នីហ្សេរីយ៉ា ៖ ដំបូង អ្នកគាំទ្រក្រុមបាល់ទាត់លំដាប់ពិភពលោក Manchester United ៧នាក់ ត្រូវបានខ្សែភ្លើងឆក់ស្លា.ប់ភ្លាមៗ ពេលកំពុងទស្សនាការប្រកួតផ្ទាល់ តាមកញ្ចក់ទូរទស្សន៍ ។ ប៉ុន្តែគេមានការព្រួយបារម្ភថា ចំនួនអ្នកស្លា.ប់មានការកើនឡើង ព្រោះមនុស្សសរុបនៅក្នុងផ្ទះកើតហេតុ មានដល់ទៅ៨០នាក់ ដែលពួកគេកំពុងទស្សនាការផ្សាយផ្ទាល់ការប្រកួតបាល់ទាត់រវាងក្រុម
នីហ្សេរីយ៉ា ៖ ដំបូង អ្នកគាំទ្រក្រុមបាល់ទាត់លំដាប់ពិភពលោក Manchester United ៧នាក់ ត្រូវបានខ្សែភ្លើងឆក់ស្លាប់ភ្លាមៗ ពេលកំពុងទស្សនាការប្រកួតផ្ទាល់ តាមកញ្ចក់ទូរទស្សន៍ ។ ប៉ុន្តែគេមានការព្រួយបារម្ភថា ចំនួនអ្នកស្លាប់មានការកើនឡើង ព្រោះមនុស្សសរុបនៅក្នុងផ្ទះកើតហេតុ មានដល់ទៅ៨០នាក់ ដែលពួកគេកំពុងទស្សនាការផ្សាយផ្ទាល់ការប្រកួតបាល់ទាត់រវាងក្រុម Manchester និង ក្រុម Anderlecht នៅថ្ងៃព្រហស្បតិ៍្ត។
យោងតាមអ្នកស្រី Irene Ugbo ដែលជាអ្នកនាំពាក្យប៉ូលីសរដ្ឋ Cross River បានឲ្យដឹងថា មានមនុស្ស១០នាក់ទៀតរងរបួសធ្ងន់ ក្នុងករណីធ្លាក់ខ្សែភ្លើងទើរលើផ្ទះ ដែលពួកគេនិងអ្នកស្លាប់៧នាក់កំពុងទស្សនាការផ្សាយផ្ទាល់ ដែលហេតុការណ៍នេះបានកើតឡើងក្នុងទីក្រុង Calabar ភាគខាងត្បូងនៃប្រទេសនីហ្សេរីយ៉ា។
ជាមួយគ្នានេះដែរ ខាងក្លឹបបាល់ទាត់ Manchester ក៏បានសរសេរសារបង្ហោះក្នុង Twitter ថា «អារម្មណ៍របស់ពួកយើង គឺនៅជាមួយនឹងអ្នកគាំទ្រ Manchester ទាំងអស់គ្នា ។ មិត្តភក្តិ និងគ្រួសាររបស់ពួកគេ ដែលបានស្លាប់និងរបួស ក្នុងហេតុការណ៍ដ៏សោកសង្រែងក្នុងទីក្រុង Calabar ប្រទេសនីហ្សេរីយ៉ា» ។
ប្រធានាធិបតីប្រទេសនីហ្សេរីយ៉ា Muhammadu Bahari ក៏បានថ្លែងសេចក្តីចូលរួមរំលែកទុក្ខផងដែរថា «វាជារឿងមួយដ៏សែនក្តុកក្តួលក្នុងបេះដូង ដែលជីវិតបុរសវ័យក្មេងជាច្រើននាក់ បានបាត់បង់ដោយសារការឆក់ខ្សែភ្លើងបែបនេះ» ។ ប៉ូលិសបានប្រាប់ឲ្យដឹងថា ផ្ទះកើតហេតុខាងលើ គឺជាកន្លែងដែលមនុស្សម្នាចូលមកមើលបាល់ទាត់ជុំគ្នា ។
ចែករំលែកព័តមាននេះ