អេហ្ស៊ីប៖ តាមប្រភពព័ត៌មាន Metro បានឲ្យដឹងថា ស្ត្រីដែលមានទម្ងន់ធ្ងន់ជាងគេលើពិភពលោក បានសម្រកទម្ងន់បានច្រើនជាងពាក់កណ្តាល ដោយចំណាយពេលត្រឹមតែ២ខែតែប៉ុណ្ណោះ។
ស្ត្រីអាយុ៣៧ឆ្នាំ Eman Ahmed Abd El Aty មានទម្ងន់ដល់ទៅ៤៩៩គីឡូក្រាម ដែលស្ទើរតែកន្លះតោនទៅហើយ កាលពីខែកុម្ភៈកន្លងមកថ្មីៗនេះ។ នាងត្រូវបានគេដឹកទៅប្រទេសឥណ្ឌា ដើម្បីធ្វើការព្យាបាលទៅលើស្ថានភាពរបស់នាង។
ទម្ងន់របស់នាងនៅពេលនេះពិតជាមិនគួរឲ្យជឿ។ នាងស្រក់អស់ជាង២៥៤គីឡូក្រាម បន្ទាប់ពីបានធ្វើការវះកាត់សម្រក់ទម្ងន់កាលពីខែមុន។ នៅពេលនាងធ្វើដំណើរទៅទទួលការវះកាត់ នាងបានជិះយន្តហោះពិសេសមួយ ដែលកែច្នែសម្រាប់តែនាង។
ការវះកាត់សម្រកទម្ងន់នេះ ធ្វើឡើងដោយកាត់មាឌរបស់ក្រពះចេញអស់មួយផ្នែក ដែលធ្វើឲ្យវាតូចជាងមុន។
នាពេលនេះ នាងអាចងើបអង្គុយដោយខ្លួនឯងបានហើយ។ នាងសប្បាយចិត្តណាស់ ព្រោះកាលពីមុន នាងធ្លាប់តែអង្គុយលើកៅអីរុញ ហើយមិនអាចទៅណានឹងគេបានទេ។ ពោលគឺនៅតែក្នុងផ្ទះរបស់នាងនាប្រទេសអេហ្ស៊ីប។
គ្រួសាររបស់នាងបានប្រាប់ឲ្យដឹងថា នាងមានជំងឺម្យ៉ាងហៅថា Elephantiasis ដែលធ្វើឲ្យជើងដៃរបស់នាងរីកធំខុសធម្មតា ហើយមិនអាចដើរទៅណាមកណាកើត។ នាងក៏មានជំងឺដាច់សរសៃឈាមខួរក្បាលផងដែរ។ ដោយសារតែទម្ងន់ដ៏ធ្ងន់របស់នាងនេះហើយ ទើបធ្វើឲ្យនាងមានជំងឺមួយចំនួនទៀតដូចជា៖ ជំងឺទឹកនោមផ្អែម ជំងឺលើសសម្ពាធឈាម និងជំងឺគេងមិនលក់។ លើសពីនេះទៅទៀត នាងក៏មិនអាចនិយាយច្បាស់ និងមានភាពពិការដោយកន្លែង។
ចែករំលែកព័តមាននេះ