គូស្នេហ៍ឱបថើបគ្នានៅកណ្ដាលផ្លូវ ស្រាប់តែរថយន្តមកយ៉ាងលឿន
សារព័ត៌មាន China កាលពីពេលថ្មីៗកន្លងមកផ្សាយថា គូស្នេហ៍ជនជាតិចិនមួយគូដែលឱបថើបគ្នានៅកណ្ដាលផ្លូវក្នុងក្រុងហ៊ឺចឺ ខេត្ដសានទុងភាគខាងកើតប្រទេសចិន ត្រូវរថយន្ដបុក
សារព័ត៌មាន China កាលពីពេលថ្មីៗកន្លងមកផ្សាយថា គូស្នេហ៍ជនជាតិចិនមួយគូដែលឱបថើបគ្នានៅកណ្ដាលផ្លូវក្នុងក្រុងហ៊ឺចឺ ខេត្ដសានទុងភាគខាងកើតប្រទេសចិន ត្រូវរថយន្ដបុកស្លាប់បាត់បង់ជីវិតកាលពីថ្ងៃទី២១ ខែមេសា ឆ្នាំ២០១៧ ។
ហេតុការណ៍ដែលកើតឡើងថតដោយម៉ាស៊ីនថតសុវត្ថិភាព បង្ហាញឱ្យឃើញគូស្នេហ៍ទាំង២នាក់ ផ្លោះរបងដើរចូលទៅលើដងផ្លូវនាវេលាពាក់កណ្ដាលយប់ ហើយឱបថើបគ្នា ខណៈនោះមានរថយន្ដបើកបរខ្វែងខ្វាត់ ។ ពេលនោះរថយន្ដពណ៌ខ្មៅមួយគ្រឿងជ្រុលទៅបុកអ្នកទាំង២ពេញទំហឹង ហើយបន្ដទៅបុកតាក់ស៊ីមួយគ្រឿងទៀតនៅក្បែរនោះ ។
អ្នកបើកបររថយន្ដបង្កហេតុឈ្មោះហ្សាង នៅពេលដឹងថាខ្លួនមានកំហុសក៏ចូលខ្លួនសារភាពប្រាប់ប៉ូលិស ។ តាមការត្រួតពិនិត្យឃើញថា គេមានអាការស្រវឹង ដូច្នេះហើយការចោទប្រកាន់ថា បើកបរដោយប្រមាថ ។ ចំណែកគូស្នេហ៍ម្នាក់ស្លាប់និងរបួសធ្ងន់ម្នាក់ ហើយស្លាប់ពេលបញ្ជូនទៅមន្ទីរពេទ្យ ៕
ចែករំលែកព័តមាននេះ