រាជធានីភ្នំពេញ ៖ ការប្រកួតបាល់ទាត់ដណ្ដើមពានរង្វាន់ខ្មែររៀលអុីស្ទេតលីគឆ្នាំ២០១៧ កាលពីថ្ងៃសៅរ៍និងអាទិត្យទី២២និង២៣ មេសា នៅលើទីលានដំរីស បានឈានចូលដល់សប្តាហ៍ទី៥ហើយ ។
រាជធានីភ្នំពេញ ៖ ការប្រកួតបាល់ទាត់ដណ្ដើមពានរង្វាន់ខ្មែររៀលអុីស្ទេតលីគឆ្នាំ២០១៧ កាលពីថ្ងៃសៅរ៍និងអាទិត្យទី២២និង២៣ មេសា នៅលើទីលានដំរីស បានឈានចូលដល់សប្តាហ៍ទី៥ហើយ ។
សម្រាប់ការប្រកួតនៅថ្ងៃសៅរ៍កន្លងមកនេះមានទាំងអស់២ប្រកួត ជាលទ្ធផលក្រុម Good Hill បានយកឈ្នះក្រុម Whiter Tiger ៥-២ មុនពេលក្រុមBassakលត់ក្រុមGiant FC ២-០ ។សម្រាប់ការប្រកួតនៅថ្ងៃអាទិត្យមានទាំងអស់៦ប្រកួតគឺពេលព្រឹកមាន២ប្រកួត ជាលទ្ធផលក្រុមV.Trainបានយកឈ្នះក្រុមកូនខ្មែរ៣-២ និងមួយប្រកួតទៀតក្រុមAnvayaបានចាញ់ក្រុមកំពង់ចាម២-៥ ។ រីឯពេលល្ងាចមាន៤ប្រកួត ជាលទ្ធផលក្រុមBayonបានយកឈ្នះលើក្រុមHavas ៨-២, ក្រុមខ្មែរយូណាយធីតឈ្នះក្រុម Narita ៣-១ ។ ចំណែកក្រុមនិស្ស័យដែលកំពុងតែឈរនៅកំពូលតារាងជាបណ្ដោះអាសន្ននោះបានភ្លាត់ស្នៀតចាញ់ក្រុមHHK២-៣ និងមួយប្រកួតទៀតក្រុមBlue DragonFCបានយកឈ្នះក្រុមAvata២-១ ។
សម្រាប់ការប្រកួតនៅក្នុងសប្ដាហ៍ទី៥នេះក្រុមខ្មែរយូណាយធីតមានឱកាសបានឡើងមកឈរនៅកំពូលតារាងជាបណ្ដោះអាសន្តដោយការប្រកួតទាំង៥លើកមកនេះឈ្នះ៤ប្រកួតស្មើ១ប្រកួតមាន១៣ពិន្ទុ ។ ចំពោះជោគវាសនារបស់ក្រុមខ្មែរយូណាយធីត ពេលនេះកើតឡើងដោយសារតែក្រុមBlue Dragonបានយកឈ្នះក្រុមលេខ២Avataហើយក្រុមHHKក៏បានយកឈ្នះក្រុមលេខ១និស្ស័យ ៕
ចែករំលែកព័តមាននេះ