ខេត្តបន្ទាយមានជ័យ ៖ ទំនាស់ដីធ្លីរវាងម្ចាស់ភោជនីយដ្ឋានស្ទឹងសែន និងមន្ត្រីនគរបាលចូលនិវត្តន៍១៧ឆ្នាំ ហើយដោះស្រាយមិនចេញ ប្តឹងដល់តុលាការកំពូលទីតាំងដីទំនាស់ជាប់ទំនប់បារ៉ែត ស្ថិតភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ។
ឈ្មោះ ម៉ៃ សែ (ម្ចាស់ភោជនីយដ្ឋានស្ទឹងសែន) បានប្រាប់ថា ទំនាស់ដីធ្លីជាកម្មសិទ្ធិដែលមានទំហំ២.៤០០ម៉ែត្រការ៉េ នៅខាងកើតជាប់ព្រំប្រទល់ទំនប់បារ៉ែត ស្ថិតភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ហើយមានទំនាស់រយៈពេល១៧ឆ្នាំមកហើយ រហូតដល់ពេលនេះមិនទាន់ដោះស្រាយចេញនៅឡើយទេ។
ម្ចាស់ភោជនីយដ្ឋានបានបញ្ជាក់ថា នៅពេលដែលមានទំនាស់ដីធ្លីរវាងគាត់ជាមួយឈ្មោះ ជូរ ផារិន ជាមន្ត្រីនគរបាលចូលនិវត្តន៍ខេត្តបន្ទាយមានជ័យ គឺដំបូងសាលាដំបូងខេត្តបន្ទាយមានជ័យកាត់ក្តីឱ្យលោកឈ្នះឈ្មោះ ជូរ ផារិន ។ ក្រោយពេលគាត់ឈ្នះក្តីសាលាដំបូងខេត្តបន្ទាយមានជ័យ ឈ្មោះ ជូរ ផារិន បានប្តឹងទៅសាលាឧទ្ធរណ៍ទៀត ក៏កាត់ក្តីឱ្យគាត់ចាញ់វិញម្តង ។ ដោយឃើញថា ទទួលភាពអយុត្តិធម៌គាត់ក៏ប្តឹងបន្តទៅតុលាការកំពូលឱ្យជួយរកយុត្តិធម៌តែម្តង ។
ម្ចាស់ភោជន៍យដ្ឋានខាងលើបន្តទៀតថា គាត់បានសំណូមពរសុំឱ្យតុលាការកំពូលកាត់ក្តីដោយភាពយុត្តិធម៌ផង ព្រោះដីទំនាស់នោះគឺជាដីកម្មសិទ្ធិរបស់គាត់ដែលរាល់ថ្ងៃឈ្មោះ ជូរ ផារិន អាងអំណាចជាមន្ត្រីនគរបាលរំលោភយកដីរបស់ប្រជាពលរដ្ឋស្លូតត្រង់ដោយភាពអយុត្តិធម៌បំផុត។
ចែករំលែកព័តមាននេះ