កូរ៉េខាងជើងបន្តចាប់ជនជាតិអាមេរិកទុក
កូរ៉េខាងជើង ៖ តាមប្រភព Metro ឱ្យដឹងថា ប្រទេសកូរ៉េខាងជើងបានបន្តចាប់ខ្លួនជនជាតិអាមេរិកទុក នៅពេលពួកគេព្យាយាមធ្វើចំណាកស្រុក ។
កូរ៉េខាងជើង ៖ តាមប្រភព Metro ឱ្យដឹងថា ប្រទេសកូរ៉េខាងជើងបានបន្តចាប់ខ្លួនជនជាតិអាមេរិកទុក នៅពេលពួកគេព្យាយាមធ្វើចំណាកស្រុក ។
កូរ៉េខាងជើង ៖ ប្រភព Metro ឱ្យដឹងថា ប្រទេសកូរ៉េខាងជើងបានបន្តចាប់ខ្លួនជនជាតិអាមេរិកទុក ខណៈពួកគេព្យាយាមធ្វើចំណាកស្រុក លោកសាស្ត្រាចារ្យ Tony Kim ដែលមានសញ្ជាតិអាមេរិក-កូរ៉េ បានចំណាយពេលមួយខែ មកបង្រៀននៅសាកលវិទ្យាល័យវិទ្យាសាស្ត្រ និងបច្ចេកវិទ្យាព្យុងយ៉ាង (PUST) ខាងផ្នែកគណនេយ្យ ។ នេះជាការបង្ហើបប្រាប់របស់អធិការបតីសាកលវិទ្យាល័យ លោក Chan-Mo Park។
លោក Chan បានប្រាប់បន្តថា លោក Kim អាយុ៥០ឆ្នាំប្លាយ ឈ្មោះកូរ៉េថា Kim Sang-duk ត្រូវបានចាប់ខ្លួនដោយមន្ត្រីកូរ៉េខាងជើង នៅព្រលានយន្តហោះអន្តរជាតិព្យុងយ៉ាង នៅពេលលោកត្រៀមនឹងចាកចេញពីប្រទេស ។ លោក Chan ថា មូលហេតុនៃការចាប់ខ្លួន មិនទាន់ត្រូវបានគេដឹងច្បាស់នៅឡើយទេ។ តែបុគ្គលិកក្នុងសាកលវិទ្យាល័យបានប្រាប់ខ្ញុំថា ការចាប់ខ្លួនរបស់លោក Kim មិនមានការពាក់ព័ន្ធជាមួយនឹងសាកលវិទ្យាល័យឡើយ ។ លោកបានចូលរួមក្នុងសកម្មភាពជួយកុមារកំព្រាជាច្រើនពីមុន
មក ។ ខ្ញុំគ្រាន់តែបន់ឱ្យគាត់ឆាប់ ត្រូវបានគេដោះលែង។
កាលពីមុនមក កូរ៉េខាងជើងក៏បានចាប់ខ្លូនជនជាតិអាមេរិក២នាក់រួចមកហើយ។ មួយគឺជានិស្សិតអាយុ២២ឆ្នាំ Otto Warmbier ដែលត្រូវចាប់ខ្លួននៅខែមករាឆ្នាំមុន ហើយដាក់ទោសឲ្យធ្វើការធ្ងន់រយៈពេល១៥ឆ្នាំ ដោយចោទប្រកាន់ថាមានបំណង់លួចបដាឃោសនា។ មួយទៀត គឺអ្នកផ្សព្វផ្សាយសាសនាវ័យ៦២ឆ្នាំ Kim Dong Chul ដែលត្រូវបានចាប់ខ្លួននៅខែមិនាឆ្នាំមុន ហើយដាក់ទោសឲ្យធ្វើការធ្ងន់១០ឆ្នាំ។ តាំងពីពេលនោះរហូតមកដល់សព្វថ្ងៃ គេមិនដែលបានឃើញបុរសពីរនាក់ខាងលើនៅទីសាធារណៈឡើយ ។
ចែករំលែកព័តមាននេះ