ដូចជាស្នាមជ្រីវជ្រួញដែរការអស់រដូវនឹងកើតឡើងចំពោះស្ត្រីគ្រប់រូប ប៉ុន្តែវានឹងមានការលំបាកប្រសិនបើអ្នកមានបញ្ហាអស់រដូវនេះនៅវ័យ៣០ ឬ៤០ឆ្នាំ ។ ខណៈពេលដែលអាយុនៃការអស់រដូវនេះភាគច្រើនបានកំណត់ទុកជា
ដូចជាស្នាមជ្រីវជ្រួញដែរការអស់រដូវនឹងកើតឡើងចំពោះស្ត្រីគ្រប់រូប ប៉ុន្តែវានឹងមានការលំបាកប្រសិនបើអ្នកមានបញ្ហាអស់រដូវនេះនៅវ័យ៣០ ឬ៤០ឆ្នាំ ។ ខណៈពេលដែលអាយុនៃការអស់រដូវនេះភាគច្រើនបានកំណត់ទុកជាមុនដោយហ្សែនរបស់អ្នក ខាងក្រោមនេះគឺជាជំហានមួយចំនួនដែលអ្នកគួរអនុវត្តដើម្បីពន្យារពេលនៃការអស់រដូវមុនអាយុ ។
១-បញ្ឈប់ការហាត់ប្រាណខ្លាំងពេក
រឿងដ៏ល្អបំផុតមួយដែលអ្នកអាចធ្វើបានដើម្បីការពារការអស់រដូវមុនអាយុគឺត្រូវធ្វើលំហាត់ប្រាណ ។ ការធ្វើលំហាត់ប្រាណជួយរក្សាអ៊័រម៉ូន និងជាតិខ្លាញ់ក្នុងរាងកាយផងដែរ ។ ទោះជាយ៉ាងណាក្តី ការធ្វើលំហាត់ប្រាណច្រើនហួសហេតុពេកអាចបង្កឱ្យមានការបញ្ចេញអូវុ៉លមិនទៀងទាត់ និងអតុល្យភាពអ៊័រម៉ូន ។
២-ឈប់ជក់បារី
ការជក់បារីគឺជារឿងមួយដែលត្រូវបានគេស្គាល់ថាអាចបណ្តាលឱ្យឆាប់អស់រដូវ ។ បារីមានជាតិនីកូទីន កាបូនម៉ូណូ អុកស៊ីត និងស្យានិតដែលអាចបង្កើនល្បឿននៃអត្រាបាត់បង់ស៊ុតបង្កកំណើត។ ស៊ុតបង្កកំណើតនេះមិនអាចជំនួសបានទេនៅពេលដែលបាត់បង់ ដូច្នេះជាលទ្ធផលអ្នកនឹងឆាប់អស់រដូវ ។
៣-បញ្ឈប់ការប្រើប្រាស់ផលិតផលប្លាស្ទិក
ប្រសិនបើយើងប្រាប់អ្នកថាផលិតផលតុបតែងមុខ សាប៊ូលាងសម្អាតខ្លួន និងដបទឹករបស់អ្នកអាចបង្កឱ្យមានការប្រែប្រួលអ៊័រម៉ូនយ៉ាងធ្ងន់ ? ភ្នាក់ងារបរិស្ថានបង្កឱ្យកើតការរំខានដល់ក្រពេញត្រូវបានគេរកឃើញនៅក្នុងដបប្លាស្ទិក និងឧបករណ៍ប្រើប្រាស់ក្នុងផ្ទះ និងគ្រឿងសម្អាងមួយផ្នែកធំអាចធ្វើឲ្យអ្នកឆាប់អស់រដូវ ។
៤-បញ្ឈប់ការទទួលទានគ្រឿងស្រវឹង
ការទទួលទានគ្រឿងស្រវឹងច្រើនមានការទាក់ទងទៅនឹងការឆាប់អស់រដូវ និងកាត់បន្ថយការមានកូន ។ ដូច្នេះអ្នកត្រូវតែប្រុងប្រយ័ត្នចំពោះភេសជ្ជៈដែលអ្នកកំពុងទទួលទាន ៕
ចែករំលែកព័តមាននេះ