ចុះរាវម៉ូទ័រក្នុងស្រះភ្លេចដកខ្សែភ្លើង ឆក់ស្លា.ប់មួយរំពេច
ខេត្តកំពង់ស្ពឺ ៖ បុរសម្នាក់បានស្លា.ប់ភ្លាមៗមួយរំពេចព្រោះតែការធ្វេសប្រហែសរបស់ខ្លួន ខណៈចុះទៅក្នុងត្រពាំងទឹកខាងក្រោយផ្ទះដើម្បីរាវរកម៉ូទ័រដែលដាក់ទុកបូមទឹក
ខេត្តកំពង់ស្ពឺ ៖ បុរសម្នាក់បានស្លា.ប់ភ្លាមៗមួយរំពេចព្រោះតែការធ្វេសប្រហែសរបស់ខ្លួន ខណៈចុះទៅក្នុងត្រពាំងទឹកខាងក្រោយផ្ទះដើម្បីរាវរកម៉ូទ័រដែលដាក់ទុកបូមទឹក
ខេត្តកំពង់ស្ពឺ ៖ បុរសម្នាក់បានស្លាប់ភ្លាមៗមួយរំពេចព្រោះតែការធ្វេសប្រហែសរបស់ខ្លួន ខណៈចុះទៅក្នុងត្រពាំងទឹកខាងក្រោយផ្ទះដើម្បីរាវរកម៉ូទ័រដែលដាក់ទុកបូមទឹក គាប់ជួនភ្លេចដកខ្សែភ្លើងបណ្តាលឲ្យឆក់ប្រកាច់ស្លាប់តែម្តង។ ករណីនេះកើតឡើងកាលពីវេលាម៉ោង៦និង៥០នាទី ថ្ងៃទី២៤ មេសា ២០១៧ នៅភូមិស្រែត្រោក ឃុំសែនដី ស្រុកសំរោងទង ខេត្តកំពង់ស្ពឺ ជនរងគ្រោះមានឈ្មោះ យាប់ កុំ ភេទប្រុស អាយុ ៤៤ឆ្នាំ។
ប្រភពពីសមត្ថកិច្ចបានឲ្យដឹងថា តាមការសាកសួរក្រុមគ្រួសារបានបំភ្លឺថា មុនពេលកើតហេតុដោយសារតែផ្ទះមិនមានទឹកប្រើជនរងគ្រោះបានចុះរាវម៉ូទ័របូមទឹក នៅត្រពាំងទឹកក្រោយផ្ទះ ដែលដាក់ទុកបូមទឹក តែគាប់ជួនបានដាច់ធ្លាក់ចូលទៅក្នុងទឹកពេលនោះជនរងគ្រោះដែលបានរាយខ្សែភ្លើងរួចហើយទំនងជាភ្លេចខ្លួនបានចុះទៅក្នុងទឹក ហើយក៏ឆក់ស្លាប់នៅក្នុងទឹកត្រពាំងនោះតែម្តង។ ក្រោយកើតហេតុដោយបាត់ជនរងគ្រោះយូរ ហើយមិនឃើញមានទឹកហូរក្រុមគ្រួសារបានទៅរកមើលស្រាប់តែប្រទះឃើញស្លាប់នៅក្នុងទឹកស្រះបាត់ទៅហើយ។
ប្រភពបានបន្តថា ក្រោយឃើញសភាពដូច្នោះក្រុមគ្រួសារបានដកខ្សែភ្លើងចេញហើយស្រង់យកមកលើគោក និងបានរាយការណ៍ឲ្យសមត្ថកិច្ចចុះមកពិនិត្យតែម្តង។ ករណីខាងលើជំនាញបានធ្វើការពិនិត្យលើសាកសពជនរងគ្រោះ ដោយមានការចូលរួមពីលោកមេភូមិ និងក្រុមគ្រួសារជនរងគ្រោះ ហើយទទួលស្គាល់ថាជនរងគ្រោះស្លាប់ដោយឆក់ខ្សែភ្លើង ពិតប្រាកដមែន សពត្រូវបានរៀបចំធ្វើបុណ្យនៅផ្ទះជនរងគ្រោះតែម្តង៕
ចែករំលែកព័តមាននេះ