អាជីវករផ្ទុះការតវ៉ាចំពោះការដោះស្រាយតូប ខណៈអាជ្ញាធរប្រុងលេងបិទពួន
ខេត្តស្ទឹងត្រែង ៖ អាជីវករផ្សារសាមគ្គីស្ទឹងត្រែង បានត្រេកអរក្រោយជម្រកសេដ្ឋកិច្ចបានដំណើរការក្រោមដំបូល និងតូបថ្មីបន្ទាប់សាងសង់រួច
ខេត្តស្ទឹងត្រែង ៖ អាជីវករផ្សារសាមគ្គីស្ទឹងត្រែង បានត្រេកអរក្រោយជម្រកសេដ្ឋកិច្ចបានដំណើរការក្រោមដំបូល និងតូបថ្មីបន្ទាប់សាងសង់រួច
ខេត្តស្ទឹងត្រែង ៖ អាជីវករផ្សារសាមគ្គីស្ទឹងត្រែង បានត្រេកអរក្រោយជម្រកសេដ្ឋកិច្ចបានដំណើរការក្រោមដំបូល និងតូបថ្មីបន្ទាប់សាងសង់រួច ក្នុងនោះអាជីវករដែលមានតូបស្រាប់បានចូលលក់ដូរសមប្រកបអាជីវករធ្លាប់អត់តូបក៏ត្រូវបានតូបលក់ដូចគេឯង និងអាជីវករមួយចំនួនបាត់ទំហំ និងបាត់តូបក៏ផ្តើមតវ៉ា គ្រាដែលគណៈកម្មការដោះស្រាយរបៀបលេងបិទពួន។ ក្រុមអាជីករមួយចំនួនបានសម្រេចចិត្តសុំឲ្យសារព័ត៌មានគាស់កកាយរឿងពិតក្រោយការដោះស្រាយរបស់គណៈកម្មការខេត្តដោយគ្រាដំបូងឯកភាពតាមការស្នើរបស់អាជីវករ បើទោះបីអាជីវករយល់ស្របសម្បទានទំហំខ្លះទៅឲ្យគណៈកម្មការក្តី តែអាជ្ញាធរមិនបានគោរពទៅតាមសន្យារបស់ខ្លួនឡើយ ដែលជាហេតុអាជីវករចោទថា គណៈកម្មការលេងបិទពួនលេបសន្យា។
អាជីវករឈ្មោះ អែល ទីរៀម និងប្តីឈ្មោះ ចាន់ ពិសិដ្ឋ បាននិយាយទាំងសោកស្តាយថា ទំហំតូបរបស់គាត់មានទំហំ៣១,៣៥ម៉ែត្រការ៉េ ស្មើរ៧តូប បច្ចុប្បន្នត្រូវបានលោក ម៉ុម សារឿន អភិបាលខេត្តសម្រេចប្រគល់ជូន៦តូបស្មើរ២៤ការ៉េ ក្រោយមកលោក ម៉ែន គង់ នាយករងរដ្ឋបាលសាលាខេត្ត និងជាអ្នកនាំពាក្យសាលាខេត្តបានខ្សឹបដាក់ត្រចៀកលោកអភិបាលខេត្តក៏សម្រេចដក២តូបចេញទៀត ដោយប្រគល់ឲ្យត្រឹម៤តូប ស្មើ១៦ការ៉េនៃទំហំតូបបច្ចុប្បន្ន។ អាជីវកររូបនេះប្រាប់ថា គាត់បានធ្លាក់ទឹកចិត្តភ្លាមៗក្រោយការសម្រេចចិត្តខ្សឹបដាក់ត្រចៀកស្របបញ្ហាកំពុងដោះស្រាយ។
លោកបន្តថា តើឲ្យគាត់ទទួលយកយ៉ាងម៉េចបាន បើទំហំផ្ទៃតូបរបស់គាត់ជិតស្មើ៨តូប សម្រេចប្រគល់ឲ្យគាត់៦តូប គាត់មិនជំទាស់ទៅហើយ ក្រោយមកដកទំហំដកតូបថែម២ទៅវិញទៀត តើការដោះស្រាយនេះជាវិធីល្អសម្រាប់គណៈកម្មការខេត្តលើអាជីវករដែរទេ ពេលគេមិនជំទាស់ឳនក្បាលហើយយកជើងជាន់ក្បាលពន្លិចថែមទៀត។ លោក ចាន់ ពិសិដ្ឋ និងប្រពន្ធ អែល ទីរៀម បានសម្រេចចិត្តជាចុងក្រោយដោយបានស្នើឲ្យគណៈកម្មការធ្វើការដោះស្រាយបន្តជូនពួកគាត់ដែលអាចធ្វើទៅបាន ព្រោះតូបនៅមានចន្លោះសេសសល់ ដោយគ្រាន់ចង់បានតែមួយតូបទៀតប៉ុណ្ណោះ នៅជាប់តូបហ៊ាយូ ជិតតូបតាធៀមលក់មងហើយការស្នើនេះលោកសុខចិត្តបាត់បង់តូបមួយចោល ដើម្បីកាត់បន្ថយបញ្ហាស្មុគស្មាញរបស់គណៈកម្មការខេត្ត។
លោកបានទទូចថា ការលះបង់របស់លោកច្រើនពេកហើយ ដូច្នេះគណៈកម្មការគួរយោគយល់។ មានការសង្កេតឃើញថា កន្លងមកក្រុមអាជីវករផ្ទុះការតវ៉ា ហើយតវ៉ាទៀត បញ្ហារឿងដំណោះស្រាយតូបផ្សារជូនពួកគាត់លុះដំណើរដោះស្រាយនោះធ្វើឡើងជាលក្ខណៈបិទបាំងដោយគៀងចូលបន្ទប់ដោះស្រាយម្តងម្នាក់ៗ បណ្តាក់ដូចខ្យងអ្នកបានគឺបានអ្នកទន់ជ្រាយស្មើសូន្យ ហើយអាជីវករដែលគេស្គាល់ច្បាស់មានតែរានដាក់លក់ផ្ទាល់ដីគ្មានតូបសោះនោះ គណៈកម្មការជួយដោះស្រាយឲ្យបានតូបលក់ ចំណែកអ្នកមានតូចរងគ្រោះខាតបង់ព្រទ្យសម្បត្តិត្រូវកាត់បន្ថយទំហំផ្ទៃតូប និងបាត់តូបថែមទៀត។
ក្រោយផ្សារសាងសង់រួចរាប់សិបតូបមិនបានបើកដំណើការលក់ដូនោះទេ ហើយក៏មិនទាន់ដឹងថា តូបទាំងនោះសុទ្ធសឹងមានម្ចាស់ពីដើមនោះដែរ។ ទោះបីយ៉ាងណាភ្នាក់ងារសារព័ត៌មានកោះសន្តិភាព ព្យាយាមទាក់ទងរកការបំភ្លឺពីអ្នកនាំពាក្យតែមិនអាចធ្វើទំនាក់បានទេរយៈពេលពីរថ្ងៃកន្លងមកនេះ ដោយសារមន្ត្រីទទួលបន្ទុកនាំពាក្យសាលាខេត្តលោក ម៉ែន គង់ ជាប់រវល់ប្រជុំផ្ទួនៗក្នុងកំឡុងពីរថ្ងៃនេះ ស្របពេលដែលលោកអភិបាលខេត្តស្ទឹងត្រែងជាប់ភារកិច្ចទៅប្រទេសវៀតណាម៕
ចែករំលែកព័តមាននេះ