តើធ្លាប់ឬទេ ពេលយើងកំណត់គោលដៅនឹងធ្វើអ្វីម្យ៉ាងហើយ ប៉ុន្តែចុងក្រោយក៏បរាជ័យធ្វើមិនបានទៅវិញ ព្រោះកើតពីភាពខ្ជិលច្រអូសនោះឯង ។ ថ្ងៃនេះ យើងនឹងបង្ហាញពីវិធីសាស្ត្រ៨យ៉ាងដើម្បីកម្ចាត់ភាពខ្ជិលច្រអូស ។
១-គិតហើយធ្វើ ៖
កាត់ពាក្យថា «បន្តិចទៀត» ចេញទៅ បើសិនជាគិតនឹងធ្វើអ្វី ក៏សូមឲ្យចាប់ផ្តើមតាំងតែពីពេលនេះទៅ ។ បើសិនជាកាន់តែរង់ចាំ មិនព្រមធ្វើវាភ្លាមៗ អ្នកនឹងចាប់ផ្តើមខ្ជិល រហូតដល់ចុងក្រោយមិនបានធ្វើ ។
២-ជឿជាក់លើខ្លួនឯង ៖
យកទស្សនៈថា «យើងធ្វើមិនបានទេ» ចេញពីគំនិត ព្រោះមុននឹងយើងទទួលបានជោគជ័យ គឺត្រូវចុះប្រឡូក ត្រូវសាកល្បងខុស សាកល្បងត្រូវខ្លះ ។
៣-ទុកចិត្តសុខភាពទាំងរាងកាយ និងខួរក្បាល ៖
បរិភោគអាហារល្អៗមានប្រយោជន៍ និងសម្រាកឲ្យគ្រប់គ្រាន់ ព្រោះបើរាងកាយមិនរឹងមាំ អ្វីៗក៏មើលទៅមិនល្អដូចគ្នាដែរ ។
៤-ជ្រើសរើសធ្វើអ្វីដែលស្រឡាញ់ ឬសុបិនពីមុន ៖
ព្រោះបើសិនជាយើងធ្វើអ្វីដែលចូលចិត្ត ដោយមិនត្រូវគេបង្ខិតបង្ខំ យើងនឹងមានក្តីសុខ និងធ្វើកិច្ចការនោះបានយ៉ាងល្អ និងមានប្រសិទ្ធភាព ។
៥-បង្កើតកម្លាំងបណ្តាលចិត្ត ៖
សាកល្បងរកកម្លាំងអូសទាញចិត្ត ឬកម្លាំងបណ្តាលចិត្តថា អ្វីដែលធ្វើនោះ ធ្វើទៅដើម្បីអ្នកណា និងដើម្បីអ្វី គោលដៅគឺជាអ្វី ធ្វើហើយល្អយ៉ាងណា ។
៦-តារាងកត់ត្រា ៖
អ្នកអាចធ្វើតារាងកត់ត្រាពិនិត្យបញ្ជីថា អ្នកត្រូវធ្វើអ្វីខ្លះក្នុងថ្ងៃនេះ និងធ្វើហើយទទួលបានអ្វី ។ រឿងនេះនឹងជួយឲ្យជីវិតមានរបៀបច្រើនឡើង ។
៧-កុំកំណត់គោលដៅខ្ពស់ខ្លាំងពេក ៖
ការកំណត់គោលដៅខ្ពស់ នៅពេលខុសបំណង វានឹងធ្វើឲ្យយើងខូចចិត្តខ្លាំងតាមនោះដែរ ។ ការកំណត់គោលដៅល្មមៗ វានឹងល្អប្រសើរជាង ។
៨-ផ្តល់រង្វាន់ដល់ខ្លួនឯង ៖
កំណត់គោលដៅថា បើសិនជាយើងទទួលជោគជ័យលើរឿងមួយហើយ យើងនឹងផ្តល់រង្វាន់ដល់ខ្លួនឯងដើម្បីជាកម្លាំងបណ្តាលចិត្ត ដូចជា បើតាំងចិត្តបន្ថយទម្ងន់ និងបានធ្វើមកជាច្រើនថ្ងៃហើយ យើងអាចនឹងទទួលទានអ្វីជាចំណង់ចំណូលចិត្តរបស់ខ្លួនខ្លះ ៕
ចែករំលែកព័តមាននេះ