ពីឆ្នាំ1979ប្រជាជនកម្ពុជាក្រីក្រ100%តែបច្ចុប្បន្ននេះនៅសល់តែ13%
ខេត្ដពោធិ៍សាត ៖ លោក ស៊ុយ សែម រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងារថ្នាក់កណ្ដាលចុះជួយខេត្តពោធិ៍សាត់ មានប្រសាសន៍ថា
ខេត្ដពោធិ៍សាត ៖ លោក ស៊ុយ សែម រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងារថ្នាក់កណ្ដាលចុះជួយខេត្តពោធិ៍សាត់ មានប្រសាសន៍ថា
ខេត្ដពោធិ៍សាត ៖ លោក ស៊ុយ សែម រដ្ឋមន្ត្រីក្រសួងរ៉ែនិងថាមពល និងជាប្រធានក្រុមការងារថ្នាក់កណ្ដាលចុះជួយខេត្តពោធិ៍សាត់ មានប្រសាសន៍ថា ពីឆ្នាំ១៩៧៩ប្រជាជនកម្ពុជាក្រីក្រ១០០% ប៉ុន្តែមកដល់ឆ្នាំ២០១៧នេះបន្ទាត់នៃភាពក្រីក្រនៅសល់តែ១៣%ប៉ុណ្ណោះ ។
លោករដ្ឋមន្ត្រីមានប្រសាសន៍បែបនេះ ខណៈជួបសំណេះសំណាលជាមួយសមាជិកសមាជិកាគណបក្សប្រជាជនកម្ពុជា នៅឃុំមេទឹក ស្រុកបាកាន កាលពីថ្ងៃទី២៣ ខែមេសា ។ លោកមានប្រសាសន៍ទៀតថា ឆ្នាំ១៩៧៩ យើងទើបតែរួចផុតពីរបបប៉ុល ពត ដែលអ្វីៗត្រូវរលាយខ្ទេចខ្ទីគ្មានសល់ ហើយបានចាប់ផ្ដើមកសាងប្រទេសពីចំណុចសូន្យសុទ្ធសាធ រីឯប្រជាជនក៏បាតដៃទទេទាំងអស់គ្នាដែរ ។ មកដល់ពេលនេះប្រទេសជាតិមានការរីកចម្រើនលើគ្រប់វិស័យហើយប្រជាពលរដ្ឋ៨៧% មានជីវភាពធូរធារនិងការហូបចុកគ្រប់គ្រាន់ ។
លោករដ្ឋមន្ត្រី ស៊ុយ សែម មានប្រសាសន៍ថា ការជ្រើសរើសថ្នាក់ដឹកនាំបើជ្រើសរើសខុសនឹងធ្វើឲ្យប្រទេសជាតិវិលទៅរករបបប៉ុល ពតសាជាថ្មីមិនខាន ហើយប្រជាពលរដ្ឋក៏គ្មានសេចក្ដីសុខដែរ ។ ពេលនោះនឹងបានជួបត្បូងចប គល់ឫស្សី ចំពុះទុង ធាងត្នោត បង្ខំឲ្យធ្វើការបាក់កម្លាំង បង្អត់អាហារ និងធ្វើទារុណកម្មយ៉ាងព្រៃផ្សៃបំផុតរាប់ទាំងព្រះសង្ឃផងដែរ ។
សព្វថ្ងៃនេះ ក្រោមការដឹកនាំរបស់រាជរដ្ឋាភិបាលដែលមានសម្ដេចតេជោ ហ៊ុន សែន ជានាយករដ្ឋមន្ត្រី ប្រទេសជាតិមានសុខសន្តិភាពយ៉ាងពេញលេញ មានការអភិវឌ្ឍលើគ្រប់វិស័យ និងប្រជាពលរដ្ឋមានសិទ្ធិសេរីភាពគ្រប់បែបយ៉ាង ប៉ុន្តែស្ថិតនៅក្រោមច្បាប់ទាំងអស់គ្នា ។
ជាមួយគ្នានេះ យើងមានស្ថិរភាពនយោបាយ សន្តិសុខសណ្ដាប់ធ្នាប់ល្អប្រសើរ ការពារទឹកដីបានគង់វង្ស និងបានរៀបចំបោះបង្គោលព្រំដែនជាមួយប្រទេសជិតខាងជិតរួចរាល់ហើយដែរ។ ស្ពានធំៗឆ្លងកាត់ទន្លេ និងផ្លូវកៅស៊ូ បានតភ្ជាប់ពីរាជធានីភ្នំពេញទៅតាមបណ្ដាខេត្តនានា ពីខេត្តមួយទៅខេត្តមួយ និងតាមខ្សែក្រវាត់ព្រំដែនបង្កលក្ខណៈងាយស្រួលដល់ការធ្វើដំណើររបស់ប្រជាពលរដ្ឋ ដោយចំណាយថវិកាតិច ចំណេញពេលវេលា និងឈានទៅកាត់បន្ថយភាពក្រីក្រពីមួយឆ្នាំទៅមួយឆ្នាំ ។
ទាំងអស់នេះ ដោយសារប្រទេសមានសន្តិភាព បើគ្មានសន្តិភាពទេមិនអាចធ្វើអ្វីកើតនោះទេ ។ ដូច្នេះ យើងត្រូវថែរក្សាសន្តិភាពនេះឲ្យបានជារៀងរហូត តាមរយៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ និងរដ្ឋសភាជាតិនាពេលខាងមុខនេះ ។
លោករដ្ឋមន្ត្រី សូមឲ្យប្រជាពលរដ្ឋគិតពិចារណាឡើងវិញ មុននឹងគូសសន្លឹកឆ្នោតថា តើគណបក្សណាដែលផ្ដល់ផលប្រយោជន៍ដល់បងប្អូនគណបក្សណាដែលខិតខំកសាងប្រទេសពីបាតដៃទទេរហូតមានការរីកចម្រើនបែបនេះ ចៀសវាងជឿពាក្យសម្ដីឃោសនាបោកប្រាស់របស់គណបក្សមួយចំនួនដែលមិនធ្វើអ្វីសោះនោះ ។
ក្នុងឱកាសនោះ លោករដ្ឋមន្ត្រី ស៊ុយ សែម បានផ្ដល់ទឹកប្រាក់ចំនួន១០លាន៥០ម៉ឺនរៀលសម្រាប់ជុសជុលផ្លូវក្រួសក្រហាម និងធ្វើលូនៅក្នុងភូមិតាមុម ភូមិចិនតាយ ភូមិមេទឹក និងភូមិទួលលាប ឃុំមេទឹក ផងដែរ ៕
ចែករំលែកព័តមាននេះ