយពីការញៀនថ្នាំ និងក្លាយជាមនុស្សល្អនៅក្នុងសង្គមឡើងវិញដូចគេឯង៕
ចែករំលែកព័តមាននេះ