ខេត្តកោះកុង ៖ ប្រជានេសាទជាច្រើនគ្រួសារដែលកំពុងប្រកបរបរនេសាទសមុទ្រ ស្ថិតក្នុងភូមិកោះស្តេច ឃុំកោះស្តេច ស្រុកគីរីសាគរ កំពុងសម្តែងក្តីព្រួយបារម្ភយ៉ាងខ្លាំង ដោយសារតែក្នុងអំឡុងពេល2សប្តាហ៍ចុងក្រោយ បន្ទាប់ពីរដូវចូលឆ្នាំខ្មែររួចហើយនេះ គេសង្កេតឃើញទូកនេសាទវៀតណាមសម្រុកចូលមកធ្វើការនេសាទក្នុងដែនសមុទ្រខ្មែរច្រើនណាស់ ហើយស្ថិតនៅចំណុចក្បែរៗកោះស្តេចនេះតែម្តង។
ប្រជានេសាទទាំងនោះបញ្ជាក់ថា ពេលពួកគាត់ចេញធ្វើនេសាទមិនសូវហ៊ានចេញទៅឆ្ងាយពីកោះ (កោះស្តេច) ប៉ុន្មានទេ ព្រោះទូកនេសាទពួកគាត់តូចៗ និងមិនមានឧបករណ៍នេសាទទំនើបដូចគេ តែពេលចេញទៅមិនឆ្ងាយពីកោះប៉ុន្មាន ក៏ជួបទូកនេសាទវៀតណាមយ៉ាងច្រើនស្អេកស្កះនៅក្នុងសមុទ្រ។ ហើយជារៀងរាល់ថ្ងៃទូកនេសាទវៀតណាមទាំងនោះតែងតែចូលចតនៅក្នុងកោះស្តេចនេះយ៉ាងតិចក៏2-3ម៉ោងក្នុងមួយថ្ងៃ ដើម្បីទិញទឹកកកទុកក្លាស្សេផលនេសាទដែលពួកគេនេសាទបាន។
ប្រជានេសាទបានលើកឡើងទៀតថា នៅលើកោះស្តេចមានសមត្ថកិច្ចជំនាញ3ស្ថាប័នឈរជើងនៅទីនោះ ហើយសុទ្ធតែមានតួនាទីបង្ក្រាបបទល្មើសទាំងនោះ
1- ជំនាញអធិការកិច្ចជលផលសមុទ្រ
2- កងទ័ពជើងទឹក ៖ មាននាវាការពារដែនសមុទ្រប្រភេទប្រដេញមួយគ្រឿង ឈរជើងលើកោះនោះ ដឹកនាំបញ្ជាដោយលោកនាវីត្រី ឯក សំអាន មេបញ្ជាការរងលំហរសមុទ្រ។
3- ស្នាក់ការបង្ក្រាបបទល្មើសលើផ្ទៃសមុទ្រ ៖ មានអូប័រប្រដេញប្រភេទមាស៊ីនភ្លោះ និងកម្លាំងប៉ូលិស ទាហានប្រមាណ20នាក់ ។
ចែករំលែកព័តមាននេះ