គណបក្សសង្គ្រោះជាតិធ្វើសមាជវិសាមញ្ញជាថ្មី រើសអនុប្រធានគណបក្សឡើងវិញនៅថ្ងៃនេះ
រាជធានីភ្នំពេញ ៖ គណបក្សសង្គ្រោះជាតិ បានកំណត់យកថ្ងៃទី២៥ ខែមេសា ដើម្បីធ្វើសមាជវិសាមញ្ញជ្រើសរើសអនុប្រធានថ្មី បន្ទាប់ពីក្រសួងមហាផ្ទៃមិនទទួលស្គាល់
រាជធានីភ្នំពេញ ៖ គណបក្សសង្គ្រោះជាតិ បានកំណត់យកថ្ងៃទី២៥ ខែមេសា ដើម្បីធ្វើសមាជវិសាមញ្ញជ្រើសរើសអនុប្រធានថ្មី បន្ទាប់ពីក្រសួងមហាផ្ទៃមិនទទួលស្គាល់
រាជធានីភ្នំពេញ ៖ គណបក្សសង្គ្រោះជាតិ បានកំណត់យកថ្ងៃទី២៥ ខែមេសា ដើម្បីធ្វើសមាជវិសាមញ្ញជ្រើសរើសអនុប្រធានថ្មី បន្ទាប់ពីក្រសួងមហាផ្ទៃមិនទទួលស្គាល់សមាជលើកមុនដែលបានជ្រើសរើសប្រធាន១រូប និងអនុប្រធាន៣រូប ក្រោយពីលោក សម រង្ស៊ី ប្រកាសលាលែងពីប្រធានគណបក្ស ។
យោងតាមលិខិតមួយ ដែលគណបក្សសង្គ្រោះជាតិដាក់ទៅសាលារាជធានីភ្នំពេញបានបញ្ជាក់ថា «គណបក្សសង្គ្រោះជាតិធ្វើសមាជវិសាមញ្ញបក្សនៅថ្ងៃទី២៥ខែមេសា ឆ្នាំ២០១៧ នៅស្នាក់ការគណបក្ស ស្ថិតក្នុងសង្កាត់ចាក់អង្រែលើ ខណ្ឌមានជ័យ ដោយមានសមាជិកសមាជិកាចូលរួមប្រមាណ១.០០០នាក់»។
ថ្លែងកាលពី២ថ្ងៃមុនថ្ងៃធ្វើសមាជ លោក កឹម សុខា ប្រធានគណបក្សសង្គ្រោះជាតិ បានអំពាវនាវដល់ប្រជាពលរដ្ឋដែលមានឈ្មោះក្នុងបញ្ជីបោះឆ្នោត អញ្ជើញទៅបោះឆ្នោតឲ្យបានគ្រប់ៗគ្នា។
នៅក្នុងវេទិកាសំណេះសំណាលជាមួយសកម្មជន និងអ្នកគាំទ្រគណបក្សសង្គ្រោះជាតិនៅស្រុកជុំគិរី ខេត្តកំពត កាលពីថ្ងៃទី២៣ ខែមេសា លោក កឹម សុខា ថ្លែងថា «ការបោះឆ្នោតនាំមកនូវសេចក្ដីសង្ឃឹម»។ លោកបញ្ជក់ថា«ការបោះឆ្នោត»មានសារៈសំខាន់ខ្លាំងណាស់ ព្រោះការបោះឆ្នោតគឺជាការផ្តល់ឱកាសឲ្យប្រជាពលរដ្ឋ អាចធ្វើសេចក្តីសម្រេចចិត្តក្នុងការជ្រើសរើស ឬផ្លាស់ប្តូរអ្នកដឹកនាំបានដោយសន្តិវិធី និងបញ្ចៀសសង្គ្រាម ។ ជំរុញឲ្យអ្នកនយោបាយ ខិតខំប្រកួតប្រជែងគ្នាធ្វើអំពើល្អដែលជាប្រយោជន៍ជាតិប្រយោជន៍ប្រជាពលរដ្ឋខ្លួន»។
លោក កឹម សុខា បានលើកឡើងថា ការបោះឆ្នោតក៏ជាការពង្រឹងនូវប្រព័ន្ធដឹកនាំបែបប្រជាធិបតេយ្យ ដើម្បីទប់ស្កាត់នូវអំណាចផ្ដាច់ការ ។ ប៉ុន្ដែ យើងត្រូវរៀបចំការបោះឆ្នោតនោះឲ្យមានលក្ខណៈសេរី ត្រឹមត្រូវ និងយុត្ដិធម៌។ដូច្នេះ ខ្ញុំសូមអំពាវនាវដល់ប្រជាពលរដ្ឋខ្មែរទាំងអស់ មេត្ដាចូលរួម«ការបោះឆ្នោត» នាពេលខាងមុខនេះតាមឆន្ទៈរៀងៗខ្លួន ដើម្បីសម្រេចនូវជោគវាសនាអនាគតរបស់ខ្លួនយើង និងភូមិ-ឃុំរបស់យើង។
ជាមួយគ្នានេះ លោក កឹម សុខា ក៏បានលើកឡើងថា គណបក្សសង្គ្រោះជាតិ ប្រកាន់ខ្ជាប់នូវគោលការណ៍ ដោះស្រាយបញ្ហាដោយអហិង្សា តាមយន្តការប្រជាធិបតេយ្យ អាស្រ័យឆន្ទៈរបស់ពលរដ្ឋខ្មែរ(គ្មានសង្គ្រាម) ។ ប្រកួតប្រជែងគ្នា នូវគោលនយោបាយ ដើម្បីដឹកនាំប្រទេសឲ្យមានការផ្លាស់ប្តូរជាវិជ្ជមានតាមរយៈការបោះឆ្នោតដោយសេរី ត្រឹមត្រូវ និងយុត្តិធម៌(គ្មានសង្គ្រាម)។
គណបក្សសង្គ្រោះជាតិឈ្នះ ខ្មែរទាំងអស់គ្នាជាអ្នកឈ្នះ ខ្មែរតែមួយ មិនគុំកួនសងសឹកគ្នា មិនយកខ្មែរណាធ្វើជាសត្រូវ(គ្មានសង្គ្រាម)។
សូមជម្រាបថា ក្រសួងមហាផ្ទៃកាលពីពេលកន្លងមក បានប្រកាសទទួលស្គាល់លោក កឹម សុខា ជាប្រធានគណបក្សសង្គ្រោះជាតិ ។ រីឯអនុប្រធានទាំង៣រូប ដែលគណបក្សជ្រើសរើសក្នុងសមាជវិសាមញ្ញកាលពីថ្ងៃទី២ ខែមីនា ឆ្នាំ២០១៧ មានលោក ប៉ុល ហំម លោក អេង ឆៃអ៊ាង និងលោកស្រី មូរ សុខហួរ មិនត្រូវបានក្រសួងមហាផ្ទៃទទួលស្គាល់ទេ ដោយអះអាងការជ្រើសរើសខុសលក្ខន្តិកៈគណបក្សត្រង់ប្រការ៤៧ថ្មី ។
ទាក់ទងនឹងការធ្វើសមាជដើម្បីជ្រើសរើសអនុប្រធានថ្មីនេះ កោះសន្តិភាពមិនទាន់ទងអ្នកនាំគណបក្សសង្គ្រោះជាតិលោក យ៉ែម បុញ្ញឫទ្ធិ ដើម្បីសាកសួរបន្ថែមបានទេ ដោយសារទូរស័ព្ទចូលគ្មានអ្នកទទួល ៕
ចែករំលែកព័តមាននេះ