ព្រឹទ្ធសមាជិកអាមេរិកម្នាក់ចាត់ទុកមេដឹកនាំកូរ៉េខាងជើងថា ជាមនុស្សឆ្កួតដោយធ្វើអត្ថាធិប្បាយពីការសាកល្បងនុយក្លេអ៊ែរថ្មីៗរបស់កូរ៉េខាងជើង ។ តាមព្រឹទ្ធសមាជិករូបនេះថា លោកដូណាល់ ត្រាំ ដាច់ខាតពុំត្រូវឱ្យក្រុងព្យុងយ៉ាងមានមីស៊ីលបាលីស្ទិកនុយក្លេអ៊ែរ ដែលអាចបាញ់ដល់ដែនដីអាមេរិកឡើយ ។
ពេលមានភាពតានតឹងខ្លាំងរវាងក្រុងព្យុងយ៉ាង និងក្រុងវ៉ាស៊ីនតោន លោក LINDSEY GRAHAM ព្រឹទ្ធសមាជិកអាមេរិកមួយរូបថ្លែងថា ប្រធានាធិបតីអាមេរិកនឹងធ្វើអ្វីគ្រប់បែបយ៉ាង ដើម្បីរារាំងមេដឹកនាំកូរ៉េខាងជើងកុំឱ្យទទួលបានបណ្តាមីស៊ីលបាលីស្ទិកនុយក្លេអ៊ែរ ដែលអាចបាញ់ដល់ដែនដីអាមេរិក ។
លោក GRAHHAM ថ្លែងតាមទូរទស្សន៍ FOX NEWS កាលពីថ្ងៃទី២៥ មេសា ថា លោកប្រធានាធិបតីត្រាំ នឹងពុំទុកឱ្យមនុស្សឆ្កួតកូរ៉េខាងជើងម្នាក់ទទួលបានមីស៊ីលនុយក្លេអ៊ែរដែលអាចវាយប្រហារលើសហរដ្ឋអាមេរិកឡើយ ។ ម្យ៉ាងវិញទៀត លោកគូសបញ្ជាក់ថា នាយសេនាធិការកងទ័ពអាមេរិកពុំចង់ធ្វើសង្គ្រាមខ្លាំងមួយប្រឆាំងលោកគីម ជុងអ៊ុន ឡើយ ក៏ប៉ុន្តែទោះជាបែបនេះក្តី ឥរិយាបថរបស់លោកអាចត្រូវចាប់បង្ខំក្នុងការប្រឆាំងក្រុងព្យុងយ៉ាង ។ លោកអះអាងថា ប្រសិនបើកូរ៉េខាងជើងគិតថា លោកត្រាំ បានត្រឹមតែនិយាយ តែពុំធ្វើនោះពិតជាការយល់ច្រឡំធំហើយ។
លើសពីនេះទៀត លោក GRAHHAM និយាយថា ក្រៅពីជំហររបស់លោកត្រាំ ចំពោះកម្មវិធីនុយក្លេអ៊ែររបស់ក្រុងព្យុងយ៉ាងរយៈពេល២សប្តាហ៍ចុងក្រោយនេះ ប្រទេសចិនក៏បានបញ្ចេញសកម្មភាពច្រើន ដើម្បីប្រឈមមុខនឹងកូរ៉េខាងជើងដែរជារឿងពុំធ្លាប់មានចាប់តាំងពី២៥ឆ្នាំមកហើយ ៕
ចែករំលែកព័តមាននេះ